1 पतरस 4:5 - बिलासपुरी नौआं नियम

⁵ पर तिन्हांजो अपणयां कम्मां रा लेखा परमेशरा जो देणे पौणा सै जे जिऊंदा कने मूईरयां लोकां रा न्याय करने जो त्यार आ।

1 पतरस 4:5 Iomraidhean Croise

मत्ती 12:36

कने हऊँ तुहां लोकां जो दस्सां भई न्याय रे दिन हरेक माहणुये जो अपणिया बोल्ली रिया गल़त गल्ला रा हिसाब-कताब देणे पौणा।

लूका 16:2

इस खातर तिसरे मालके सै सद्दया कने तिस्सो गलाया, ‘हऊँ ये क्या सुणी कराँ भई तू मेरे सारे पैसयां जो पाणिये साई बहाया राँ? येढ़ा तू अपणे भण्डारी हुणे रे नाते मेरे पैसे रा हिसाब दे, काँह्भई तिज्जो हुण माह भण्डारी नीं रखणा।’

प्रेरितां 10:42

कने तिने अहांजो हुक्म दित्या भई सारयां लोकां च प्रचार करा कने गवाही देआ भई ये सैई आ तिस्सो जे परमेशरे जिऊंदेयां रा कने मूईरयां रा न्यायी बणाईरा।

प्रेरितां 17:31

काँह्भई तिने इक दिन रखीरा, तिसच जे तिस माहणुये रे जरिये संसारा रा न्याय करना, तिस्सो जे तिने रखीरा, कने तिस्सो मूईरेयां चते ज्यूंदा करीने इसा गल्लां रा सबूत सारयां लोकां जो देईतरा।”

रोमियो 14:9

काँह्भई इस मकसदा रिया वजह ने मसीह मरया कने जिऊंदा बी हुया ताकि सै मूईरयां कने जिऊंदयां दुईं रा प्रभु हुई सक्को।

2 तिमुथियुस 4:1

परमेशर कने मसीह यीशुये रिया हजूरिया च तिस जे जिऊंदेयां कने मूईरयां रा न्याय करना, तिसरे दोवारा औणे कने तिसरे राज्जा रे बारे च ध्यान रखदे हुये हऊँ तिज्जो ये हुक्म देआं

याकूब 5:9

साथी विश्वासियो, अप्पूँ चियें इक्की दूये री शकैतां मता करदे, नैत परमेशरा बी तुहांजो सजा देणी; देक्खा, न्याय करने औल़ा त अन्दर औणे रे खातर दरवाजे पर खढ़िरा।