1 थिस्सलुनीकियां 2:5 - बिलासपुरी नौआं नियम

⁵ तुहें जाणाँ ये भई अहें नांत कदीं चापलुसिया री गल्लां करदे थे, कने नांई लालचा रे खातर कोई बहान्ना बणां थे, इसरा परमेशर गवाह।

1 थिस्सलुनीकियां 2:5 Iomraidhean Croise

मत्ती 22:16

तिन्हे अपणे चेले हेरोद राजे रे समर्थकां सौगी यीशुये ले भेज्जे, तिन्हें यीशुये जो गलाया, “गुरू जी, अहें जाणाँ ये भई तू सच्चा, कने तू परमेशरा रा रस्ता सच्चाईया ने सखां, कने कोई क्या सोच्चां तू किसी री परवाह नीं करदा, काँह्भई तू माहणुआं रिया हैसियता पर नीं जान्दा।

मत्ती 23:13

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें लोकां जो परमेशरा रे अधीन हुणे ते रोकां ये, तुहें तिन्हां माह्णुआं साई ये सै जे स्वर्गा रे राज्जा रा दरवाजा बन्द करी दें इस खातर भई दुज्जे परमेशरा रे नगरा च प्रवेश नीं करी सक्को; तुहें खुद त तिसच दाखल नीं हूणा चाहन्दे कने होरीं जो बी तिसच जाणे ते रोकां ये।

प्रेरितां 20:33

“मैं किसी जो चाँदी, सोने या कपड़े रा लालच नीं कित्या।

रोमियो 1:9

परमेशर तिसरी सेवा जे हऊँ अपणे पूरे दिला ते तिसरे पुत्रा री खुशखबरिया रा प्रचार करने रे जरिये कराँ, सैई मेरा गवाह भई हऊँ कियां तुहांजो हमेशा अपणियां प्राथनां च याद करदा रैयां,

रोमियो 16:18

काँह्भई येढ़े लोक अहांरे प्रभु यीशु मसीह री नीं बल्कि अपणे पेट्टा री सेवा कराँ ये; कने अपणी चिकनी चुपड़ी गल्लां ते सिधे-साधे मना रे लोकां जो बहकायें।

रोमियो 9:1

हऊँ मसीह रा, कने मेरा दिल कने पवित्र आत्मा ये पक्का कराँ ये भई हऊँ सच्च बोलां कने हऊँ झूठ नीं बोलीराँ

2 कुरिन्थियों 12:17

हऊँ तुहांते अपणे खातर पैसा पाणे जो तीतुस या होर किसी रा इस्तेमाल नीं कित्या।

2 कुरिन्थियों 2:17

परमेशरा रे वचना जो अपणे फायदे खातर, तिसच मिलावट करीने बेचणे औल़े मते सारे दुज्जे लोकां साई अहें नींये। पर अहें त परमेशरा रे सामणे परमेशरा रिया तरफा ते भेज्जीरे माहणुआं रे बराबर मसीह च हुईने सच्चाईया ने बोलां ये।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।

2 कुरिन्थियों 7:2

अहांजो अपणे दिला ने प्यार करा, अहें किसी रा किछ बी नीं बगाड़ीरा; अहें किसी ने बी कोई अन्याय नीं कित्या, कने नांई अहें किसी ने कोई छल-कपट कित्या।

गलातियां 1:20

हऊँ परमेशरा रे सामणे सगन्द खाई ने बोलां भई जो किछ जे हऊँ लिखिराँ तिसच कोई गल्ल झूट्ठ नीं।

1 थिस्सलुनीकियां 2:10

तुहें खुद इ गवाह ये, कने परमेशर बी गवाह भई तुहां सारयां विश्वासियां ने अहांरा स्वाभाव कितना सच्चा, धर्मी कने निर्दोष था।

1 तिमुथियुस 3:3

सै पियक्कड़ कने मार-पीट करने औल़ा नीं हो पर दयालु हो, कने नां झगड़ने औल़ा, कने नां पैसे रा लालची हो।

1 तिमुथियुस 3:8

तियां इ सेवक बी ईज्जतदार कने ईमानदार हुणे चाहिन्दे, कने सै पियक्कड़ कने नीच कमाईया रे लालची नीं हो;

तीतुस 1:7

काँह्भई कलीसिया रे अगुवे जो परमेशरा रा भण्डारी हुणे रिया वजह ते निर्दोष हूणा चहिन्दा; नां हठी, नां गुस्सेबाज नां पियक्कड़, नां मारपीट करने औल़ा, नां नीच कमाईया रा लालची हो,

1 पतरस 5:2

भई परमेशरा रे तिस झुण्डा री रखवाल़ी करा सै जे तुहांरे बिच आ; ये दबावा ने नीं पर परमेशरा रिया इच्छा रे मुतावक मौज्जा ने कने नीच कमाईया रे खातर नीं, पर मन लाईने करा।

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

2 पतरस 2:3

सै बौहत लालची हुणे कने तुहांते पैसा लेणे रे खातर अपणी मन-घड़न्त कहाणियां सुणाईने तुहांजो धोखा देणा। परमेशर बौहत पैहले ते ये तैह करी चुक्कीरा भई तिस तिन्हांजो सजा देणी कने सै ये करने खातर त्यार आ। तिस पक्का तिन्हांरा नाश करना।

यहूदा 1:11

तिन्हां लोकां रे खातर ये कितना भयानक हूणा! काँह्भई तिन्हें कैना साई बुरा बर्ताव कित्या, कने सै बिलामा साई ये तिने जे पैसा पाणे खातर परमेशरा रे लोकां जो पाप करने खातर भड़काणे री कोशिश कित्ती थी। सै कोरह साई परमेशरा रे बिरोधा च बिद्रोह कराँ ये इस खातर तिन्हांरा नाश हूणा तैह आ।