1 पतरस 2:1 - बिलासपुरी नौआं नियम

¹ इस खातर हरेक बुराईया ते दूर रौआ। दुज्यां जो धोखा मत देआ कने कपटी मत बणा, जल़ण करने औल़े मत बणा कने किसी री बेईज्जति मत करा,

1 पतरस 2:1 Iomraidhean Croise

मत्ती 15:7

ओ कपटियो, तुहांरे बारे च यशायाह भविष्यवक्ते ठीक इ भविष्यवाणी कित्तिरी थी, तिने बोल्या था :

मत्ती 23:28

इयां इ बाहरा ते त तुहें माहणुआं जो धर्मात्मा दिखां ये, पर अन्दरा ते छल कपटा ने कने अधर्मा ने भरीरे।

मत्ती 24:51

कने तिसरे मालका तिस्सो बौहत-बुरी सजा देणी कने कपटियां रे बिच तिसरी जगह तैह करनी तिसा जगह जे लोक रोन्दे कने दान्द किरड़दे हुणे।”

मत्ती 7:5

अरे कपटी! पैहले तू अपणिया बुराईया जो अपणे अन्दरा ते निकाल़, फेरी तांई तू ठीक ढंगा ने देक्खी पांगा कने अपणे भाईये रिया कमियां जो दूर करी सकगा।

मरकुस 12:15

अहें कर दईये की नीं दईये?” पर यीशुये तिन्हारा कपट जाणीने, तिन्हाजो गलाया, “हऊँ जाणा भई तुहें मेरे मुँआं ते किछ गल़त निकलवाणे री कोशिश करी रायें ताकि माह पर कोई दोष लाई सक्को।” कने तिने बोल्या, “इक दिनार (इक्की दिना रिया मजदूरिया रे बराबर था) मेरे लौ ल्यावा, भई हऊँ तिस्सो देक्खुँ।”

लूका 11:44

“तुहांजो बौहत भयानक सजा मिलणी! काँह्भई तुहें खेतां च दबोईरी तिन्हां कब्राँ साई ये, तिन्हां पर जे लोक अनजाणे च चलां ये कने नीं जाणदे भई तिन्हां कब्राँ च कितणी सड़ी रियां चिज़ां इयां।”

लूका 12:1

इतणे च ताहली जे हजाराँ रे हसाबे लोक कट्ठे हुईगे, येत्थी तक भई लोक इक्की दुज्जे जो धक्का मुक्की करने लगे, तां यीशु सब्बींते पैहले अपणे चेलयां खा मुड़या कने बोलणे लगया, “फरीसियां रे मलेड़े ते यनि तिन्हांरे दिखावटी कम्मां ते अप्पूँजो बचाईने रक्खा।

लूका 6:42

कने तां जे तू अपणे इ अन्दरा री बुराई नीं देखदा, तां तू अपणे भाईये जो कियां बोल्ली सक्कां, भई ल्या भाई, हऊँ तेरिया कमियां जो दूर करी दूँ अरे कपटी, पैहले तू अपणिया बुराईया जो अपणे अन्दरा ते निकाल़? फेरी तांई तू ठीक ढंगा ने देक्खी पांगा कने अपणे भाईये रिया कमियां जो दूर करी सकगा।

यूहन्ना 1:47

यीशुये नतनएला जो अपणी तरफ औन्दे देखीने तिसरे बारे च गलाया, “येआ इक सच्चा इस्राएली वंशज तिस्च जे कोई खोट निआं।”

रोमियो 1:29

इस खातर सै हर तरह रे अधर्म, पाप, लालच, कने बैरभावा ने भरीगे; सै हिरख, खून करना, लड़ाई झगड़े, छल-कपट कने बुरयां विचाराँ ने भरीरे; कने दुज्जेयां रा सदा बुराई सोच्चया।

1 कुरिन्थियों 14:20

अरे साथी विश्वासियो, तुहें अपणिया समझा च बालकां साई नीं बणा। फेरी बी बुराईया च त बालक रौआ, पर समझा च सयाणे बणा।

1 कुरिन्थियों 5:8

इस खातर औआ अहें फसह रे त्योहारा रा नन्द मनाईये, नांत पुराणे खमीरा ते कने नां बुराई कने दुष्टता रे खमीरा ते, पर सीधाई कने सच्चाईयां रिया अखमीरी रोटिया ते।

2 कुरिन्थियों 12:20

काँह्भई मिन्जो डर आ भई ताहली जे हऊँ तुहांले आऊं, तां किति तुहांजो तेढ़ा नीं पाऊँ, तेढ़ा जे पाणा चाँह था, कने तुहें बी मिन्जो तेढ़ा इ पावा तेढ़ा जे पाणा चाँये। मिन्जो डर आ भई तुहांरे बिच मिन्जो किति लड़ाईया, जल़ण, गुस्सा, विरोध, हिरख, चुगली, घमण्ड कने बखेड़े नीं मिलो।

इफिसियां 4:31

हर तरिके री कड़वाहट, झुँझलाहट, गुस्सा, चिखणा-चिल्लाणा, निंध्या कने हरेक बुराईया जो तुहें अपणे अन्दरा ते दूर करा।

1 थिस्सलुनीकियां 2:3

काँह्भई तुहांजो अहांरी विनती कोई गल़ती या बुरे मकसदा पर अधारित नीं, कने नांई अहें किसी जो बी धोखा देणे री कोशिश कराँ ये।

1 तिमुथियुस 3:11

तियां इ सेवकां रियां पत्नियां जो बी ईज्जतदार हूणा चाहिन्दा; सै दोष लाणे औल़ियां नीं हो पर हरेक हालता च अपणे बर्तावा जो काबू करने औल़ी कने सारियां गल्लां च विश्वासा लायक हो।

तीतुस 2:3

इस तरिके ने बजुर्ग औरतां जो जीणे खातर सखां तिसते जे परमेशरा रा आदर हुआं; सै दोष लाणे औल़ियां कने पियक्कड़ नीं, पर खरियां गल्लां सखाणे औल़ियां हो

इब्रानियों 12:1

इस वजह ते ताहली जे बौहत लोकां रे विश्वासा रियां गवाहीयें अहांजो इतणे बड्डे बद्दल़ा साई घेरीरा ओ, तां औआ, हरेक रोकणे औल़ियां चिज़ां कने उलझाणे औल़यां पापां जो दूर करीने, तिसा दौड़ा च जे अहां दौड़णा तिसाजो धैर्य ने दौड़िये।

याकूब 1:21

इस खातर तुहांरे जीवना च सै जे गन्दगी कने बुराई, तिन्हांजो दूर करीने तुहांरे मनां च सै जे परमेशरा रा वचन बाहीरा तिसजो नम्र हुईने ग्रहण करदे जावा; सै जे तुहांरे प्राणा जो बचाई सक्कां।

याकूब 3:14

पर जे तुहां लोकां रे दिलां च कड़वाहट कने स्वार्थ भरोईरा हो, तां अपणे ज्ञाना रा ढोल मता पिटदे, येढ़ा करीने त तुहें सच्चाईया पर पर्दा पान्दे हुये झूट्ठ बोल्ली कराँ ये।

याकूब 4:11

मेरे साथी विश्वासियो, इक्की दुज्जे री बुराई मत करा। सै जे अपणे साथी विश्वासियां री बदनामी कराँ या तिन्हां पर इल्जाम लगां, सै व्यवस्था री बदनामी कराँ; कने जे तू येढ़ा कराँ, तां तू व्यवस्था रा पालन करने औल़ा निआं, पर तिसरा न्याय करने औल़ा बणी जां।

याकूब 4:5

क्या तुहें पवित्रशास्त्रा च लिखी रिया इसा गल्ला जो बेकार समझां ये, “परमेशरे अहांजो जीवन दित्या इसा वजह ते सै मजबूतिया ने चाँह भई अहें सिर्फ तिसरे इ ओ।”

याकूब 5:9

साथी विश्वासियो, अप्पूँ चियें इक्की दूये री शकैतां मता करदे, नैत परमेशरा बी तुहांजो सजा देणी; देक्खा, न्याय करने औल़ा त अन्दर औणे रे खातर दरवाजे पर खढ़िरा।

1 पतरस 2:16

अजाद माहणुये साई जीओ, पर अपणिया इसा अजादिया जो बुराईया रे खातर आड मत बणावा; पर अप्पूँजो परमेशरा रे सेवक समझीने जीओ।

1 पतरस 2:22

पवित्रशास्त्र बोलां, मसीहे कदी कोई पाप नीं कित्या, कने तिने कदीं कोई झूठ नीं बोल्या।

1 पतरस 3:10

काँह्भई पवित्रशास्त्र बोलां, “सै जे कोई अपणिया जिन्दगिया री मौज लेणा चांह कने अच्छे दिन देखणा चांह, सै अपणिया जीभा जो बुराईया ते, कने होंठां जो झूट्ठा ते बचाओ।

1 पतरस 4:2

इसरा नतीजा तिस माहणुये रा बाकी संसारिक जीवन माहणुये री बुरी इच्छा रे मुतावक नीं, बल्कि परमेशरा रिया इच्छा रे मुतावक हूणा।

1 पतरस 4:4

इस खातर तुहांरे मित्राँ जो इन्हां सारियां गल्लां च हैरानी हुआं इ ताहली जे तुहें येढ़यां बुरयां कम्मां च तिन्हांरा साथ नीं देन्दे, इस खातर हुण सै तुहांरी निन्दा कराँ ये।

प्रकाशितवाक्य 14:5

कने तिन्हांरे मुँआ ते कदीं झूट्ठ नीं निकल़या था, सै निर्दोष ये।