1 तिमुथियुस 2:10 - बिलासपुरी नौआं नियम

¹⁰ पर भलयां कम्मां ते, काँह्भई परमेशरा री भगती करने औलियां औरतां जो येई शोभा देआं।

1 तिमुथियुस 2:10 Iomraidhean Croise

प्रेरितां 9:36

याफा नगरा च तबीता नामक विश्वासी थी। यूनानी भाषा च तिसारा नौं दोरकास था। सै बौहत सारे भले-भले काम्म कने मदद कराँ थी।

प्रेरितां 9:39

तां पतरस उट्ठीने तिन्हां सौगी चली गया, कने तां जे तित्थी पुज्जया तां सै तिस्सो तित्थी लईगे। सब विधवें रोन्दियां-रोन्दियां तिसले खढ़ी ने, सै कुरते कने कपड़े जे दोरकास तिन्हांने सौगी रैंहदे बणाईरे थे, दसणे लगियां।

इफिसियां 2:10

काँह्भई परमेशर अहांरा बनाणे औल़ा, तिने मसीह यीशु च अहांरी सृष्टि इस खातर कित्ती भई अहें भले काम्म करो, तिन्हांजो जे परमेशरे पैहले ते अहांरे खातर त्यार कित्तिरा।

1 तिमुथियुस 2:11

ताहली जे मर्द तिन्हांजो सखांये, तां सारियां औरतां जो मर्दां रे पूरे अधिकारा जो जाणदे हुये चुपचाप सुणीने सिखणा चाहिन्दा।

1 तिमुथियुस 2:9

तियां इ हऊँ बी चांह भई जनानां बी ठीक ढंगा रे बधिया कपड़े पैहनीने अप्पूँजो स्वारो; नां की किसी रा ध्यान खिंजणे रे खातर बाल बनाणा कने सोने कने मोतियां कने मैहंगे कपड़यां ते,

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

तीतुस 3:8

सै गल्लां जे मैं लिखी रियां सै सच्चियां इ, कने हऊँ चांह भई तू इन्हां गल्लां रे बारे च मजबूतिया ने बोल्लो, ताकि तिन्हें जे परमेशरा पर विश्वासा कित्या, सै भले कम्मां च लगी रैहणे खातर ध्यान देओ। ये गल्लां भली कने सब्बीं रे फायदे रियां इ।

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

2 पतरस 3:11

काँह्भई ताहली जे परमेशरा इस तरिके ने सारियां चिज़ां खत्म करनियां, तां सोच्चा तुहांजो किस तरिके रा बर्ताव करना चाहिन्दा? तुहांजो पवित्र जीवन जीणा चाहिन्दा कने अपणे सारयां कम्मां च परमेशरा जो खुश करना चाहिन्दा।

प्रकाशितवाक्य 2:19

हऊँ तेरे कम्मां, प्यार, विश्वास, सेवा कने धीरजा, जो जाणाँ कने ये बी हऊँ जाणाँ भई तेरे हुणके काम्म पैहलकयां कम्मां ते जादा ये यनि ताहली जे तैं मांह पर विश्वास करने ते बाद कित्या था।