1 थिस्सलुनीकियां 4:6 - बिलासपुरी नौआं नियम

⁶ भई इसा गल्ला च कोई अपणे विश्वासी भाईये रे बरोधा च पाप नीं करो, कने नां तिसरा गल़त फायदा लौ, काँह्भई प्रभु यीशुये तिन्हां सारयां जो सजा देणी सै जे इस तरिके रे काम्म कराँ ये; तियां जे भई अहें तुहां लोकां जो साफ शब्दां च समझाई चुक्कीरे।

1 थिस्सलुनीकियां 4:6 Iomraidhean Croise

मरकुस 10:19

तू हुक्मां जो त जाणाँ इ हया : हत्या नीं करनी, व्यभिचार नीं करना, चोरी नीं करनी, झूट्ठी गवाही नीं देणी, छल नीं करना, अपणे पिता कने माता रा आदर करना।”

लूका 12:5

पर हऊँ तुहांजो दस्सां, भई परमेशरा ते डरा तिसले जे लोकां जो मारने कने तिन्हाजो नरका च पाणे री बी समरथ्या इ।

लूका 16:28

काँह्भई मेरे पांज्ज भाई ये, सै ऊत्थी जाईने तिन्हारे सामणे इन्हां गल्लां री चेतावनी देओ, येढ़ा नीं हो भई सै बी इसा पीड़ा रिया जगह च आओ।

रोमियो 1:18

परमेशरा रा गुस्सा स्वर्गा ते तिन्हां सारे अविश्वासी कने पापी लोकां रे ऊपर भड़कां सै जे सच्चाईया जो अपणिया बुराईया ने दबाई रखां ये।

रोमियो 12:19

मेरे मित्रो, किसी ने खुद अप्पूँ बदला नीं लेणा, पर इस्सो परमेशरा रे गुस्से पर छड्डी देआ काँह्भई पवित्रशास्त्रा च लिखिरा : प्रभुये गलाया, “बदला लेणा मेरा काम्म आ, माह इ बदला देणा।”

रोमियो 13:4

सै जे राजा सै परमेशरा रा सेवक आ, सै तेरा भला करने खातर आ, पर जे तू बुरा कराँ तां तिसते डर, काँह्भई तिने तलवार बेमतलब नीं लेईरी; सै परमेशरा रा सेवक आ सै जे बुरा काम्म करने औल़यां पर परमेशरा रा कोप ल्यौआं।

2 कुरिन्थियों 7:11

देक्खा, सै दुख जे परमेशरा रिया तरफा तेआ तिने तुहांरे जीवना च क्या-क्या बदलाव कित्तिरा, तियां जे भई कितना उत्साह, अप्पूँजो बचाणे री चिन्ता, गुस्सा, डर, मेरने मिलणे री बेचैनी, सेवा रे प्रति तुहांरा जोश, कने पापा रे प्रति न्याय चुकाणे री भावना। तुहें हर गल्ला च ये साबित कित्या भई इस बारे च तुहें पूरी तरह निर्दोष थे।

गलातियां 5:21

जल़ण, नशा, मतवाले हूणा या येढ़ि इ होर गल्लां, हुण हऊँ तुहांजो इन्हां गल्लां रे बारे च तियां इ चेतावनी देई कराँ, तियां जे हऊँ तुहांजो पैहले इ चेतावनी देई बैठिरा था भई सै लोक जे येढ़ियां गल्लां च शामिल हुंगे, सै परमेशरा रे राज्जा रे बारस नीं हुणे।

इफिसियां 4:17

इस खातर मिन्जो प्रभुये रे दित्ते गये अधिकारा ने हऊँ ये बोलां भई तुहें अविश्वासियां साई जिन्दगी नीं जीआ तिन्हांरी सोच जे बेकार इ।

इफिसियां 4:28

सै जे चोरी करदा आया, सै इसते बाद चोरी नीं करो, बल्कि तिस्सो काम्म करना चाहिन्दा, खुद अपणे हत्थां ने मेहणत करा, ताकि तिसले तिस्सो जे जरूरत इ, तिस सौगी बंडणे जो किछ हुई सक्को।

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

1 थिस्सलुनीकियां 2:11

तुहें जाणदे इ हाये भई तियां जे इक पिता अपणे बच्चयां ने बर्ताव कराँ, तियां इ अहें तुहां चते हर इक्की जो उपदेश करदे, शान्ति देन्दे, कने समझान्दे थे,

2 थिस्सलुनीकियां 1:8

कने सै जे परमेशरा जो नीं पछयाणदे कने अहांरे प्रभु यीशुये रे खुशखबरिया जो ग्रहण नीं करदे तिन्हाजो तिस सजा देणी।

इब्रानियों 13:4

ब्याह रा सब्बीं रे जरिये आदर हूणा चाहिन्दा, कने इक पति-पत्निया जो इक्की दूये रे इलावा किसी दुज्जे ने सम्बन्ध रखणा ठीक नींआ, काँह्भई परमेशर व्यभिचारियां, कने परस्त्रीगामियां रा न्याय करगा।

इब्रानियों 2:6

तियां जे पवित्रशास्त्रा रिया किसी जगह पर ये लिखिरा, “परमेशर, लोक क्या ये, भई तिज्जो तिन्हांरे बारे च सोचणा चाहिन्दा, या लोक क्या ये भई तू तिन्हांरी फिक्र कराँ?

याकूब 2:6

तां बी तुहें गरीबां री बेज्जति कराँ ये। तुहें जाणां ए भई ये अमीर लोक इ हाए सै जे तुहां पर अत्याचार करां ए। सैई सै जे तुहांजो कचैहरियां च जबरदस्ती घसीटी ने नीं लेई जाएं?

याकूब 5:4

देक्खा, तिन्हे मजदूरें जे तुहांरी फसल लुणि, तिन्हांरी मजदूरी तुहें धोखा देईने रोकीरी, तिन्हांरी मजदूरी तुहांरे खलाफ चीन्डां मारी राईं; फसल लुणने औल़यां री पुकार सर्वशक्तिमान प्रभुये रे कन्नां तक पुज्जी चुक्कीरी।