1 यूहन्ना 1:3 - बिलासपुरी नौआं नियम

³ जो किछ अहें देख्या कने यीशु मसीह रे बारे च सुणया तिसरी गवाही तुहौं बी देआंये, इस खातर भई अहां सौगी तुहांरी संगती ओ; अहांरी ये संगती पिता ने कने तिसरे पुत्र यीशु मसीह ने सौगी।

1 यूहन्ना 1:3 Iomraidhean Croise

यूहन्ना 17:11

हुण मांह इस संसारा च नीं रैहणा, पर सै संसारा ची रैहणे, कने पवित्र पिता, हऊँ तेरे लौ आया रां, तू अपणिया सामर्था ने तिन्हांरी हिफाजत कर, तिसते जे सै इक हुईजो तियां जे अहें इक ये।

यूहन्ना 17:21

ताकि सै सब इक हुई जाओ; हे पिता परमेशर, तियां जे तू मांह चा कने हऊँ तेरे चा; तियां इ सै बी अहां च इक ओ ताकि तिसते जे संसारा रे लोक ये विश्वास करो भई मिन्जो भेजणे औल़ा तूई आ।

यूहन्ना 17:25

“हे धर्मी पिता, संसारा रे लोकें तिज्जो नीं जाणया, पर हऊँ तिज्जो जाणाँ, कने ये चेले बी जाणाँ ये भई तैं मिन्जो भेज्जिरा;

यूहन्ना 17:3

कने अनन्त जीवन येआ, भई लोक तिस इकलौते सच्चे परमेशरा जो पैहचाणो, कने सै मिन्जो यनि यीशु मसीह जो बी पैहचाणो, तिस्सो जे तिने भेज्जीरा।

यूहन्ना 19:35

तिने माहणुये जे ये गल्लां हुन्दे हुये देखियां, तिने इ इस बारे च गवाही दित्ति, ताकि तुहें बी यीशुये पर विश्वास करी सक्को। तिसरी ये गवाही सच्ची, कने सै जाणाँ भई तिने सच्च बोल्या।

प्रेरितां 13:32

अहें तुहांजो तिस वायदे रे बारे च सै जे परमेशरे अहांरे बापदादयां ने कीतिरा, ये खुशखबरी सुणावां ये,

प्रेरितां 13:41

“‘हे निंध्या करने औल़यो, देक्खा कने हैरान होआ, कने मिटी जावा; काँह्भई हऊँ तुहांरे दिनां च इक काम्म करया राँ, येढ़ा काम्म सै जे कोई तुहांजो चर्चा करो, तां तुहां कदीं बी विश्वास नीं करना।’”

प्रेरितां 2:42

कने सै प्रेरितां ते शिक्षा पाणे, कने संगती रखणे, प्रभु भोज, कने प्राथना करने च लगीरे रै।

प्रेरितां 20:27

काँह्भई हऊँ परमेशरा रियां सारियां गल्लां जो तुहां पूरिया रितिया ते दसणे जो कदीं मनी झिझक्या।

प्रेरितां 4:20

काँह्भई येढ़ा त अहांते नीं हुई सकदा भई सै जे अहें देख्या कने सुणीरा, तिस्सो नीं बोलिये।”

रोमियो 15:27

हाँ, तिन्हें ये खुशिया ने कित्या, कने सै यरूशलेम च रैहणे औल़यां रे कर्जदार ये। काँह्भई जे अन्यजातियां रे लोक यहूदियां री आत्मिक आशीषां च हिस्सेदार हुये, तां तिन्हाजो बी जरूरी आ भई तिन्हारे खातर बी संसारिक सुख जुटाणे चाहिन्दे।

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

1 कुरिन्थियों 1:9

परमेशर बफादार आ, तिने जे तुहांजो अपणे पुत्र अहांरे प्रभु यीशु मसीह रिया संगतिया च सद्दीरा।

1 कुरिन्थियों 15:1

अरे साथी विश्वासियो, हुण हऊँ तुहांजो सैई खुशखबरी याद दिलाणा चांह सै जे पैहले हऊँ प्रचार करी चुक्कीरा, तिस्सो जे तुहें ग्रहण बी कित्या था कने तिसच जे तुहें लगातार विश्वास बी कराँ ये।

2 कुरिन्थियों 13:14

प्रभु यीशु मसीह रा अनुग्रह, परमेशरा रा प्यार कने पवित्र आत्मा री सहभागिता तुहां सब्बी ने सौगी बणीरी रौ।

इफिसियां 3:6

कने भेत येआ भई मसीह यीशुये च खुशखबरिया रे जरिये यहूदियां साई अन्यजाति लोकां बी आशीष पाणी, कने अन्यजाति कने यहूदी इक शरीरा साई हुणे कने परमेशरा रे कित्तिरे वायदे रे साझी हुणे।

फिलिप्पियां 1:7

मेरे खातर ये ठीक आ भई हऊँ तुहांरे बारे च ये सोच्चूँ, काँह्भई हऊँ तुहांजो बौहत प्रेम कराँ। काँह्भई चाहे हऊँ कैदा चा, चाहे खुशखबरिया रिया सच्चाई री फाजत करया राँ, चाहे खुशखबरिया जो प्रमाणित करया राँ, तिसच तुहें सारे मेरे सौगी परमेशरा रे अनुग्रह च हिस्सेदार ए।

फिलिप्पियां 2:1

जे मसीह च तुहांरा कोई उत्साह हया, कने जे तिसरे प्यारा ते कोई सुख आ, जे पवित्र आत्मा सौगी तुहांरी संगती हई, कने जे मसीह तुहांरे प्रति कोई करुणा कने दया दस्सी,

फिलिप्पियां 3:10

हऊँ मसीह जो जाणना चाँह कने तिसा सामर्था जो महसूस करना चाँह तिसे जे मसीह जो मूईरयां चते जिऊंदा कित्या। तिने सै जे दुख सैया हऊँ बी तेढ़ा इ दुख सैईने तिसरा सहभागी हूणा चाँह, कने तियां जे सै मरया तियां इ हऊँ बी मरना चाँह।

कुलुस्सियां 1:13

काँह्भई सैई अहांजो शैतान्ना रिया सामर्था ते छुड़ाईने अपणे प्यारे पुत्रा रे राज्जा च ली आया,

1 थिस्सलुनीकियां 1:10

कने स्वर्गा ते तिसरे पुत्रा रे औणे रा इन्तजार करने रे खातर तिसजो जे परमेशरे मूईरयां चते जिऊंदा कित्या था, यनि यीशु सै जे अहांजो औणे औल़े कोपा ते बचां।

1 तिमुथियुस 6:2

कने तिन्हांरे मालक जे विश्वासी ये, तिन्हांजो सै विश्वासी हुणे रिया वजह ते नीच नीं जाणो, वल्कि सै तिन्हांरी होर बी अच्छे तरिके ने सेवा करो, काँह्भई इसते फायदा लेणे औल़े विश्वासी ये कने परमेशर तिन्हांने प्रेम कराँ। इन्हां गल्लां रा उपदेश करया कर कने पालन करने रे खातर लोकां जो हौंसला दे।

इब्रानियों 2:12

पर मसीह परमेशरा ने बोलां, “मेरे लोकां जो मांह ये दसणा भई तैं क्या कित्तिरा; तिन्हां रिया सभा रे बिच मांह तेरा भजन गाणा।”

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

2 पतरस 1:16

ताहली जे अहें तुहांजो अहांरे प्रभु यीशु मसीह री सामर्थ कने तिसरे दोवारा औणे रे बारे च दस्या था, तां अहें तुहांजो चलाकिया ने बणाईरी किछ कहाणियां नीं दस्यारां थे, पर अहें त तिसरिया महिमा रे चश्मदीद गवाह थे।

1 यूहन्ना 1:1

हऊँ यूहन्ना तुहांजो तिस माहणुए रे बारे च लिख्या रां, सै जे जीवना रा वचन आ। सै सृष्टिया रे बौहत पैहले ते था, तिसजो जे अहें सुणीरा, कने अपणियां आक्खीं देख्या, बल्कि तिस्सो अहें बड़े ध्याना ने देख्या कने अपणे हत्थां ने छुया।

1 यूहन्ना 1:5

सै खुशखबरी जे अहें यीशु मसीह ते सुणी, कने तुहांजो सणवांयें, भई परमेशर जोतिया साई पूरा पवित्र आ तिसच जे किछ बी बुराई नीं।

1 यूहन्ना 1:7

पर तियां जे परमेशर जोति आ, तियां इ जे अहें बी जोतिया च जीवन बिताईये, तां अहें इक्की दुज्जे ने संगती रखां ये, कने तिसरे पुत्र यीशु मसीह रा खून अहांजो सारयां पापां ते साफ कराँ।