उदुःतो कताकून 8:3 - Korwa Bible

³ भगवानराः गदी मड़ंगरे मीटोंग धाम दोहोना। अरू एटाःयीग, सेरमो देसरीग बराहील सकलाकू सोलोंगता हना सोनाराः डुबहा साबतेडखन धाम कुटीरेय चड़ाँयान। अरू हना गदी मड़ंगराः सोनाराः धामरे भगवानरिकुःआ सुद होड़कूराः अरजी सुदा देगगे लगा हाँयग बराहील मुरुक सकलाय पवावनेना।

उदुःतो कताकून 8:3 Iomraidhean Croise

लूका 1:10

हाँय भगवानराः ओड़ाः पेंदारे सकलाय बाला, हनमेला जमा होड़कू बहरीकू अरजीःआ।

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

इबरानी 7:25

हाँयते भगवान एचेरेकू सेनता हँकुःआ होड़कू लगा अरजी घड़ीन सगर बेला जीयते दोनोहोनता। हनालगा हाँय हँकुःआ होड़कू जमालेःआतेय सडाव अवेकूता।

इबरानी 9:4

हंडा सकला बाल लगा मीटोंग सोनाराः धाम दोहोना अरू सोनाते दाबतो, कता-जमकावतोराः मीटोंग बकसा दोहोना। हना बकसा पेंदा, सोनाराः डुबहारे मनाह अरू बहानेना हारूनराः हना हाप अरू कता-जमकावतोराः दिरिराः पटरा दोहोना।

उदुःतो कताकून 10:1

हनते अरू एटाःयीग जंगरदार सेरमो देसरीग बराहील बदरी ओयोनेनखन सेरमो देस अते उतराःतो ईंग ञेलतिरिया। हाँयराः बोःरे टुंडी बींग दोहोना। हाँयराः सुरइत बेर इया अरू हाँयराः काट सेंगेलराः खुंटा इया दोहोना।

उदुःतो कताकून 14:18

हना तयोमरे अरू मीटोंग एटाःयीग सेरमो देसरीग बराहील धाम अगीतेय वेजेडा। हाँयके सेंगेल एचेरे हातपात दोहोना। हाँय दतरोमे साबतेरा हाँयग बराहील एचेरे मुरुक सटीय कतातेरा, “चउंदीसराः अंगूर जमाकून दो बेलेयना। हनालगा आमराः लसेर दतरोमतेम ईर।”

उदुःतो कताकून 5:8

हाँय हना कागदे गोःयाड दो, हँकुःआ चइरो जीव-जंतूकू अरू चूबीसगोटोंग मूक होड़कू हाँयग भेड़ा होन मड़ंगरेकू तबेरयान। हँकू जमाकू एचेरे मेमेडटोंग तंबुररा अरू सकला पेरेगतो सोनाराः डुबहा दोहोना। (हना सकला भगवानरिकुःआ सुद होड़कूराः अरजी हवे।)

उदुःतो कताकून 6:9

हनते भेड़ा होन पाँच नमारराः मोहरे उघाड़तेरा दो, भगवानराः सरवन लगा अरू हना सरवन होड़कू एचेरे कता उदुः अतेकू ञेड गोएगतेडकुःआ, हँकुःआ होड़कूराः हनसा ईंग धाम पेंदारेयिंग ञेलतेरा।

उदुःतो कताकून 7:2

हँकुःआ बराहीलकू ओत अरू समुंदर लायगे लगा हातपातकू पवावनेना। हनते अरू मीटोंग बराहील पुरुब अगीते सेरमो अगी सेनतो ईंग ञेलतिरिया। हाँय जीयत भगवानराः मोहरे साबकातेरा। हाँय ओत अरू समुंदर लायगे लगा हातपातकू पवावकिया हँकुःआ चइरगोटोंग बराहीलकू एचेरे मुरुक सटी खिररीनेनखने कतातेरा,

उदुःतो कताकून 8:4

दो हना सकलाराः सोकोल भगवानरिकुःआ सुद होड़कूराः अरजी सुदा, हाँयग बराहीलराः तिःई अते भगवान एचेरे सोदोरयान।

उदुःतो कताकून 8:5

हनते हाँयग बराहील सकलाकू दोहोता हना सोनाराः डुबहा गोःतेडखन हना धामराः सेंगेले रेमतेरा अरू चउंदीसरेय गिरहागोतेड। हनमेला ठेड़ररे विड़चेड़नेना अरू बदरी हदूड़नेना अरू ओत डोलाःआ।

उदुःतो कताकून 9:13

हनते छो नमारीग सेरमो देसरीग बराहील अनँयगराः मरंग सोहनाईए ओंगतेरा। हनमेला भगवानराः गदी मड़ंगरे इदा हना सोनाराः धामराः चाइरगोटोंग देरेंग इयाःआ खुंटीकून अते मीटोंग अरोयिंग अयूमतेरा।