1 पतरस 1:3 - बिलासपुरी नौआं नियम

³ परमेशर कने अहांरे प्रभु यीशु मसीह रे पिता रा धन्यवाद हो, तिने जे यीशु मसीह रे मूईरेयां चते जिऊंदा हुणे रे जरिये अपणी बड़ी दया ते अहांजो नया जीवन दित्या। हुण अहें बडिया आस्सां ने जीयें,

1 पतरस 1:3 Iomraidhean Croise

यूहन्ना 1:13

तिसरे अन्दर नांत खानदानी खून था, नां तिसरे जमणे च माता-पिता री कोई योजना थी, कने नांई मर्दा री कोई इच्छा थी, पर परमेशरा री इच्छा थी।

रोमियो 12:12

अपणिया आशा च खुश रौआ; परेशानियां च धैर्य रखा; कने हमेशा प्राथना करदे रौआ।

रोमियो 15:13

सारियां आशां रा देणे औल़ा परमेशर तुहांजो बड़े आनन्द कने शान्तिया ने भरी दो, तियां जे भई तिसच तुहांरा विश्वास आ, ताकि पवित्र आत्मा रिया सामर्था ते तुहें आशा ने भरी जाओ।

रोमियो 4:25

यीशु मसीह तिस्सो जे अहांरे पापां रे खातर मारने जो सौंपया गया था, कने भीं ते परमेशरे तिस्सो जिऊंदा कित्या, ताकि परमेशर अहांजो धर्मिये रे रुपा च ग्रहण करी सक्को।

रोमियो 5:10

काँह्भई ताहली जे अहें परमेशरा रे दुश्मण थे तिने अपणे पुत्रा रिया मौती रे जरिये अहांरा मेल-मलाप करवाया, तां हुण त तां जे अहांरा मेल-मलाप हुई चुक्कीरा तां मसीह रे जीवना रिया वजह ते अहें जरूर बची जाणे।

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

रोमियो 8:24

ताहली जे अहें बचाये गये तां परमेशरे अहांजो ये आशा दित्तिरी। अहें हल्तियें तक तिन्हां सारयां जो नीं पाईरा तिन्हाजो देणे रा जे परमेशरे वायदा कित्तिरा था, इस खातर अहें हुण बी तिस्सो पाणे री उम्मीद कराँ ये। कने इस खातर इस वगत धैर्य ने इन्तजार कराँ ये तदुआं तक जे अहें इस्सो पाई नीं लेन्दे।

1 कुरिन्थियों 13:13

पर हुण ये तिन्नो ये: विश्वास, आशा कने प्यार। पर इन्हा च सब्बीं ते बड्डा प्यार आ।

1 कुरिन्थियों 15:20

पर हकीकत च मसीह मूईरयां चते जिऊंदा हुईरा, कने सै जे मरी चुक्कीरे, तिन्हां च जिऊंदा हुणे औल़ा सै पैहला हुया।

2 कुरिन्थियों 1:3

परमेशरा रा धन्यवाद ओ सै जे अहांरे प्रभु यीशु मसीह रा पिता, सै दया रा पिता कने परमेशर सै जे अहांजो सदा तसल्ली देआं।

गलातियां 6:16

कने जितने लोक इस नियमा रा पालन कराँ ये तिन्हां सब्बीं जो परमेशरा शान्ति देणी कने आशीषित करना। सै परमेशरा रे लोक ये।

इफिसियां 1:17

हऊँ प्राथना कराँ भई अहांरे प्रभु यीशु मसीह रा परमेशर सै जे महिमा रा पिता, तुहांजो ज्ञान कने प्रकाशा रा आत्मा देओ तिसते जे तुहें परमेशरा जो अच्छे तरिके ने जाणी सक्को।

इफिसियां 1:3

अहांरे प्रभु यीशु मसीह रे पिता कने परमेशरा रा धन्यवाद, तिने जे अहांजो मसीह च स्वर्गा ते सब आत्मिक आशीषां दित्ति रियां।

इफिसियां 1:7

अहौं तिसच परमेशरा रे बौहत अनुग्रह रे मुतावक मसीह रे खून्ना रे जरिये छुटकारा, यनिके अहांरे पापां री माफी मिलीरी, परमेशरा रा अनुग्रह बौहत इ महान आ सै जे तिने अहांजो बौहत-जादा करीने दित्या।

इफिसियां 2:4

पर परमेशर दया रा धनी आ; अपणे तिस महान प्यारा रिया बजह ने तिने अहांने प्यार कित्या,

इफिसियां 3:20

अहांरी विनती कने सोच्चा ते बधीने परमेशर महान काम्म करने च सामर्थी आ, काँह्भई तिसरा सामर्थ अहांरे अन्दर काम्म करया राँ,

कुलुस्सियां 1:23

ये तांई हुई सक्कां तां जे तुहें अपणे विश्वासा च मजबूतिया ने टिक्कीरे रैहन्गे, कने खुशखबरिया रे जरिये दित्ति रिया तिसा आशा रा त्याग नीं करी दो, तिसौ जे तुहें सुणया। ये खुशखबरी इसा धरतिया पर रैहणे औल़े सारयां लोकां जो प्रचार कित्या गईरा, कने हऊँ पौलुस तिसरा इ सेवक बणीरा।

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

1 थिस्सलुनीकियां 1:3

कने ताहली जे अहें अपणे परमेशर कने पिता ने प्राथना कराँ ये तां अहें सदा तुहांरे तिन्हां कम्मां जो आद कराँ ये तिन्हांजो जे तुहें विश्वासा रिया वजह ने कराँ ये। कने तुहें साथी विश्वासियां री मदद करने खातर लगना ने काम्म कराँ ये काँह्भई तुहें तिन्हांने प्रेम कराँ ये, कने तुहें दुख सैया यें काँह्भई अहांरे प्रभु यीशु मसीह रे वापस औणे री आशा रखां ये, इन्हां सारियां गल्लां जो अहें हमेशा याद कराँ ये।

1 थिस्सलुनीकियां 4:13

मेरे साथी विश्वासियो अहें चायें भई तुहें ये जाणी लो भई तिन्हां विश्वासियां सौगी क्या हुणा सै जे पैहले इ मरी चुक्कीरे, अंजाण रौआ; किति येढ़ा नीं हो भई तुहें अविश्वासी लोकां साई दुख मनाओ, कांहभई तिन्हाजो आशा नीं भई मरने ते बाद सै दोबारा जिन्दा हुइ जाणे।

2 थिस्सलुनीकियां 2:16

खुद अहांरे प्रभु यीशु मसीह, कने अहांरे पिता परमेशर तिने जे अहांने प्यार कित्या, कने अपणे अनुग्रह ते अनन्त प्रोत्साहन कने उत्तम आशा दित्तिरी,

1 तिमुथियुस 1:14

कने अहांरे प्रभुये रा अनुग्रह तिस विश्वास कने प्यारा सौगी सै जे मसीह यीशु चा, बौहत जादा माह पर हुया।

तीतुस 2:13

अहें इस तरीके ने वर्ताव करां ए ताहली जे अहें उम्मीदा सौगी तिस अदभुत दिना रा इन्तजार करी रांए, तिसरी जे अहांजो आशा इ: सै दिन ताहली जे यीशु मसीह, सै जे अहांरा महान परमेशर कने छुटकारा करने औल़ा, अपणी सारी महिमा सौगी पृथ्विया पर वापिस औणा।

इब्रानियों 3:6

पर मसीह पुत्रा साई परमेशरा रे लोकां खातर बफादार आ; कने सै अहें लोक ये। जे अहें लगातार हिम्मत रखिये कने आशा रे बारे च घमण्ड करो।

याकूब 1:18

तिने अपणिया इ इच्छा ते अहांजो सच्चे वचना रे जरिये नया जीवन दित्या, ताकि अहें तिसरी बणाई रियां सारियां चिज़ां च पैहले फल़ा साई ओ।

1 पतरस 1:13

इस खातर अपणे मना जो काम्म रे खातर त्यार करा। सचेत रौआ कने अपणी आस पूरी तरह तिस अनुग्रह पर रखा सै जे मसीह यीशुये रे भीं ते औणे रे बगत तुहांजो दित्या जाणा।

1 पतरस 1:21

तिसरे जरिये तुहें परमेशरा पर विश्वास करदे रै तिने जे तिस्सो मूईरेयां चते जिऊंदा कित्या कने तिस्सो महिमा दित्ति, इस खातर तुहांरी आस कने तुहांरा विश्वास परमेशरा पर हुण मजबूत आ।

1 पतरस 1:23

काँह्भई तुहें परमेशरा ते नया जीवन पाईरा। तुहें ये जीवन येढ़ियां चीजां ते नीं पाईरा सै जे नाश हुई जाणा, पर येढ़ियां चीजां ते पाईरा सै जे सदा रे खातर हूणा यनि परमेशरा रा जीवित कने अनन्तकाल रे वचना ते।

1 पतरस 2:2

पर तियां जे नये जम्मीरे बच्चे अपणिया मौआ रे असली दुधा खातर तरसां ये तियां इ तुहांजो बी परमेशरा रे वचना जो सिखणे खातर तरसणा चाहिन्दा, ताकि तिसरे जरिये पूरे तरिके ने छुटकारा पाणे खातर तुहें बधदे जाओ।

1 पतरस 3:15

बल्कि मसीह जो अपणी जिन्दगिया रा प्रभु जाणीने आदर करा। जे कोई तुहांते तुहांरिया आशा रे बारे च पुछो, तां तिस्सो जबाब देणे रे खातर हमेशा त्यार रौआ, पर बिनम्र कने आदरा ने ये करा;

1 पतरस 3:21

ये पाणी बपतिस्मे रा प्रतीक आ सै जे हुण तुहांजो बचां। तिस पाणिये ते जे तुहें बपतिस्मा लेईरा सै पाणी शरीरा रा मैल नीं दूर करदा, पर ये इक निशाण आ भई तुहें साफ अन्तरात्मा ने परमेशरा ते माफी मंगीरी। यीशु मसीह रे मूईरयां चते जिऊंदा हुणे रिया वजह ने तुहांजो माफी मिली सक्कां इ,

1 पतरस 3:5

काँह्भई बौहत पैहले पवित्र औरतां बी तिन्हें जे परमेशरा पर अपणी आस्सां रखियां थिआं, अप्पूँजो इस तरिके ने स्वाराँ थिआं कने सै अपणे-अपणे पतिये रे अधीन रैयां थिआं।

1 यूहन्ना 2:29

जे तुहें जाणाँ ये, भई मसीह धर्मी आ, तां ये बी जाणदे हुणे भई सै जे धर्मा रा काम्म कराँ ये, सै परमेशरा रे बच्चे।

1 यूहन्ना 3:3

कने सै जे कोई यीशु मसीह पर ये आशा रक्खां, सै खुद अप्पूँजो तियां इ पवित्र कराँ, तिआं जे मसीह पवित्र आ।

1 यूहन्ना 3:9

सै जे कोई परमेशरा रा बच्चा, सै पाप नीं करदा; काँह्भई परमेशरा रा स्वाभाव तिसच बणीरा रैयां: इस खातर सै पाप करी नीं सकदा, काँह्भई सै परमेशरा रा बच्चा।

1 यूहन्ना 4:7

प्यारे मित्रो, अहांजो इक्की दूये ने प्यार रखणा चाहिन्दा; काँह्भई प्यार परमेशरा ते मिलां कने सै जे कोई दुज्यां ने प्यार कराँ, सै परमेशरा रा बच्चा, कने सै परमेशरा जो जाणाँ।

1 यूहन्ना 5:1

सै जे कोई ये विश्वास करां भई यीशु इ मसीह आ, सै परमेशरा रा बच्चा; कने सै जे कोई पिता परमेशरा ने प्यार रक्खां, सै तिसने बी प्यार रक्खां, सै जे तिसरा बच्चा।

1 यूहन्ना 5:18

अहें जाणाँ ये भई सै जे कोई परमेशरा बच्चा, सै पाप नीं करदा; पर परमेशरा रा पुत्र यीशु मसीह तिसजो बचाईने रक्खां, कने शैतान तिसजो छुई नीं पान्दा।

1 यूहन्ना 5:4

काँह्भई परमेशरा रा हरेक बच्चा संसारा पर जय पाई लेआं, कने सै विजय तिसते जे संसारा पर जीत मिलां इ, सै अहांरा विश्वास आ।