1 पतरस 3:2 - बिलासपुरी नौआं नियम

² तुहांरे बिणा किछ बोल्ले सिर्फ तुहांरे चाल-चलना जो देखीने इ तिन्हां यीशुये पर विश्वास करना, काँह्भई तिन्हां तुहांरा पवित्र कने अच्छा स्वभाव देखणा।

1 पतरस 3:2 Iomraidhean Croise

इफिसियां 5:33

इस खातर किछ बी हो, तुहां चते हर इक्की जो बी अपणी पत्निया ते तियां इ प्यार करना चाहिन्दा जियां जे तुहें खुद अप्पूँजो कराँ ये, कने हरेक पत्निया जो बी अपणे-अपणे पतिये रा आदर करना चाहिन्दा।

इफिसियां 6:5

अरे सेबको, तुहौं मना रिया सच्चाईया ने आदर कने डरा ने अपणे संसारिक मालकां रे हुक्मां रा पालन इस तरिके ने करा, तियां जे तुहें मसीह रा कराँ ये।

फिलिप्पियां 1:27

सिर्फ इतणा करा भई तुहांरा चाल-चल़ण मसीह रिया खुशखबरिया रे लायक हो। भई चाये हऊँ आईने तुहांजो देखूँ, या नीं बी आऊँ, पर तुहांरे बारे च ये सुणुं भई तुहें इक्की मना च अटल कने इक जुट हुईने खुशखबरिया रे विश्वासा खातर खूब मेहणत करया राँये।

फिलिप्पियां 3:20

पर अहांरी नागरिकता स्वर्गा ची, कने तित्थी तेई अहें अपणे छुटकारा देणे औल़े प्रभु यीशु मसीह रे औणे रा बेसब्रिया ने इन्तजार कराँ ये।

कुलुस्सियां 3:22

सेबको, अपणे-अपणे संसारिक स्वामियां री सारी गल्लां रा पालन करा, सिर्फ लोकां जो खुश करने रे खातर तिस इ बगत नीं ताहली जे सै देक्खी रायें, बल्कि सच्चे मना ने तिसरी मन्ना, काँह्भई तुहें प्रभुरा आदर कराँ ये।

1 तिमुथियुस 4:12

कोई तेरिया ज्वानिया जो बेकार नीं समझणे पाओ; पर वचन, कने चाल-चल़ण कने प्यार कने विश्वास, कने पवित्रता च विश्वासियां खातर आदर्श बणी जा।

1 पतरस 1:15

पर तियां जे तुहांरा सदणे औल़ा परमेशर पवित्र आ, तियां इ तुहें बी अपणे सारे चालचलना च पवित्र बणा।

1 पतरस 2:12

अविश्वासी लोकां रे बिच तुहांरा चाल-चल़ण ठीक हो, इस खातर भई तिन्हां गल्लां च जे सै तुहांजो बुरा समझीने बदनाम कराँ ये, सै तुहांरे भले कम्मां जो देखीने परमेशरा रे औणे रे दिन परमेशरा री महिमा करो।

1 पतरस 3:1

अरे पत्नियो, तुहें बी अपणे-अपणे पतियां रे अधीन रौआ, इस खातर भई जे तिन्हां चते कोई परमेशरा रे वचना पर विश्वास नीं करदा हो,

1 पतरस 3:3

तुहांरा सजणा-संबरना दिखावटी नीं हूणा चाहिन्दा, यनिके किसी रा ध्यान खिंजणे रे खातर बाल बनाणा, सोने रे गैहणे कने मैहंगे कपड़े पैहनणा,

2 पतरस 3:11

काँह्भई ताहली जे परमेशरा इस तरिके ने सारियां चिज़ां खत्म करनियां, तां सोच्चा तुहांजो किस तरिके रा बर्ताव करना चाहिन्दा? तुहांजो पवित्र जीवन जीणा चाहिन्दा कने अपणे सारयां कम्मां च परमेशरा जो खुश करना चाहिन्दा।