उदुःतो कताकून 4:1 - Korwa Bible

¹ हना तयोमरे ईंग ञेलतेरा दो सेरमो देसराः मीटोंग दुवार गीगतो दोहोना। अरू मरंग सोहनाईराः अरो इया अरो मड़ंगरेयिंग अयूमतेरा, हनाराः अरो अरूयिंग अयूमकेरा। हाँय कतातेरा, “दबूमे सेरमो, अरू नाःआते तयोमते होनोयाः लगा इदा, हना कताकून जमायिंग उदुःवामता।”

उदुःतो कताकून 4:1 Iomraidhean Croise

मती ओजाःतेरा भगवानराः नपाय सरवन 3:16

ईसू बतिसमा गोःतेडखन दाः अतेय उडुंगगुः मेला सेरमो देस गीगयान अरू भगवानराः बिरुवा, पेरवाँ तितीग इया ईसू चोटरे उतराव वेगनेना, हना अनँयग ञेलतेरा।

मरकूस 1:10

ईसू दाः अतेय उडुंगगुः मेला सेरमो देस गीगयान अरू भगवानराः सुद बिरुवा पेरवाँ तितीग इया हाँय चोटरेय उतराव वेगनेन हनाय ञेलतेरा।

लूका 3:21

जेहेलरे सींगतोय दोहोन अते मड़ंग एहुना एटाः एटाः होड़कू बतिसमाय एमेवाःआ दो ईसू हों बतिसमा गोःतेडखने अरजीःआ अरू सेरमो देस गीगयान।

एहुना 16:13

मनदो सतायराः बिरुवा वेग दो अपे जमा बरानाः सताय दूरे उदुःवापेता। हाँय अनँयग ओंगोलते ओरोय कतातेरा। मनदो हाँय अयुमेता हनानाःए कता उदुःगेता अरू दरवाःआ हना कताकून होंय कता उदुःगोडता।

मूक चेलाकू 10:11

हना दरसनरे सेरमो देस गीगनेना अरू मीटोंग ओयोन सोनहे इया तोनोंगाः जिनिसराः चइरो कोनारे साब तड़ावतो उतरावनेना।

मूक चेलाकू 7:56

अरू हाँयग इसतपनूस कतातेरा, “मन ञेलपे! ईंग सेरमो देसराः दुवार गीगतो अरू मनुवारीग बेटात भगवानराः खउना गतररे चड़ाँतिंग ञेञेलतना।”

उदुःतो कताकून 1:10

परबूराः दिनरे सुद बिरुवातेयिंग पेरेगयान अरू ईंग तयोम अगी मरंग सोहनाई इया मुरुक सटी मीटोंग अरोयिंग अयूमतेरा,

उदुःतो कताकून 1:12

हनते ईंग सुदाय बुतुड़ुःआ हाँय ञेल लगायिंग उलटावनेना। दो सोना ढिबरी सातगोटोंगिंग ञेलतेरा।

उदुःतो कताकून 1:19

“दो हनालगा, आम ञेलकेरा हना, अरू नाःआ बेलारे होयाःतना हना, अरू होयाः लगा इदा, हनाम ओजाः दोहो।

उदुःतो कताकून 11:12

हनते हँकिन सेरमो अते मीटोंग मुरुक सटी अरोकिन अयूमतेरा, “दबूबा, सेरमो अगीबा रकब वेग।” अरू हँकिनरिकुःआ मुदइ होड़कू ञेने ञेल मेला बदरीरे सेरमो होरकिन देग जुवाःता।

उदुःतो कताकून 11:19

हनते सेरमो देसरे इदा हना भगवानराः ओड़ाःकू गीगतेरा। अरू हना ओड़ाः पेंदारे भगवानराः कता-जमकावतोराः बकसा ञिलुःआ। हनमेला ठेड़ररे विड़चेड़ा अरू बदरी हदूड़ा अरू ओत डोलाःआ अरू मरंग मरंग अरील लोजोरनेना।

उदुःतो कताकून 16:17

सात नमारीग सेरमो देसरीग बराहील अनँयगराः डुभा होयरेय दूलगोतेड। दो भगवानराः ओड़ाःराः गदी अते मीटोंग मुरुक सटी अरोयिंग अयूमतेरा, “होनोयायना!”

उदुःतो कताकून 19:11

हनते ईंग सेरमो देस गीगतोयिंग ञेलतेरा अरू हंडा मीटोंग उजड़ घोड़ा दोहोना। हाँयग घोड़ा चोटरे मी होड़ दुड़ुःतोय दोहोना। हाँयराः ञाव बिसवासगेयीग अरू सताय हवे माःआनकू कतावायता। हाँय सतायते फड़ियाव घड़ीने लड़ाइता।

उदुःतो कताकून 22:6

हनते हाँयग बराहील ईंगे कतावातेरा, “नाःआ कता बिसवासगेयीग अरू सनाताय इदा। परबू दरवाःआ हना कताकून अनँयगरिकुःआ सेवकियाकू एचेरेय एचे उदुःवाकू लगा अनँयगरीग बराहीले वारतेरा। ननाँय भगवान अनँयगराः बड़रा कता होड़कू एचेरे मड़ंगरेय कता उदुःतेरा।”