उदुःतो कताकून 6:2 - Korwa Bible

² दो ईंग मीटोंग उजड़ घोड़ायिंग ञेलतेरा। अरू हाँयग घोड़ा सेरमोरे मी होड़ होड़ दुड़ुःकुःआ। हाँयराः तिःईरे मीटोंग अः दोहोना अरू हाँय एचेरे राजाकू तुसिंगगेता हना मीटोंग पगरी भगवान एमेवातेरिया। हनते हाँय लड़ाइ लगा अरू जितावबाः जुवाः लगाय उडुंगनेना।

उदुःतो कताकून 6:2 Iomraidhean Croise

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

1 कुरिंती 15:25

ईसू मसीरिकुःआ मुदइकू हरुवावकेडकूखन हाँयराः काट हँकू चोटरे चोड रोपाः लगा भगवान अरीने तुलाकू वरी ईसू राइजगोड ञवनता।

उदुःतो कताकून 11:15

हनते सात नमाररीग सेरमो देसरीग बराहील मरंग सोहनाईए ओंगतेड दो, सेरमो देसरे मुरुक सटी अरो अयमुःआ। हँकू कतातेरा, “चउंदीसराः राइजकून अबूरीग परबू भगवानराः अरू आँयगरीग मसीराः होयाकिया। अरू हाँय सगर जूग वरीय राइजगोड ञवनता।”

उदुःतो कताकून 11:18

जमा जइत होड़कू रीसयना अरू आम रीस भीकयानमे। दो गोएगतो होड़कू फड़ियाव लगा नुँहू बेला सोदोरयना, आमरिकुःआ सेवकियाकू अरू आमराः बड़रा कता होड़कू, अरू आमरिकुःआ सुद होड़कू, अरू आम सुदा अकूसकू मनाःता हँकुःआ मरंग अरू हुडिंग होड़कू, हँकू इमानमे एमेवा लगा हों बेला सोदोरयना, अरू चउंदीसकू लायतना, हँकुःआ होड़कूम लाय एंडाकूता।”

उदुःतो कताकून 14:14

हनते मीटोंग उजड़ बदरीयिंग ञेलतेरा अरू हना बदरीरे मनुवारीग बेटात इया तोनोंगीग दुड़ुःकिया। हाँय सोनाराः पगरीय तुसिंगतेरा अरू मीटोंग लसेर दतरोम तिःईरेय साबतेरा।

उदुःतो कताकून 15:2

हनते सेंगेल मेसातो काँचराः समुंदर इया तोनोंगाः ईंग ञेलतेरा। अरू हना समुंदर धरीरे मुरुक होड़कू चड़ाँयान। हँकू जानर एचेरेकू जितावनेना। हँकू हाँयग जानर अरू हाँयराः मुरती मेरकू जागगाड, अरू हँकू हाँयग जानरराः नमार हों मेरकू गोःगाड। अरू भगवान एमेवातेडकुःआ हना तंबुरराकूनकू साबकातेरा,

उदुःतो कताकून 17:14

हँकू भेड़ा होन सुदाकू लड़ाइता। मनदो हाँयग भेड़ा होन राजाकूरीग राजा अरू परबूकूरीग परबू हवे। हनालगा हाँय हँकूय हरुवावगोडकूता। हाँय सुदा इदानकुःआ हँकुःआ होड़कू हों हाँय सुदाकू जीताव जुवाःता। हँकू राःतो, अरू सुनावतो, अरू बिसवासगे इयाकुःआ हवे।”

उदुःतो कताकून 19:14

सेरमो देसरिकुःआ सइनाकू उजड़ सफा सान सोनहेकू तुसिंगकेरा अरू उजड़ उजड़ घोड़ाकू सेरमो दुडुःकियानखन हाँय तयोम तयोमकू सलाःतना।

उदुःतो कताकून 3:21

ईंग हों जितावनेनखन ईंगरीग अपांगराः गदीरे हाँय सुदायिंग दुड़ुःयना। दो हनन इया जितावबाः जुवाः हाँयग होड़ हों ईंगराः गदीरे ईंग सुदायिंग दुड़ुःगेयता।

उदुःतो कताकून 9:7

हँकुःआ पंपाकू लड़ाइ लगा सपड़ावतो घोड़ाकू इयाकू ञिलुःआ। हँकूराः बोःरे सोनाराः पगरी इया दोहोना, अरू हँकूराः सुरइत होड़राः इया दोहोना।