उदुःतो कताकून 9:2 - Korwa Bible

² हाँय हना दुवारे गीगतेरा दो, हना डोडहाते भटा अते उडुंगगुःता हना सोकोल इया सोकोल उडुंगनेना। अरू हना सोकोलते बेर अरू सेरमो कड़ियायान।

उदुःतो कताकून 9:2 Iomraidhean Croise

मूक चेलाकू 2:19

ईंग सेरमोरे बयाव जुवाः इयाःआ चिहनाकूनिंग उदुःवाकूता अरू ओतरे चिनहाकूनिंग उदुःवाकूता, दो बलंगी, सेंगेल अरू मुरुक सोकोल होया जुवाःता।

उदुःतो कताकून 14:11

हँकूराः पीरा सेंगेलते होयाःता अरू हना सेंगेलराः सोकोल सगर दिन सोकोलगोड ञवनता। हाँयग जानर अरू आँयगराः मुरतीकू जाग, अरू अनँयग समांगरे सहे तिःईरे जानरराः चिनहाकू गोः, हँकुःआ होड़कू दिनरे सहे रइतरे हों ओरोकू लोड़ो अवेनेना।”

उदुःतो कताकून 16:10

हनते पाँच नमारीग सेरमो देसरीग बराहील अनँयगराः डुभा, हाँयग जानरराः गदीरेय दूलगोतेड। दो हाँयराः राइजरे भीट भीट अंदरायान अरू होड़कू मुरुक पीराते अँनकूराः अलंगकू हवाः लेंडेगा।

उदुःतो कताकून 8:12

हनते चइर नमारीग बराहील अनँयग मरंग सोहनाईए ओंगतेरा दो, बेर, बांगो अरू इपीलकू पेय बंटारे मी बंटा अंदरायान। हनालगा दिनरे चइर घंटा अंदरायान अरू हनन इया रइतरे हों चइर घंटा भीट भीट अंदरायान।

उदुःतो कताकून 9:1

हनते पाँच नमारीग बराहील अनँयग मरंग सोहनाईए ओंगतेरा अरू ईंग सेरमो अते ओतरे मीटोंग इपील लोजोरनेना हना ईंग ञेलतेरा, अरू हाँयग इपील पतालपूरराः दुवारराः चाभीय पवावनेना।

उदुःतो कताकून 9:11

पतालपूरीग बराहील हँकूरीग राजाय दोहोना। हाँयराः ञाव इबरानी भासीरे अबादोन अरू उनानी भासीरे अपुलियोन इदा। (बनर लबदराः मतलोब लाय एंडायीग हवे।)

उदुःतो कताकून 9:17

ईंग दरसनरे नाःआ इयायिंग ञेलतेरा; घोड़ा सलावदारकू झिलमकू तुसिंगतेरा। हँकूराः झिलमराः रंग सेंगेल इया लाल रंग, अरू दूमराकांत दिरि इया नीला रंग, अरू लेटे दिरि इया पियाड़ रंग दोहोना। हँकुःआ घोड़ाकूराः बोः कूलकूराः बोः इया दोहोना अरू हँकूराः आह अते सेंगेल, सोकोल अरू लेटे दिरिराः गुंडा उडुंगगुःआ।