उदुःतो कताकून 4:5 - Korwa Bible

⁵ हना गदी अते बदरी विड़चेड़नेना अरू ठेड़ररेनेना, अरू हना गदी मड़ंगरे सातगोटोंग ढिबरीकून सलगावनेना। हना ढिबरीकून भगवानराः सातगोटोंग बिरुवा हवे।

उदुःतो कताकून 4:5 Iomraidhean Croise

मती ओजाःतेरा भगवानराः नपाय सरवन 25:1

“भगवानराः राइज अँनकूराः ढिबरीकून गोःकेडखन बरवा सुदा जुमाः लगाकू उडुंगनेना हँकुःआ दसगोटोंग धंगड़ीकू इया इदा।

मती ओजाःतेरा भगवानराः नपाय सरवन 3:11

अपे कसूर अते जीवपे कुदागे लगा, दाःते बतिसमायिंग एमेयतना। मनदो ईंग तयोमरेय वेगता, हाँयग होड़ ईंग अते मरंग इदानिया। हाँयराः चाटी रेम जुकूर हों कोवायिंगा। हाँय सुद बिरुवाते अरू सेंगेलते अपे बतिसमाय एमेवापेता।

मूक चेलाकू 2:3

दो हँकुःआ होड़कू ञेलतेरा सेंगेल धइद अलंग उड़ी हँकू मेमेड होड़ एचेरे उतरावनेना।

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,

उदुःतो कताकून 10:3

हनते हाँय कूल नरराःता इया मुरुक सटी खिररीनेना। हाँय खिररीनेना, हनमेला बदरी सात तुरहा होड़कूराः बड़रा इया हदूड़नेना।

उदुःतो कताकून 11:19

हनते सेरमो देसरे इदा हना भगवानराः ओड़ाःकू गीगतेरा। अरू हना ओड़ाः पेंदारे भगवानराः कता-जमकावतोराः बकसा ञिलुःआ। हनमेला ठेड़ररे विड़चेड़ा अरू बदरी हदूड़ा अरू ओत डोलाःआ अरू मरंग मरंग अरील लोजोरनेना।

उदुःतो कताकून 3:1

सरदीस सहरराः कलसियारीग बराहील लगा नाःआ चिठीम ओजाः, सातगोटोंग बिरुवाय वारेयता अरू सातगोटोंग इपीलकू साबतोयीग नाःआ इयाय कतायतना, “ईंग अपेराः बुताकूनिंग सुसुदीतना। होड़कू हँकू जीयत इदानकुःआ, माःआनकू कतावापेता, मनदो अपे गोएगतो इदानपेःआ।

उदुःतो कताकून 5:6

हनते हना गदी अरू चइरो जीव-जंतूकू अरू मूक होड़कू तलारे गेड ञेडतो इया मीटोंग भेड़ा होनिंग ञेलतेरा। हाँयराः सातगोटोंग देरेंग अरू सातगोटोंग मेड दोहोना। नाःआ सातगोटोंग मेड चउंदीसरे भगवान वारकेरा हना सातगोटोंग बिरुवा हवे।

उदुःतो कताकून 8:5

हनते हाँयग बराहील सकलाकू दोहोता हना सोनाराः डुबहा गोःतेडखन हना धामराः सेंगेले रेमतेरा अरू चउंदीसरेय गिरहागोतेड। हनमेला ठेड़ररे विड़चेड़नेना अरू बदरी हदूड़नेना अरू ओत डोलाःआ।