उदुःतो कताकून 6:6 - Korwa Bible

⁶ अरू हँकुःआ चइरो जीव-जंतूकू अते मीटोंग जीव-जंतूराः अरो ईंग अयूमतेरा, “मी दिनराः बनीते मी सेर गोहोम अरू मी दिनराः बनीते पेय सेर सरताल, मनदो जेतून अरू अंगूरराः बगइचाकून अलोपे आडगेःआ।”

उदुःतो कताकून 6:6 Iomraidhean Croise

मती ओजाःतेरा भगवानराः नपाय सरवन 24:7

मी जइतरिकुःआ होड़कू एटाः जइतरिकुःआ होड़कू सुदा अरू मी देसरिकुःआ होड़कू एटाः देसरिकुःआ होड़कू सुदाकू लड़ाइता। एटाः एटाः ततेरराः ओत डोलाःता अरू कतकाल हों होयाःता।

उदुःतो कताकून 4:6

अरू हना गदीराः मड़ंगरे काँचराः समुंदर इया तोनोंगाः दोहोना। हना समुंदर इसपटिक दिरि इया, ञेल पुरुःता हना इया दोहोना। अरू तलारे दोहोना हना गदीराः चइरो गतर चइरगोटोंग जीव-जंतूकू दोहोना। हँकूराः मड़ंग अगी अरू तयोम अगी मेनेड मेड दोहोना।

उदुःतो कताकून 4:8

चइरो जीव-जंतूकूराः छो छोगोटोंग पंकी दोहोना, अरू हँकूराः जमा देह दगलीरे, भितरी अरू बहरी, मेनेड मेड दोहोना। हँकू बेगर लोड़ोनते दिन रइत कता ञवना, “सुद इदानिया, सुद इदानिया, परबू भगवान सुद इदानिया, अगम जंगरदार भाबी भगवान, हाँय दोहोना, अरू नुँहू इदानिया, अरू कुदा वेग लगा इदानिया।”

उदुःतो कताकून 7:3

“अबूरीग भगवानरिकुःआ सेवकियाकूराः समांगरे मोहर अरीनबू लगावगे वरी, ओत अरू समुंदर अरू सींगकून अहापे लायगे।”

उदुःतो कताकून 9:4

हँकुःआ पंपाकूय कतावाड, “अपे चउंदीसराः बीर सहे हड़ियड़ बुदाकून सहे सींग दूबकून तोनोंगाः अलोपे हनीगे, मनदो समांगरे भगवानराः मोहर लगावतो कोवानेःआ हँननकुःआ होड़कू एकलापे हनीकू।”