1 तिमुथियुस 3:14 - बिलासपुरी नौआं नियम

¹⁴ हलाँकि हऊँ आशा कराँ भई मांह जल्दी तेरले औणा, पर ये गल्लां तिज्जो इस खातर लिखया राँ,

1 तिमुथियुस 3:14 Iomraidhean Croise

1 कुरिन्थियों 11:34

जे कोई भूखा हो तां अपणे घरा च खाई लो, ताकि तुहांरा कट्ठा हूणा सजा री वजह नीं बणो। बाकी गल्लां जो हऊँ आईने ठीक करगा।

1 थिस्सलुनीकियां 2:18

इस खातर अहें यनि मैं पौलुसे इक बार नीं बल्कि बौहत बार तुहांले औणा चाहया, पर शैताने अहांजो रोकी रखया।

1 तिमुथियुस 3:13

काँह्भई सै जे सेवका रा काम्म ठीक ढंगा ने कराँ ये, सै लोकां ते ईज्जत पांये इसरा नतीजा येआ भई सै यीशु मसीह च अपणे विश्वासा रे बारे च लोकां जो दिलेरिया ने दस्सी सक्कां ये।

1 तिमुथियुस 3:15

भई जे मेरे औणे च देरी हुईजो, तां तू जाणी लेंगा भई परमेशरा रे परिवारा च लोकां रा वर्ताव केढ़ा हूणा चाहिन्दा सै जे जिऊंदा परमेशरा री कलीसिया, खम्भा कने सच्चाईया री निऊँ इ।

1 तिमुथियुस 4:13

तदुआं तका जे हऊँ नीं आऊं, तदुआं तका वचन पढ़ने कने उपदेश देणे कने सखाणे रा काम्म कर।

फिलेमोन 1:22

होर इक गल्ल येई: मेरे रैहणे खातर अपणे घरें जगह त्यार कर, काँह्भई मिन्जो आशा इ भई परमेशरा तुहांरियां प्राथनां रा जबाब देणा कने तुहांले फेरी भीं औणे खातर इजाज़त देंगा।

इब्रानियों 13:23

तुहें ये जाणा भई तिमुथियुस अहांरा साथी विश्वासी जेल्ला ते छुट्टी गरा कने जे सै येत्थी छोड़े आओ, तां मांह तिसने सौगी आईने तुहांजो मिलणा।

2 यूहन्ना 1:12

हलाँकि मेरले बौहत सारी गल्लां इ सै जे हऊँ तुहांजो बोलणा चांह, पर कागज कने स्याईया ने लिखणा नीं चाहन्दा; बल्कि हऊँ आशा कराँ भई मांह तुहांले औणा कने आमणे-सामणे तुहांजो गल्ल-बात करनी, ताकि अहां पूरी तरह खुश हूणा।

3 यूहन्ना 1:14

बल्कि हऊँ आशा कराँ भई मांह तेरले जल्दी औणा फेरी अहां आमणे-सामणे गल्ल-बात करनी।