उदुःतो कताकून 3:4 - Korwa Bible

⁴ मनदो अपे अते अदोम होड़कू अँनकूराः सोनहे कसूरते मेरकू मइलागरा। हँकू ईंग जुकूर इदानकुःआ। हननलगा हँकू उजड़ सोनहे तुसिंगकेडखन ईंग सुदाकू दँड़ाता।

उदुःतो कताकून 3:4 Iomraidhean Croise

मती ओजाःतेरा भगवानराः नपाय सरवन 10:11

अपे तोनोंगाः सहररेपे बोल दो, हना सहररीग नपाय होड़पे ञामवा अरू हना सहर अते अपे अरीन सेन वरी हाँय सुदापे दोहोन।

मरकूस 16:5

मड़गट लात पेंदारेकू बोलोनेन दो हंडा मी होड़ डिंघा उजड़ सोनहे तुसिंगतो खउना गतर दुड़ुःतोकू ञेलतिरिया अरू मुरुककू बयावयान।

लूका 20:35

मनदो गोएगतो अते जियाव रिमुः जुकूर अरू हना जूगरे दोहोन जुकूर इदानकुःआ हँकुःआ होड़कू ओरोकू बियाहनेना अरू ओरोकू एचे बियाहतेडकुःआ।

लूका 21:36

हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”

मूक चेलाकू 1:15

दो मी दिनरे अंदांज मी सव बीस बिसवासी होड़कू मिनीरेकू जुमावनेना। अरू हँकू तलारे पतरस चड़ाँनेन

2 तिसलूनिका 1:5

नाःआ जमा कताकूनते अबू सुदीयता भगवान जमा होड़कू नपायतेय फड़ियावकूता, अरू आँयगराः देस बदीरे कटसियापे सहावतना हना देस जुकूर अपेय बड़ाँवगोडता।

जूदा 1:23

अरू सेंगेलराः फड़ियाव अते होड़कू उलचाः उडुंगकेडकूखनपे बनसावकू अरू भगवानराः अकूस मनाः घड़ीन एटाः होड़कूपे सोगावा। मनदो हँकूराः कसूरते अपेराः जीव मइलाः अते सवासितीपे दोहोन।

उदुःतो कताकून 1:11

“आम ञेलता हना मीटोंग कागदरेम ओजाःगे अरू सातगोटोंग कलसियारिकुःआ होड़कू एचेरेम इदीगोड। इपीसी सहर, इसमुरना सहर, पिरगामून सहर, थायतिरा सहर, सरदीस सहर, पिलादिलपिया सहर अरू लउदिकिया सहररे इदानकुःआ हँकुःआ कलसियारिकुःआ होड़कू एचेरे नाःआ सरवनमे इदीगोड।”

उदुःतो कताकून 11:13

हननमेला ओत मुरुक डोलावनेना अरू हना मरंग सहरराः दस बंटा अते मी बंटा वाः बोलोयान। अरू हना बिपइतरे सात हजार होड़कू गोएगयान। बनसावनेना हँकुःआ होड़कू बोरोयान अरू सेरमो देसरीग भगवानकू जागतेरा।

उदुःतो कताकून 14:4

हँकू जमाकू कुवाँर इदानकुःआ, अरू कहियो तोनोंगीग अइमी सुदा मेरकू गेतेग मइलावगना। अरू भेड़ा होन हँकूय अगुवाइवाकूता, हनन अगी हाँय तयोम तयोमकू सेनता। हँकुःआ होड़कू मनुवाकू अते बुताराः मड़ंग बंटा इया भगवान अनँयग लगा अरू भेड़ा होन लगाय सडावतेडकुःआ।

उदुःतो कताकून 19:14

सेरमो देसरिकुःआ सइनाकू उजड़ सफा सान सोनहेकू तुसिंगकेरा अरू उजड़ उजड़ घोड़ाकू सेरमो दुडुःकियानखन हाँय तयोम तयोमकू सलाःतना।

उदुःतो कताकून 19:8

सफा अरू फिटीक सान सोनहे तुसिंग लगा कनिया पवावनेना।” अरू हना सफा अरू फिटीक सान सोनहे भगवानरिकुःआ सुद होड़कूराः नपाय बुता हवे।

उदुःतो कताकून 3:18

हनालगा ईंग अपेयिंग सलाहता, सेंगेलते गरावतो सोना ईंग अतेपे किजाय, जेमहा अपे गिरहत जुवाः अरू उजड़ सोनहेपे किजा अरूपे तुसिंगे दो अपे एकेते ओरोपे दोहोनेना अरू ओरोपे गियूनेना। अरू अपेराः मेडरे लगवे लगा दवापे किजा, जेमहा अपे ञेल अवेय।

उदुःतो कताकून 3:5

जितावबाः जुवाःता हाँयग होड़, हँकुःआ होड़कू इया उजड़ सोनहेयिंग तुसिंगगेयता, अरू हाँयराः ञाव जीवराः कागद अते कहियो ओरोयिंग कटावतेरा। ईंग ईंगरीग अपांग भगवान अरू हाँयरिकुःआ बराहीलकू मड़ंगरेयिंग कबुलाःता, नाँय ईंगरीग होड़ हवे, माःआन।

उदुःतो कताकून 4:4

हाँयराः गदीराः चइरो गतर चूबीसगोटोंग गदीकून दोहोना। अरू हना गदीकूनरे मी कुड़ी चइरगोटोंग मूक होड़कू उजड़ सोनहे अरू सोनाराः पगरी तुसिंगकेडखन दुड़ुःतोकू दोहोना।

उदुःतो कताकून 6:11

हनते हँकू जमाकू तुसिंगे लगा मेमेडटोंग मेमेडटोंग काट वरीःआ झोलोंग उजड़ सोनहे भगवान एमेवातेडकुःआ। अरू हँकूय कतावाड, “ईंगरिकुःआ सेवकियाकू अरू अपेरिकुःआ बिसवासी वपक बोपोहकूतापे अँननपे इयाकू ञेड एंडाकूता। हँकू जमाकू अरीनकू ञेड एंडाकू वरी अपे मी घड़ी अरूपे लोड़ोन।”

उदुःतो कताकून 7:9

हनते ईंग मुरुक बगरा होड़कूयिंग ञेलतेरा। हँकू तोनोंगीग ओरोय गँड़ाव अवेकेकुःआ। हँकू जमा जइतरिकुःआ, अरू जमा गोतोररिकुःआ, अरू जमा राइजरिकुःआ, अरू जमा भासीरिकुःआ होड़कू दोहोना। हँकू उजड़ सोनहेकू तुसिंगतेरा अरू किताराः डइड़ साबतेडखन गदी अरू भेड़ा होन मड़ंगरेकू चड़ाँकुःआ।