1 पतरस 4:4 - बिलासपुरी नौआं नियम

⁴ इस खातर तुहांरे मित्राँ जो इन्हां सारियां गल्लां च हैरानी हुआं इ ताहली जे तुहें येढ़यां बुरयां कम्मां च तिन्हांरा साथ नीं देन्दे, इस खातर हुण सै तुहांरी निन्दा कराँ ये।

1 पतरस 4:4 Iomraidhean Croise

मत्ती 23:25

“अरे कपटी शास्त्रियो कने फरीसियो, तुहांरी सजा बौहत भयानक हूणी! काँह्भई तुहें लालची कने स्वार्थी ये, पर तुहें अप्पूँजो पवित्र होणे रा ढोंग रचां ये। इस खातर तुहें तिन्हां कौलियां कने थाल़ियां साई ये सै जे बाहरा ते साफ ये पर अन्दरा ते गन्दे।

लूका 15:13

किछ दिनां ते बाद, तिने छोट्टे मुण्डुये अपणा सारा समान बन्हील्या कने किति दूर देशा जो चलिग्या, कने तिसा जगह बुरे कम्मां च फसीने तिने अपणा सारा पैसा गवाईत्या।

प्रेरितां 13:45

पर यहूदी अगुवे भीड़ा जो देखीने डाह ने भरीगे, कने निंध्या करदे पौलुसा रियां गल्लां रे बरोधा च बोलणे लगे।

प्रेरितां 18:6

पर ताहली जे यहूदी पौलुस रे बरोधा च निंध्या करने लगे, तां तिने अपणे कपड़े झाड़ी ने तिन्हांने गलाया, “जे परमेशर तुहांजो सजा देंगा, तां ये तुहांरी अपणी गल़ती हूणी! हऊँ निर्दोष आ। हूणा ते मांह परमेशरा रा वचन सुनाणे जो अन्यजातियां ले जाणा।”

रोमियो 13:13

इस खातर औआ अहें तिन्हां लोकां साई ठीक ढंगा ने व्यवहार करना शुरु करिये सै जे जोतिया च रैं कने अन्धकारा च नीं। कने तुहांजो हरेक किस्मा री नशाखोरी कने दुराचारा च शामिल नीं हूणा चाहिन्दा; कने तुहांजो इक्की दूये ने लड़ाई कने हिरख नीं करना चाहिन्दा।

इफिसियां 5:18

शराब पीणे औल़े रा नशा मत करा, काँह्भई इसते गल़त इच्छा पैदा हुआं इ, पर पवित्र आत्मा ते भरदे जावा।

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

1 पतरस 3:16

कने अपणी अन्तरात्मा साफ रखा, ताकि यीशु मसीह च तुहांरे खरे चाल-चलना री निंध्या करने औल़े लोक तुहांरी बेज्जति करदे हुये शर्म महसूस करो।

2 पतरस 2:12

पर ये लोक त नासमझ जानबराँ साई ये सै जे पकड़े जाणे कने मारे जाणे रे खातर पैदा हुईरे; कने तिन्हां गल्लां जो जे जाणदे तक नींये तिन्हांरे बारे च बुरा-भला गल्लां ये, तिन्हां जंगली जानबराँ साई नाश हुई जाणा।

2 पतरस 2:22

तिन्हां पर ये कहावत ठीक बैट्ठां इ : “कुत्ता अपणिया इ उल्टिया री तरफ वापस औआं,” कने “नैहलाई हुई सूरनी चीकड़ा च लेटणे खातर वापस जांई।”

यहूदा 1:10

पर ये लोक तिन्हांरे बारे च बुरा बोलां ये तिसरे बारे च जे सै किछ नीं जाणदे। कने जो किछ सै जाणाँ ये सै आमतौर पर नासमझ जानबरा साई कराँ ये, कने ये करने रे जरिये सै खुद अप्पूँजो नाश कराँ ये।