उदुःतो कताकून 9:11 - Korwa Bible

¹¹ पतालपूरीग बराहील हँकूरीग राजाय दोहोना। हाँयराः ञाव इबरानी भासीरे अबादोन अरू उनानी भासीरे अपुलियोन इदा। (बनर लबदराः मतलोब लाय एंडायीग हवे।)

उदुःतो कताकून 9:11 Iomraidhean Croise

लूका 8:31

अरू हँकू ईसू एचेरेकू असेःआ, पतालपूररे अले अलोम वारले, माःआन।

एहुना 12:31

भगवान नाःआ चउंदीसरिकुःआ होड़कू फड़ियावकू लगा बेला सोदोरयना अरू भगवान नाःआ चउंदीसरीग राजा कलउए उडुंग एंडागोडेयता।

एहुना 14:30

चउंदीसरीग राजा, कलउ वेगतना। हनालगा ईंग अपे एचेरे नाःआ इया मुरुक बेला वरी ओरोयिंग कतातेरा। हाँय ईंग एचेरे हातपातगे लगा ओरोय अवेतेरा।

एहुना 16:11

चउंदीसरीग राजा कलउ डंडियावगेय लगायिंग फड़ियाव दोहोकेरा। हनालगा सुद बिरुवा फड़ियाव बदीरे होड़कूय उदुःवाकूता।

एहुना 5:2

एरुसलेमरे भेड़ा ञावराः हता दुवार कुटीरे मीटोंग दाह दोहोना। इबरानी भासीरे नाःआ दाहराः ञाव दोहोना बेत-हसदा। अरू हना दाहराः चइरो गतर पाँचगोटोंग मरंग परछी दोहोना।

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

2 कुरिंती 4:4

नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

इपीसी 2:2

हनमेला अपे हों चउंदीसरिकुःआ होड़कूराः लूर-नेवन इयापे जियाःआ अरू सेरमोरेकू दँड़ाता हँकुःआ भूतकूरीग राजा कलउराः कतापे मनेवाःआ। अरू कलउ, भगवानराः कता मेरकू मनाःता हँकुःआ होड़कूराः इंदरीरेय बुतातना।

1 एहुना 4:4

ने ईंगरिकुःआ लइंकू इया होड़कू, अपे भगवानरिकुःआ हवे। अपे एचेरे इदा भगवानराः सुद बिरुवाराः जंगर नाःआ चउंदीसरिकुःआ होड़कूरीग राजा कलउराः जंगर अते मरंग इदा। हनालगा हँकुःआ मुदइकूपे हरुवावकेडकुःआ।

1 एहुना 5:19

अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

उदुःतो कताकून 16:16

हनते हँकू हँकुःआ राजाकू मी ततेररेकू एचे जुमावतेडकुःआ। हना ततेरराः ञाव इबरानी भासीरे हर-मगीदोन माःआनकू कतावाता।