1 तिमुथियुस 1:4 - बिलासपुरी नौआं नियम

⁴ कने तिन्हांने बोल भई येढ़ि मन घड़न्त कहाणियां कने पूर्वजां रियां खत्म नीं हुणे औल़ियां कहाणियां पर मन नीं लगाओ, तिन्हांते जे सिर्फ विवाद इ पैदा हुआं ये। कने सै विवाद परमेशरा रिया योजना जो रोकां ये, सै जे तिन्हां लोकां रे जरिये इ हुई सक्कां सै जे परमेशरा पर विश्वास कराँ ये।

1 तिमुथियुस 1:4 Iomraidhean Croise

2 कुरिन्थियों 1:12

अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

इफिसियां 3:2

जरूर तुहें सुणीरा भई परमेशरे अपणे अनुग्रह रे जरिये तुहांजो खुशखबरिया रा प्रचार करने री जिम्मेवारी मिन्जो दित्तिरी।

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

1 तिमुथियुस 4:7

पर मन घड़न्त कने बेकार कहाणियां ते दूर रैयां तिन्हांते जे परमेशरा जो आदर नीं मिलदा, बल्कि भगतिया रा जीवन जीणे खातर खुद लगातार मेहणत कर।

1 तिमुथियुस 6:11

पर अरे परमेशरा रे माहणु तिमुथियुस, तू इन्हां गल्लां ते दूर हुई जा, कने सै जे सही आ तिसजो करने री हरेक कोशिश कर, कने परमेशर तेढ़ा जे चांह तू तियां बर्ताव कर, मसीह पर विश्वास कर, दुज्यां लोकां ने प्यार कर, मुशीवतां जो सैई लै कने लोकां सौगी गुस्सा नीं कर।

1 तिमुथियुस 6:20

अरे तिमुथियुस, तू ये निश्चा कर भई सै जे परमेशरे तिज्जो सौंपीरा तू सैई कराँ। कने तिन्हां लोकां री मत सुणयां सै जे लगातार मूर्ख गल्लां कराँ ये तिन्हांते जे परमेशरा रे खातर आदर नींआ कने बेकार च बैहस कराँ ये कने सै बोलां ये भई ये ज्ञान आ, पर सच्चीजो ये नींआ।

2 तिमुथियुस 2:14

विश्वासियां जो इन्हां गल्लां री याद दिलान्दा रै कने तिन्हांजो परमेशरा रिया हजूरिया च चेतावनी दे भई सै शब्दां जो लईने झगड़ा नीं करो इसते कोई फायदा नीं हुन्दा, पर इसजो सुणने औल़े नाश हुई जांये।

2 तिमुथियुस 2:22

इस खातर तू ज्वानिया रिया बुरियां इच्छां ते दूर जा कने सै लोक जे साफ दिला ने प्रभुये जो पुकाराँ ये, तिन्हां सौगी मिलीने धार्मिकता, विश्वास, प्यार कने शान्तिया रे पिच्छे चल।

2 तिमुथियुस 2:23

पर मूर्ख कने बेकार बैहसा ते दूर रै, काँह्भई तू जाणाँ भई तिन्हांते झगड़ा हुआं।

2 तिमुथियुस 4:4

तिन्हां परमेशरा रे सही वचनां जो नीं सुणना वल्कि मन गढ़ंत कहाणियां जो सुणना।

तीतुस 1:1

हऊँ पौलुस, परमेशरा रा दास कने यीशु मसीह रा प्रेरित आ। परमेशरे मिन्जो इस खातर चुणया ताकि हऊँ परमेशरा रे चुणीरे लोकां रे विश्वासा जो मजबूत करी सक्कूँ कने यीशु मसीह रिया शिक्षां जो ठीक-ढंगा ने जाणने खातर तिन्हांरी मदद करी सक्कूँ ताकि सै इस तरिके रा जीवन जीओ सै जे परमेशरा जो खुश कराँ।

तीतुस 1:14

कने सै यहूदियां री मन-घड़न्त कहाणियाँ कने तिन्हां माहणुआं रे हुक्मां पर ध्यान नीं देणा, सै जे सच्चाईया रा इन्कार कराँ ये।

तीतुस 3:9

पर मूर्ख बैहस, पूर्वजां रियां वंशावलियां री बैहस, व्यवस्था रे बारे च झगड़े कने वाद-विवादा ते दूर रै; काँह्भई ये सब बेकार कने फायदे रे नींये।

इब्रानियों 13:9

लग-लग किस्मा रे विचित्र उपदेशां ते नीं भरमाये जाओ, काँह्भई तुहांरे मना रे खातर ये बधिया भई सै परमेशरा रे अनुग्रह रे जरिये मजबूत बणे, नां की खाणे रे बारे च नियमां रा पालन करने रे जरिये। काँह्भई जितने लोक इस नियमा रा पालन कराँ ये सै अपणे खातर किछ बधिया नीं करदे।

2 पतरस 1:16

ताहली जे अहें तुहांजो अहांरे प्रभु यीशु मसीह री सामर्थ कने तिसरे दोवारा औणे रे बारे च दस्या था, तां अहें तुहांजो चलाकिया ने बणाईरी किछ कहाणियां नीं दस्यारां थे, पर अहें त तिसरिया महिमा रे चश्मदीद गवाह थे।