1 तिमुथियुस 2:4 - बिलासपुरी नौआं नियम

⁴ सै जे ये चांह भई सब्बीं माहणुआं रा छुटकारा हो, कने सै सच्चाईया जो ठीक-ढंगा ने पछयाणी लो।

1 तिमुथियुस 2:4 Iomraidhean Croise

मत्ती 28:19

इस खातर तुहें जाईने सारी जातियां रे लोकां जो चेला बणावा; कने तिन्हांजो पिता, पुत्र, कने पवित्र आत्मा रे नौआं ते बपतिस्मा देआ,

मरकुस 16:15

कने यीशुये अपणे चेलेयां जो गलाया, “तुहें सारे संसारा च जाईने सारिया सृष्टिया रे लोकां जो खुशखबरी प्रचार करा।

लूका 1:77

तू अपणयां लोकां जो ये सखाणा भई सै कियां तिन्हांजो छुटकारा देणे रे खातर तिन्हांरे पापां जो माफ कराँ।

लूका 14:23

तां मालके तिस्सो गलाया, ‘नगरा रे बाहरा रे लोकां जो एत्थी औणे रे खातर मजबूर करा, तिसते जे मेरा घर भरी जाओ।

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 17:17

तू सच्चाईया ते तिन्हांजो पवित्र कर। तेरा वचन सच्चा।

यूहन्ना 6:37

सै किछ जे पिता मिन्जो देआं सै सारा मेरलौ इ औणा, कने तिस जे मेरले औणा तिसजो मांह कदीं नीं त्यागणा।

रोमियो 11:14

ताकि इस आशा ने भई हऊँ अपणे लोकां च बी जल़ण पैदा करी सक्कूं कने तिन्हां चते कईयां लोकां रा छुटकारा करी सक्कूं।

1 तिमुथियुस 4:10

अहें मेहणत कने कोशिश इस इ खातर कराँ ये भई अहांरी आशा तिस जीवते परमेशरा पर इ सै जे सब माहणुआं रा कने खास कर विश्वासियां रा छुटकारा करने औल़ा।

2 तिमुथियुस 2:25

तिस्सो अपणे बरोधियां जो बी इसा आशा ने विनम्रता सौगी समझाणा चाहिन्दा भई परमेशरा तिन्हांरे मना जो बदलने च कने मसीह री सही शिक्षां जो बी जाणने च मदद करनी।

2 तिमुथियुस 3:7

ये औरतां हमेशा नई-नई गल्लां सिक्खां इयां, पर सै कदीं सच्चाईया जो समझी नीं पान्दियां।

तीतुस 1:1

हऊँ पौलुस, परमेशरा रा दास कने यीशु मसीह रा प्रेरित आ। परमेशरे मिन्जो इस खातर चुणया ताकि हऊँ परमेशरा रे चुणीरे लोकां रे विश्वासा जो मजबूत करी सक्कूँ कने यीशु मसीह रिया शिक्षां जो ठीक-ढंगा ने जाणने खातर तिन्हांरी मदद करी सक्कूँ ताकि सै इस तरिके रा जीवन जीओ सै जे परमेशरा जो खुश कराँ।

तीतुस 2:11

विश्वासियां जो इस तरीके ने सिखा, काँह्भई परमेशरे सारयां लोकां जो पापा ते छडवाणे रा रस्ता दस्सीने अपणा अनुग्रह प्रगट कित्तिरा।

इब्रानियों 10:26

काँह्भई सच्चाईया रा ज्ञान पाणे ते बाद बी जे अहें जाणी बुझीने पाप करदे रैं, तां फेरी पापां रे खातर कोई बलिदान बाकी निआं।

याकूब 3:14

पर जे तुहां लोकां रे दिलां च कड़वाहट कने स्वार्थ भरोईरा हो, तां अपणे ज्ञाना रा ढोल मता पिटदे, येढ़ा करीने त तुहें सच्चाईया पर पर्दा पान्दे हुये झूट्ठ बोल्ली कराँ ये।

2 पतरस 3:9

प्रभु अपणे बायदे पूरा करने च देर नीं लगान्दा, तियां जे भई किछ लोक सोच्चां ये। बल्कि सै अहांरे प्रति धीरज रखां, काँह्भई सै नीं चाहन्दा भई कोई बी माह्णु नाश हो, पर सै त चांह भई सारे लोक पापां ते मन फिराई लो।

2 यूहन्ना 1:1

हऊँ यूहन्ना कलीसिया रा अगवा, ये चिट्ठी तिसा औरता जो कने तिसारे बच्चयां जो लिखया राँ, तिन्हांजो जे परमेशरे चुणीरा, कांहभई अहें सारे परमेशरा रिया सच्चाईया पर विश्वास करां ए कने सिर्फ हऊँ इ नीं, पर सै सब जणे बी तुहांने प्यार रक्खां ये सै जे परमेशरा रिया सच्चाईया जो जाणाँ यें।

प्रकाशितवाक्य 14:6

फेरी मैं इक होर स्वर्गदूता जो अम्बरा रे बिच उडदे हुये देख्या, तिसले जे धरतिया रे रैहणे औल़यां री हरेक जाति, कुल़, भाषा कने लोकां जो सुनाणे खातर अनन्त खुशखबरी थी।