उदुःतो कताकून 6:12 - Korwa Bible

¹² ईंग ञेलतेरा, भेड़ा होन छो नमारराः मोहरे उघाड़तेरा। हनमेला ओत मुरुक डोलावनेना, अरू बेर कमड़ा इया भिंजीट कड़ियायान, अरू बांगो बलंगी इया अदग लालयान,

उदुःतो कताकून 6:12 Iomraidhean Croise

मती ओजाःतेरा भगवानराः नपाय सरवन 11:21

“ने कोरेसीन सहररिकुःआ होड़कू, अरू ने बेतसइदा सहररिकुःआ होड़कू, अपे दोपे ठीकयना, अपेराः जीव नपाय ओरो दोहोनेना। अपे तलारे भगवान बुतातेरा हना जंगरराः बुता, सूर अरू सइदा सहररिकुःआ होड़कू तलारे होयाःकुः दो, हँकू ओहेन बोराराः सोनहेकू तुसिंगकेःआ अरू ओबरे दुड़ुःकियानखन कसूर अते जीवकू कुदाकेःआ।

मती ओजाःतेरा भगवानराः नपाय सरवन 24:29

“हना सिकिसताराः दिनकून अते तयोमरे, बेर अंदरा जुवाःता, अरू बांगो अते मरसल ओरो टेडेगनेना। अरू सेरमो अते इपीलकू लुजुरुःता अरू सेरमोरे विड़चेड़ता हना जंगरकून डोलाव जुवाःता।

मती ओजाःतेरा भगवानराः नपाय सरवन 24:7

मी जइतरिकुःआ होड़कू एटाः जइतरिकुःआ होड़कू सुदा अरू मी देसरिकुःआ होड़कू एटाः देसरिकुःआ होड़कू सुदाकू लड़ाइता। एटाः एटाः ततेरराः ओत डोलाःता अरू कतकाल हों होयाःता।

मती ओजाःतेरा भगवानराः नपाय सरवन 27:45

तिकिन बेला वरीते ढड़काः बेला वरी जमा देस अंदरायान।

मती ओजाःतेरा भगवानराः नपाय सरवन 27:54

मी सव सइना होड़कूरीग हातपात होड़ अरू ईसूकू अगुरातेरा हँकुःआ होड़कू ओत डोलोवतो अरू नाःआ जमाकून ञेलतेडखन मुनुरुककू बोरोयान अरूकू कतातेड, “सतायरे नाँय भगवानरीग बेटात दोहोना।”

मती ओजाःतेरा भगवानराः नपाय सरवन 28:2

दो ओहेन हंडा ओत मुरुक डोलाःआ अरू सेरमो देस अते परबू भगवानरीग बराहील मड़गट अगीय उतराव वेजेडा। अरू हना मरंग दिरि, दुवारते कोलोंग चलाःतेडखन हना दिरि चोटरेय दुड़ुःयान।

मरकूस 15:33

हना तयोमते तिकिन बेला वरीते ढड़का बेला वरी जमा देस अंदरायान।

उदुःतो कताकून 11:13

हननमेला ओत मुरुक डोलावनेना अरू हना मरंग सहरराः दस बंटा अते मी बंटा वाः बोलोयान। अरू हना बिपइतरे सात हजार होड़कू गोएगयान। बनसावनेना हँकुःआ होड़कू बोरोयान अरू सेरमो देसरीग भगवानकू जागतेरा।

उदुःतो कताकून 16:18

अरू हनमेला ठेड़ररे विड़चेड़ा अरू बदरी हदूड़ा अरू ओत डोलाःआ। भगवान मनुवाकूय तुलातेरा हना वरीते नाःआ इयाःआ मरंग ओत डोलाः कहियो मेर होयागान।

उदुःतो कताकून 16:8

हनते चाइर नमारीग सेरमो देसरीग बराहील अनँयगराः डुभा बेररेय दूलगोतेड अरू हनाते होड़कू सेंगेलते भुरटावकू लगा बेर हातपाते पवावनेना।

उदुःतो कताकून 8:12

हनते चइर नमारीग बराहील अनँयग मरंग सोहनाईए ओंगतेरा दो, बेर, बांगो अरू इपीलकू पेय बंटारे मी बंटा अंदरायान। हनालगा दिनरे चइर घंटा अंदरायान अरू हनन इया रइतरे हों चइर घंटा भीट भीट अंदरायान।

उदुःतो कताकून 8:5

हनते हाँयग बराहील सकलाकू दोहोता हना सोनाराः डुबहा गोःतेडखन हना धामराः सेंगेले रेमतेरा अरू चउंदीसरेय गिरहागोतेड। हनमेला ठेड़ररे विड़चेड़नेना अरू बदरी हदूड़नेना अरू ओत डोलाःआ।