1 पतरस 1:10 - बिलासपुरी नौआं नियम

¹⁰ इस छुटकारे रे बारे च तिन्हें भविष्यवक्तयां, बड़िया सावधानिया ने खोज-बीण कित्तिरी थी, कने तिन्हें तिस अनुग्रह रे वारे च भविष्यवाणी कित्ती सै जे तुहां पर हुणे औल़ा था।

1 पतरस 1:10 Iomraidhean Croise

मत्ती 13:17

हऊँ तुहांजो सच्च बोलां भई कई सारे भविष्यवक्ता कने धर्मात्मा तिन्हां गल्लां जो जे देखणा चाँह थे, तिन्हांजो तुहें देखी रायें; सै तिन्हांजो नीं देक्खी सक्के; कने तिन्हां गल्लां जो जे सै सुणना चाँह थे, तिन्हांजो तुहें सुणीराँ ये, सै इन्हांजो नीं सुणी सक्के।

मत्ती 26:24

माहणुये रे पुत्रा त मरना इ हाया, तियां जे भई पवित्र शास्त्रा च तिसरे बारे च लिखिरा, पर तिसजो भयानक सजा भुगतणे पौणी सै जे माहणुये रे पुत्रा जो पकड़वां : तिस माहणुये रे खातर भला था भई तिसरा जन्म इ नीं हुईरा हुन्दा।”

लूका 10:24

काँह्भई हऊँ तिज्जो दस्सां, भई मते सारेयां भविष्यवक्तयां कने राजयां बी इच्छा किति भई सै तिन्हां गल्लां जो देखो कने सुणो, तिन्हां गल्लां जो जे तुहें मिन्जो करदे हुये देख्या, कने मिन्जो बोलदे हुये सुणीरा, पर सै तिन्हां गल्लां जो नांत देक्खी सक्के नांई सुणी सक्के।”

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

यूहन्ना 5:39

तुहें पवित्रशास्त्रा च टोल़ां ये, काँह्भई तुहें समझां ये भई तिसच तुहांजो अनन्त जीवन मिलां, पर ये सारे पवित्रशास्त्र मेरी इ गवाही दें;

यूहन्ना 7:52

तिन्हे तिसजो जबाब दित्या, “क्या तू बी गलीली आ? पवित्रशास्त्रा जो पढ़, तां तिज्जो पता चलना भई गलील प्रदेशा ते कदीं कोई भविष्यवक्ता नीं औणा।”

प्रेरितां 10:43

तिसरे सब भविष्यवक्ता गवाही देआंये भई जो कोई तिस पर विश्वास करगा, तिस्सो तिसरे नौआं रे जरिये पापां री माफी मिलणी।”

प्रेरितां 17:11

ये लोक त थिस्सलुनीके नगरा रे यहूदियां ते खरे थे, कने तिन्हें दिल लाईने वचन ग्रहण कित्या, कने हर रोज पवित्रशास्त्रा च टोलदे रै भई ये गल्लां येढ़ियां इ हईयां की नीं।

प्रेरितां 28:23

तां यहूदियें तिस खातर इक दिन तैह कित्या, कने मते लोक तिसले कट्ठे हुये, कने सै परमेशरा रे राज्जा री गवाही देन्दा हुआ। कने मूसा री व्यवस्था कने भविष्यवक्तयां री कताबां चते यीशुये रे बारे च समझाई-समझाई ने सवेरे ते संझा तका दसदा रैया।

प्रेरितां 7:52

भविष्यवक्तयां चते किस्सो तुहांरे पूर्वजें नीं सताया? तिन्हें तिस मसीहे रे औणे रा पुराणे बगता ते सन्देश देणे औल़यां जो मारीत्या; कने हुण तुहें बी तिसरे पकड़वाणे औल़े कने मारने औल़े बणे।

इब्रानियों 11:13

ये सारे लोक तिन्हेंजे परमेशरा पर विश्वासा कित्या कने परमेशरा रे जरिये वायदा कित्ती रियां चीजां जो बगैर पाये मरीगे। पर सै दूरा तेई देखीने खुश हुये कने ये बी समझीगे भई अहें धरतिया पर परदेशी कने अंजाण ये।

इब्रानियों 11:40

काँह्भई परमेशरे अहां खातर पैहले तेई इक अच्छी योजना बणाई थी। तिसरा मकसद ये था भई सै सिर्फ अहां सौगी सिद्ध बणो।

1 पतरस 1:11

मसीह रा आत्मा तिन्हां च था कने तिन्हांजो दस्यारां था भई मसीहे कियां दुख सैहणा कने तिस्सो महान आदर दित्या जाणा। इस खातर तिन्हें ये पता लगाणे री खोज कित्ती भई मसीह कुण हूणा कने ये कदीं हूणा।

1 पतरस 1:13

इस खातर अपणे मना जो काम्म रे खातर त्यार करा। सचेत रौआ कने अपणी आस पूरी तरह तिस अनुग्रह पर रखा सै जे मसीह यीशुये रे भीं ते औणे रे बगत तुहांजो दित्या जाणा।