1 तिमुथियुस 1:8 - बिलासपुरी नौआं नियम

⁸ अहें जाणाँ ये भई जे लोक व्यवस्था जो ठीक-ढंगा ने इस्तेमाल करो तां सै खरी।

1 तिमुथियुस 1:8 Iomraidhean Croise

रोमियो 12:2

हुण होर अग्गे इस संसारा रिया रीता पर मता चलदे; पर परमेशर तुहांरे मना जो बदलने रे जरिये तुहांजो नया दिल देओ। ताकि तुहें परमेशरा रियां इच्छां जो जाणी सकगे, यानि सै जे भली, सै जे तिस्सो खुश कराँ इ कने सै जे उत्तम इ।

रोमियो 7:16

कने जे हऊँ सैई कराँ, सै जे हऊँ नीं करना चाहन्दा, तां हऊँ मन्नी लेआं भई व्यवस्था उत्तम इ।

रोमियो 7:18

काँह्भई हऊँ जाणाँ भई माह च यनिके मेरे शरीरा च किसी खरिया चीज़ा रा वास निआं। नेकी करने री इच्छा त माह च हाई पर नेक काम्म माहते नीं हुन्दे।

रोमियो 7:22

अपणी अन्तरात्मा च हऊँ परमेशरा रिया व्यवस्था ते बड़ा खुश रेआं।

गलातियां 3:21

क्या इसरा ये मतलब आ भई व्यवस्था परमेशरा रे वायदे रे बिरोधा ची? कदीं मनी! काँह्भई जे येढ़ि व्यवस्था दित्तिरी हुन्दी सै जे लोकां च जीवना रा संचार करी सक्कां इ, तां इसरा पालन करने रे जरिये अहें परमेशरा रे सामणे धर्मी हुई जान्दे।

2 तिमुथियुस 2:5

इस तरिके ने जे कोई किसी खेला रे मुकावले च भाग लेआं, पर खेल कूदा रे नियमा मुतावक मुकाबला नीं करदा तां सै विजय रा मुकुट नीं पाई सकदा।