उदुःतो कताकून 5:13 - Korwa Bible

¹³ हनते ईंग सेरमो देसरिकुःआ, अरू ओतरिकुःआ, अरू पतालपूररिकुःआ, अरू समुंदररिकुःआ जमाकू नाःआ इया कतातिंग अयूमतेडकुःआ, “ने भगवान आम गदीरेम दुड़ुःकिया दो आम लगा अरू भेड़ा होन लगा, होड़कू सगर सइट वरी मान मरजइत, जाग, अरू धनियाबादकू एमे अरू अबाराः राइज सगर सइट दोहोन।”

उदुःतो कताकून 5:13 Iomraidhean Croise

मती ओजाःतेरा भगवानराः नपाय सरवन 6:13

अरू कसूरराः रेनहारे अलोम पराव ओवाले, मनदो बेलूर अतेम बनसावले। [हकतियार अरू जंगर अरू मान मरजइत सगर सइट वरी अनमराः हवे। आमीन!]

लूका 2:14

“सेरमो देसरे इदानिया हाँयग भाबी भगवानले जागतना। भगवान ननायकूता हँकुःआ होड़कू लगा हाँय सलसते एमेता।”

एहुना 1:29

एटाः दिन एहुना आँयग अगी ईसू वेगतो ञेलतिडिगखने कतातेरा, “ञेलेयपे, चउंदीसरिकुःआ होड़कूराः कसूरे बराव एंडाता भगवानरीग भेड़ा होन ननाँय हवे।

रूमी 11:36

हनाँय जमाकूने तुलाकेरा, हनाँयते जमाकून सलाःतना, अरू हनाँयराः हवे जमाकून। दो हनाँयग भगवान लगा सगर सइट वरी मान मरजइत होयाः। आमीन!

रूमी 16:27

मिनीटोंग भगवान इदा अरू जमा इयाःआ कनहून हनाँय एचेरे इदा। हनालगा ईसू मसी एचेकेरा, हना अते जमा होड़कू भगवानकू जागगोड ञवन। आमीन!

रूमी 9:5

इबराहीम, इसहाक अरू एकूब हँकूरिकुःआ खुटिपरिया होड़कू हवे अरू जमाकूरीग भगवान ईसू मसी होड़राः सुरइत मुरइतरे, हँकूरीग नइड़-बाँस होड़तेय जनमावनेना। सगर सइट होड़कू हाँयकू जागगोड ञवन। आमीन!

इपीसी 3:21

हाँयग भगवानराः जाग कलसियारिकुःआ होड़कूते अरू ईसू मसीते जमा जूगरिकुःआ होड़कू एचेरे सगर सइट जूग वरी होयागोड ञवन। आमीन!

पिलिपी 2:10

जेमहा जमा होड़कू ईसूराः ञाव अयूमकेडखनकू उकुड़ोमगुः। सेरमो देसरिकुःआ अरू ओतरिकुःआ अरू पतालपूररिकुःआ जमाकू हाँयकू सलाम घड़ीनकू उकुड़ोमगुः,

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

1 तिमुतियूस 4:16

आम सवासिती दोहोन घड़ीनमे जियाः अरू होड़कूम चेड। नान इयाम एचेय दो आम अरू आमराः बड़राकू अयुमेता हँकुःआ होड़कू हों आम सुदाकू बनसाव जुवाःता।

1 पतरस 4:11

परसारताकुःआ होड़कू भनगवानराः सरवन पपरसार लगा इदा। एटाः होड़कूकू सेवाता हँकुःआ होड़कू, भगवानराः जंगरते सेवाकू लगा इदा, जेमहा नाःआ जमाकून अते ईसू मसीते भगवानराः मान मरजइत होयाः। हनाँय मान मरजइतगे इयायीग अरू सगर सइट वरी अगम जंगरदार इदानिया। आमीन!

1 पतरस 5:11

दो हाँय सगर सइट वरी जंगरदारे दोहोन। आमीन!

जूदा 1:25

हाँयग मिनीटोंग भगवान अबूरीग सडावदार लगा, जूग परिया अते इदानिया अरू नुँहू अते सगर जूग वरीय दोहोनता अबूरीग परबू ईसू मसीते, मान मरजइत अरू जाग, हातपात अरू जंगर सगर सइट लगा होनोयागोड ञवन। आमीन!

उदुःतो कताकून 1:6

अरू हाँयरीग अपांग भगवानबू सेवागेय लगा राजाकू अरू पुजउरीकू इयाय बड़ाँवकेडबुःआ। दो होड़कू हाँय सगर सइटकू मान मरजइतगेय अरूकू जागगेय। आमीन!

उदुःतो कताकून 13:8

चउंदीसराः बुँहड़ीन अते मड़ंग भगवान मुरुक होड़कूराः ञाव ञेड एंडात भेड़ा होनराः जीवराः कागदरेय ओजाः दोहोकेरा। अरू हना कागदरे ञाव ओजाःतो कोवानेःआ, हँकुःआ जमा होड़कू हाँयग जानरकू जागता।

उदुःतो कताकून 5:1

हनते गदीरे दुड़ुःतोय दोहोना हाँयग भगवानराः खउना तिःईरे मीटोंग कोंडोड़तो कागदिंग ञेलतेरा। हना कागदराः बनर परोमरे ओजाःतो दोहोना। अरू हना कागदरे सात ततररे मोहर लगावतेडखन तोलतो दोहोना।

उदुःतो कताकून 5:12

अरू हँकू मुरुक सटीतेकू सेरेंगा, “ने ञेड गोएगतो भेड़ा होन आम जंगर अरू आन-धान, कनहून अरू सवांग, मान मरजइत अरू जाग, अरू धनियाबाद पवाः जुकूर इदानमेःआ।”

उदुःतो कताकून 5:3

मनदो सेरमो देसरे सहे ओतरे सहे पतालपूररे हना कागद लड़ा लगा सहे भितरी ञेल जुकूर तोनोंगीग मेरेय दोहोगान।

उदुःतो कताकून 5:6

हनते हना गदी अरू चइरो जीव-जंतूकू अरू मूक होड़कू तलारे गेड ञेडतो इया मीटोंग भेड़ा होनिंग ञेलतेरा। हाँयराः सातगोटोंग देरेंग अरू सातगोटोंग मेड दोहोना। नाःआ सातगोटोंग मेड चउंदीसरे भगवान वारकेरा हना सातगोटोंग बिरुवा हवे।

उदुःतो कताकून 5:9

हनते हँकुःआ चूबीसगोटोंग जीव-जंतूकू अरू मी कुड़ी चइरगोटोंग मूक होड़कू, नाःआ नँवा सेरेंगकू सेरेंगा; “ने परबू, आमकू ञेड गोएगतेरा, अरू आमराः बलंगीते जमा देसरिकुःआ होड़कू, अरू एटाः एटाः भासीरिकुःआ होड़कू, अरू जमा जइत होड़कू अरू जमा खमदानरिकुःआ होड़कू, हँकुःआ जमा होड़कू भगवान लगाम सडावगोतेडकुःआ। हनालगा आम नाःआ कोंडोड़तो कागद अरू मोहर लड़ा जुकूर इदानमेःआ।

उदुःतो कताकून 6:16

हँकू पहाड़ अरू चटइनकू कतावाःआ, “अले चोटरे रूब जुवाः, जेमहा गदीरेय दुड़ुःकिया हाँय, अले अलोय ञेल अवेले अरू भेड़ा होनराः रीस अतेले बनसाव जुवाः।