1 यूहन्ना 3:3 - बिलासपुरी नौआं नियम

³ कने सै जे कोई यीशु मसीह पर ये आशा रक्खां, सै खुद अप्पूँजो तियां इ पवित्र कराँ, तिआं जे मसीह पवित्र आ।

1 यूहन्ना 3:3 Iomraidhean Croise

मत्ती 5:48

तुहौं तिन्हां लोकां ने प्रेम करने री जरूरत इ सै जे तुहांजो प्यार नीं करदे, इस इ तरिके ने तुहां सिद्ध हूणा तियां जे स्वर्गा च रैहणे औल़ा तुहांरा पिता परमेशर सिद्ध आ।”

लूका 6:36

तियां जे तुहांरा पिता सबनीं पर दया कराँ, तियां इ तुहें बी दया करने औल़े बणा।

यूहन्ना 17:19

इसरे फायदे खातर हऊँ अप्पूँजो तिन्हांरे खातर समर्पित कराँ, ताकि सै बी सच्चाईया रे जरिये समर्पित हुई जाओ।

प्रेरितां 15:9

कने विश्वासा ते तिन्हांरे मन शुद्ध करीने अहां च कने तिन्हां च किछ भेद नीं रखया।

रोमियो 15:12

कने फेरी यशायाह भविष्यवक्ता बी बोलां, “यिशै रा इक वंश परगट हूणा, तिस अन्यजातियां रे लोकां पर राज करना, तिस पर अन्यजातियां रे लोकां आशा रखणी।”

2 कुरिन्थियों 7:1

मेरे प्यारे मित्रो, काँह्भई परमेशरे अहांने ये वायदे कित्तिरे, इस खातर औआ सै जे किछ अहांरे शरीरा कने आत्मा जो अपवित्र कराँ तिसजो धोई देईये, कने परमेशरा रा आदर करदे हुये पूरे तरिके ने पवित्र जीवन जीओ।

कुलुस्सियां 1:5

तुहें ये कराँ ये काँह्भई तुहें भरोसे सौगी तिस ईनामा जो पाणे री आशा कराँ ये, सै जे परमेशरे स्वर्गा च तुहांरे खातर त्यार कित्तिरा, इस बारे च तुहें पैहले तेई सुणी चुक्कीरे, ताहली जे लोक पैहले तुहांले आये कने तुहांजो सच्चा सन्देश दित्या सै जे मसीह यीशुये री खुशखबरी।

2 थिस्सलुनीकियां 2:16

खुद अहांरे प्रभु यीशु मसीह, कने अहांरे पिता परमेशर तिने जे अहांने प्यार कित्या, कने अपणे अनुग्रह ते अनन्त प्रोत्साहन कने उत्तम आशा दित्तिरी,

तीतुस 3:7

ताकि अहें तिसरे अनुग्रह रे जरिये परमेशरा रिया नज़राँ च धर्मी बणी सक्को, कने अनन्त जीवन पाणे रे खातर आशा करी सक्को, सै जे परमेशरे अहांजो देणे रा वायदा कित्तिरा।

इब्रानियों 12:14

सब्बीं ने शान्तिया ने रैहणे, कने पवित्र हुणे रे खातर हर तरह री कोशिश करदे रौआ, काँह्भई पवित्रता ते बिणा कोई प्रभुये जो कदीं बी नीं देखी सकदा।

इब्रानियों 6:18

तां फेरी येत्थी दो गल्लां ईं-परमेशरा रा वायदा कने तिसरी कसम-सै जे कदीं नीं बदली सकदियां कने तिन्हांरे बारे च जे परमेशर कदीं झूट्ठ नीं बोल्ली सकदा। इस खातर अहें सै जे परमेशरा ले सुरक्षा पाणे जो आईरे कने सै आशा जे तिने अहांजो दित्तिरी, तिसाजो थम्मीरे हुये, बौहत जोशा चे।

इब्रानियों 7:26

इस खातर येढ़ा महायाजक अहां रियां जरूरतां जो पूरा कराँ, सै जे पवित्र, निष्कपट, कने निर्मल आ, कने पापियां ते लग आ, कने तिस्सो जे परमेशर स्वर्गा च लेईग्या।

याकूब 4:8

परमेशरा रे नेड़े औआ, तां तिस बी तुहांरे नेड़े औणा। अरे पापियो! अपणयां पापां जो अपणे जीवना ते दूर करा, कने दोगले माहणुओ, अपणे मना जो पवित्र करा।

1 पतरस 1:15

पर तियां जे तुहांरा सदणे औल़ा परमेशर पवित्र आ, तियां इ तुहें बी अपणे सारे चालचलना च पवित्र बणा।

1 पतरस 1:3

परमेशर कने अहांरे प्रभु यीशु मसीह रे पिता रा धन्यवाद हो, तिने जे यीशु मसीह रे मूईरेयां चते जिऊंदा हुणे रे जरिये अपणी बड़ी दया ते अहांजो नया जीवन दित्या। हुण अहें बडिया आस्सां ने जीयें,

2 पतरस 1:4

इन्हां सब्बीं रे जरिये परमेशरे अहांजो बौहत महान कने बौहत कीमती बरदान दित्ते, तिन्हांजो देणे रा जे तिने वायदा कित्या था, ताकि इन्हां बरदान्नां रे जरिये तुहें संसारा रियां बुरियां इच्छां ते बची सक्को सै जे लोकां जो नाश कराँ इयां कने तुहें परमेशरा रे अपणे स्वभावा च शामिल हुणे खातर आई सक्को।

2 पतरस 3:14

इस खातर मेरे प्यारे मित्रो, तियां जे तुहें तिस दिना रा इन्तजार करया राँये पूरी कोशिश करा भई तुहें शान्तिया ने परमेशरा रिया नज़राँ च निष्कलंक कने निर्दोष पाये जाओ।

1 यूहन्ना 2:6

सै जे कोई ये बोलां भई मेरा तिसने सम्बन्ध आ, तिस्सो परमेशरा रे हुक्मा रा पालन तियां इ करना चाहिन्दा, तियां जे यीशु मसीह कित्या।

1 यूहन्ना 4:17

इसते प्यार अहां च सिद्ध हुया, ताकि न्याय रे दिन अहां नीं डरना भई परमेशरा अहांजो सजा देणी। तेढ़ा जे सै आ, तियां इ संसारा च अहें बी ये।