1 तिमुथियुस 2:8 - बिलासपुरी नौआं नियम

⁸ हऊँ चांह भई हर जगह मर्द, बिणा गुस्से कने बिणा बैहसा ते कने सै जे पवित्र जीवन जीयें सै अपणे हत्थां जो चक्कीने प्राथना करया करो।

1 तिमुथियुस 2:8 Iomraidhean Croise

मत्ती 21:21

यीशुये तिन्हांजो जबाब दित्या, “हऊँ तुहांजो सच्च बोलां, जे तुहां च विश्वास ओ कने तुहें शक नीं करो, तां न सिर्फ ये करना सै जे मैं अंजीरा रे डाल़ा रा कित्या, पर जे तुहें इस पहाड़ा ने बोल्लो, ‘उट्ठ, कने समुद्रा च जाईने पैईजा,’ तां तेढ़ा इ हुई जाणा।

मत्ती 5:44

पर हऊँ तुहांजो ये बोलां, भई अपणे दुश्मणां ने प्यार रखा कने अपणे सताणे औल़यां रे खातर प्राथना करा।

मत्ती 6:12

कने जियां जे किन्हिये अहांरे बरोधा च पाप कित्या तिन्हांजो अहें माफ कराँ ये, तियां इ तू बी अहांरे पापां जो माफ कर।

लूका 23:34

यीशुये गलाया, “पिता जी, इन्हांजो माफ कर, काँह्भई ये नीं जाणदे भई ये क्या करी रायें।” फेरी सपाईयें पर्चियां पाईने अप्पूँ चियें तिसरे कपड़यां रा बन्डवारा कित्या।

लूका 24:50

फेरी यीशु तिन्हाजो यरूशलेम नगरा ते बाहर बैतनिय्याह तक लैईया, कने अपणे हत्थां जो स्वर्गा खौ चक्की ने, चेलयां जो आशीष दित्ति।

यूहन्ना 4:21

यीशुये तिसाजो गलाया, “ओ नारी, मेरिया गल्ला पर विश्वास कर भई सै बगत आईरां ताहली जे तुहां पिता री अराधना नांत इस पहाड़ा पर करनी, कने नांई यरूशलेम च करनी।

प्रेरितां 10:2

सै परमेशरा ते डरने औल़ा माहणु था, कने अपणे सारे घराने समेत परमेशरा ते डराँ था, सै गरीब यहूदी लोकां जो बौहत दान देआं था कने परमेशरा ने बौहत प्राथना कराँ था।

प्रेरितां 10:31

कने बोलणे लगया, ‘कुरनेलियुस, तेरी प्राथना सुणीलरी कने तेरे दान परमेशरा रे सामणे याद कित्ते गईरे।

प्रेरितां 10:4

तिने बड़िया गौरा ने स्वर्गदूता जो देख्या कने डरदे हुये गलाया, “प्रभु जी,” तुहें क्या चाँये “तेरी प्राथना कने तेरे दान यादगारा रे तौरा पर परमेशरा रे सामणे पुज्जी गरे;

प्रेरितां 21:5

ताहली जे सै दिन पूरे हुईगे, तां अहें तित्थी ते चलीपे; कने जनानां कने बालकां समेत तिन्हें अहांजो नगरा ते बाहरा तका पहुँचाया; कने अहें कनारे पर गोडे टेक्कीने प्राथना किति,

प्रेरितां 7:60

फेरी गोडे टेक्कीने उचिया अवाज़ा च हाक पाई, “प्रभु, इस पापा खातर इन्हांजो माफ कर।” इसते बाद येढ़ा बोलीने सै मरीग्या।

1 कुरिन्थियों 1:2

हऊँ ये चिट्ठी परमेशरा रिया तिसा कलीसिया रे लोकां जो लिख्या राँ सै जे कुरिन्थुस नगरा ची, तिस्सो जे परमेशरे मसीह यीशुये च पवित्र कित्तिरा कने पवित्र हुणे खातर सद्दीरा; कने तिन्हां सारयां विश्वासियां जो बी सै जे हर जगह अहांरे कने तिन्हारे प्रभु यीशु मसीह रे नौआं री प्राथना कराँ ये।

1 कुरिन्थियों 7:7

हऊँ येढ़ा चांह भई तेढ़ा जे हऊँ आ, तियां इ सब माहणु हो; पर हर इक्की जो परमेशरा रिया तरफा ते खास वरदान मिलीरे; किसी जो इक्की तरिके रा, कने किसी जो दुज्जे तरिके रा।

2 कुरिन्थियों 2:14

पर परमेशरा रा धन्यवाद ओ सै जे मसीह रे जरिये अपणे जीतणे रिया खुशिया च अहांरी हमेशा अगवाई कराँ; कने परमेशर अहांरे जरिये हर जगह मसीह रे ज्ञाना री खुशबु बिखेरदा रैयां।

फिलिप्पियां 1:12

साथी विश्वासियो, हऊँ चाँह भई तुहें ये जाणी लो भई माह पर सै जे बीती, तिसते खुशखबरी कई गुणा फैलदी गई।

1 थिस्सलुनीकियां 1:8

काँह्भई तुहांरे येत्थीते न सिर्फ मकिदुनिया कने अखाया प्रदेशा च प्रभुरा वचन सुणाया गया, पर तुहांरे विश्वासा री, सै जे परमेशरा पर आ, हर जगह येढ़ि चर्चा फैलीगी इस खातर, अहांजो तुहांरे बारे च किसी जो किछ बी गलाणे री जरूरत नीं।

1 तिमुथियुस 5:14

इस खातर हऊँ ये चांह भई जवान विधवां ब्याह करो, कने बच्चे जणो, कने घर-बार सम्भालो, कने किसी दुश्मणा जो बदनाम करने रा मौका नीं देओ।

तीतुस 3:8

सै गल्लां जे मैं लिखी रियां सै सच्चियां इ, कने हऊँ चांह भई तू इन्हां गल्लां रे बारे च मजबूतिया ने बोल्लो, ताकि तिन्हें जे परमेशरा पर विश्वासा कित्या, सै भले कम्मां च लगी रैहणे खातर ध्यान देओ। ये गल्लां भली कने सब्बीं रे फायदे रियां इ।

इब्रानियों 10:22

इस खातर औआ, अहें सच्चे दिला ने कने पूरे विश्वासा ने, अन्तरात्मा रे दोषा जो दूर करदे हुये, शुद्ध दिला ने कने अपणे शरीरा जो शुद्ध पाणिये ने धोकर परमेशरा रे सामणे जाईये।

याकूब 4:8

परमेशरा रे नेड़े औआ, तां तिस बी तुहांरे नेड़े औणा। अरे पापियो! अपणयां पापां जो अपणे जीवना ते दूर करा, कने दोगले माहणुओ, अपणे मना जो पवित्र करा।

1 पतरस 3:7

तियां इ पतियो, तुहें बी अपणी पत्नियां रा आदर करा कने तिन्हांने समझदारिया ने बर्ताव करा तियां जे तुहें कट्ठा जीआ राँये, काँह्भई सै तुहां साई मजबूत निआं, पर तुहें कने सै परमेशरा रे जीवना रे बरदाना च बराबरिया रे वारस ये। येढ़ा करने ते तुहांरियां प्राथनां रे जबाबां च अड़चन नीं औणी।