1 तिमुथियुस 1:16 - बिलासपुरी नौआं नियम

¹⁶ पर माह पर इस खातर दया हुई भई मुझ सब ते बड़े पापिये च यीशु मसीह अपणी पूरी सहनशीलता दस्सो, भई सै जे लोक तिस पर अनन्त जीवना खातर विश्वास करगे तिन्हां खातर हऊँ इक आर्दश बणुँ।

1 तिमुथियुस 1:16 Iomraidhean Croise

लूका 15:10

इस इ तरिके ने, जे इक पापी बी अपणे पापां ते मन फिराओ, तां स्वर्गा च परमेशरा रे स्वर्गदूतां तिसरे खातर खुशी मनाणी।”

लूका 23:43

यीशुये तिसने गलाया, “हऊँ चाँह भई तू जाणी लो, आज्ज तू मेरे सौगी स्वर्ग लोका च हूणा।”

लूका 7:47

इस खातर तू समझी लै भई इसारे पाप, सै जे बौहत थे, माफ हुईगे, काँह्भई इसे मता प्यार कित्या। पर तिस माहणुये रे जे थोड़े पाप माफ हुए, सै थोड़ा प्यार दस्सां।”

यूहन्ना 20:31

पर ये सै जे लिखे गईरे, इस खातर भई तुहें विश्वास करो भई यीशु इ मसीह आ, सैई परमेशरा रा पुत्र आ। कने तिस पर विश्वास करीने अनन्त जीवन पाओ।

यूहन्ना 3:36

इस खातर सै जे कोई परमेशरा रे पुत्रा पर विश्वास करां, तिसजो इ अनन्त जीवन मिलणा; पर सै माहणु जे परमेशरा रे पुत्रा री गल्ल नीं मनदा, तिस्सो अनन्त जीवन नीं मिलणा, पर परमेशरा तिसजो अनन्त काल री सजा देणी।”

यूहन्ना 5:24

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

यूहन्ना 6:37

सै किछ जे पिता मिन्जो देआं सै सारा मेरलौ इ औणा, कने तिस जे मेरले औणा तिसजो मांह कदीं नीं त्यागणा।

यूहन्ना 6:40

काँह्भई मेरे पिता री इच्छा येई, भई तिस जे पुत्रा जो देखीने तिस पर विश्वास करना तिस अनन्त जीवन पाणा; कने माह सै न्याय रे दिन भीं ते जिऊंदा करी देणा।”

यूहन्ना 6:54

सै जे मेरा शरीर खां कने मेरा खून पीआं, अनन्त जीवन तिसरा इ हाया; कने न्याय रे दिन मांह सै मूईरयां चते भीं जिऊंदा करीने ठवाल़णा।

प्रेरितां 13:39

कने तिन्हां गल्लां च जे तुहें मूसा री व्यवस्था रे जरिये निर्दोष नीं ठैहरी सकदे थे, तिन्हांई सब्बीं च हर इक विश्वास करने औल़ा यीशु मसीह जरिये निर्दोष ठैहरया।”

रोमियो 15:4

हर गल्ल सै जे पवित्रशास्त्रा च पैहले ते लिखिरी, सै अहांजो शिक्षा देणे खातर थी भई सै तसल्ली कने हिम्मत जे अहांजो पवित्रशास्त्रा ते मिलाँ इ, अहें तिसते आशा पाई सक्को।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

1 कुरिन्थियों 7:25

क्वारियाँ रे बारे च सै स्वाल जे तुहें पुच्छया था तिसरा जबाब हऊँ देणा चांह: प्रभुये रिया तरफा ते कोई हुक्म मिन्जो नीं मिलया, पर प्रभुये रिया दया ते बफादार हुणे रे नाते हऊँ अपणी राय देआं।

2 कुरिन्थियों 4:1

काँह्भई परमेशरा रिया दया ते तिसरे वचना रा प्रचार करने री सेवा अहांजो मिली, इस खातर अहें निराश नीं हुन्दे।

इफिसियां 1:12

ताकि अहें यहूदी तिन्हेंजे पैहले ते मसीह च भरोसा कित्या ताकि अहां लोकां रिया वजह ने परमेशरा रिया महिमा री स्तुति हो।

इफिसियां 1:6

ताकि अहें तिसरे महान अनुग्रह रे खातर तिसरी प्रशंसा करिये। तिने ये अनुग्रह अहौं अपणे प्यारे पुत्रा च मुफ्ता च दित्तिरा।

इफिसियां 2:7

तिने मसीह यीशुये रे जरिये इस तरिके ने अपणी दया अहां पर दिखाई ताकि औणे औल़े वगता च संसारा रे लोकां देखणा भई तिसरा अनुग्रह कितना महान आ। ये अनुग्रह सब्बीं ते महान आ।

2 थिस्सलुनीकियां 1:10

ये तिस दिन हूणा, ताहली जे प्रभुये अपणे पवित्र लोकां ते महिमा पाणे कने सब विश्वास करने औल़यां ते आदर पाणे खातर फेरी भीं औंणा; कने तुहां बी तिन्हांरे बिच हूणा काँह्भई तुहें अहांरे सन्देशा पर विश्वास कित्या।

1 तिमुथियुस 1:13

हलाँकि हऊँ त पैहले मसीह री निंध्या करने औल़ा, विश्वासियां जो सताणे औल़ा, कने निर्दयी माहणु था; तां बी मसीह माह पर दया कित्ती, काँह्भई मैं अनजाणे च कने अविश्वावासा रिया वजह ने ये काम्म कित्ते थे।

इब्रानियों 7:25

इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

1 पतरस 3:20

ये तिन्हां लोकां रियां आत्मां थिआं तिन्हेंजे बौहत पैहले परमेशरा रा हुक्म नीं मन्नया था ताहली जे नूँह जहाज बणाईराँ था, कने परमेशर धीरजा ने इन्तजार करया राँ था भई सै मन फिराई लो। पर येढ़ा नीं हुया कने जलप्रलय ते बाद सिर्फ आट्ठ माहणु इ बची पाये।

2 पतरस 3:15

अहांरे प्रभुये रे धीरजा जो इक मौके रे रुपा च समझा सै जे तुहांजो छुटकारा पाणे रे खातर देईराँ, तियां जे अहांरे प्यारे साथी विश्वासी पौलुसे बी तिसजो परमेशरा रे दित्तिरे ज्ञाना रे मुतावक तुहांजो लिखिरा।

2 पतरस 3:9

प्रभु अपणे बायदे पूरा करने च देर नीं लगान्दा, तियां जे भई किछ लोक सोच्चां ये। बल्कि सै अहांरे प्रति धीरज रखां, काँह्भई सै नीं चाहन्दा भई कोई बी माह्णु नाश हो, पर सै त चांह भई सारे लोक पापां ते मन फिराई लो।