1 पतरस 5:5 - बिलासपुरी नौआं नियम

⁵ इस तरिके ने नौजबानो, तुहें बी अपणे बजुर्गां रे अधीन रौआ कने तुहें सारे नम्रता ने इक्की दुज्जे रिया सेवा खातर कमर बन्हीने रा त्यार रौआ, काँह्भई, “परमेशर घमण्डियां रा बरोध कराँ, पर नम्र लोकां पर अनुग्रह कराँ।”

1 पतरस 5:5 Iomraidhean Croise

लूका 22:26

पर तुहें तेढ़े नीं हुयों बल्कि तुहां बिच सै जे सब्बीं ते महान आ, सै छोट्टे साई कने सै जे प्रधान आ, सै सेवका साई बणो।

रोमियो 12:10

भाईचारे रे प्यारा ने इक्की दुज्जे रे प्रति समर्पित रौआ, कने दुज्यां जो अप्पूँ ते बधीने आदर देआ।

रोमियो 13:14

बल्कि प्रभु यीशु मसीह साई जीओ, कने जिस्मा री इच्छां जो पूरा करने री कोशिश नीं करा।

इफिसियां 5:21

मसीह रे प्रति आदर रखणे रिया वजह ते इक्की दूये रे अधीन रौआ।

फिलिप्पियां 2:3

हिरख कने घमण्डा ने किछ बी मता करदे, बल्कि नम्र बणा कने दुज्जेयां जो अप्पूँ ते खरा समझा।

कुलुस्सियां 3:12

काँह्भई तुहें परमेशरा रे चुणीरे पवित्र कने प्यारे लोक ये इस खातर सहानुभूति रखणे औल़े, दया करने औल़े, नरम दिल, तसल्ली रखणे औल़े कने नम्र बणा।

1 तिमुथियुस 5:1

किसी सयाणे जो नीं थिड़क, पर तिस्सो अपणे पिता साई जाणीने प्यार कने आदरा ने समझाई दे, कने जवानां जो अपणे भाईये साई जाणीने;

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

याकूब 4:6

बुरियां इच्छां रा डटी ने मुकाबला करने रे खातर सै जादा ते जादा अनुग्रह देआं; तियां जे भई पवित्र शस्त्र बोलां, “परमेशर घमण्डियां रा बरोध कराँ, पर नम्र लोकां पर किरपा कराँ।”

1 पतरस 3:8

आखिर च हऊँ तुहांजो ये बोलणा चांह, तुहां सारयां जो इक मन हूणा चाहिन्दा, इक दूये रे प्रति सहानुभूति रखा कने इक दूये जो इक परिवारा रे सदस्या साई प्यार करा, कने इक दूये रे प्रति दयालु कने नम्र बणा।

1 पतरस 4:1

इस खातर ताहली जे भई मसीहे अपणे शरीरा च दुख सैया, तां तुहें बी हथियारा साई तिसा मनसा जो धारण करा, काँह्भई तिने जे शरीरा च दुख सैईरा, तिने पापां जो त्यागी तरा।

1 पतरस 4:5

पर तिन्हांजो अपणयां कम्मां रा लेखा परमेशरा जो देणे पौणा सै जे जिऊंदा कने मूईरयां लोकां रा न्याय करने जो त्यार आ।