उदुःतो कताकून 3:18 - Korwa Bible

¹⁸ हनालगा ईंग अपेयिंग सलाहता, सेंगेलते गरावतो सोना ईंग अतेपे किजाय, जेमहा अपे गिरहत जुवाः अरू उजड़ सोनहेपे किजा अरूपे तुसिंगे दो अपे एकेते ओरोपे दोहोनेना अरू ओरोपे गियूनेना। अरू अपेराः मेडरे लगवे लगा दवापे किजा, जेमहा अपे ञेल अवेय।

उदुःतो कताकून 3:18 Iomraidhean Croise

मती ओजाःतेरा भगवानराः नपाय सरवन 13:44

ईसू अरू अउल-तउल कहड़ीकूने कतातेरा, “भगवानराः राइज, दोहोड़रे तीलतो इदा हना धन इया इदा। हना धन तोनोंगीग होड़के पवावनेन दो हाँय ओहेन हना धाने ओकोगोतेड अरू मुरुक बहालते सेनेकियानखन अनँयगराः जमा जिनिसकूने अकिरिंगगोतेड अरू हना दोहोड़े किजातेरा।

मती ओजाःतेरा भगवानराः नपाय सरवन 25:9

दो कनहूनदार धंगड़ीकू कतातेरा, होनायाःकून करे अबू जमाकू लगा सुनुम ओरो पुरावनेना। हनालगा अपे बजाररे सेनेकियानखन अँननपे लगापे किजा अगूय।

लूका 12:21

अनँयग लगा आन-धाने जुमावता हाँयग होड़ ननाँयग गिरहत होड़ इयाय दोहोनता। अरू ननन इयायीग होड़ भगवानराः मेडरे गिरहत मेरेय दोहोनता।”

2 कुरिंती 5:3

अरू अबू हना देहबू पवाव जुवाः अते, बेगर धउरते अबूराः बिरुवा ओरो दोहोनेना।

2 कुरिंती 8:9

अपे सुसुदीतना अबूरीग परबू ईसू मसी मयावाडबुःआ। हाँय सेरमो देसरे गिरहते दोहोन हों हाँय अपे लगाय गरीबयान, जेमहा हाँय गरीबगुः अते अपे भगवान बदीरेपे गिरहत जुवाः।

1 तिमुतियूस 6:18

हँकू नपाय बुताकू एचेय लगा अरू मिनी जीवकियानखन जमा होड़कूकू संघरावा लगा ओसताजकू दोहोन लगाम हुकुमवाकू।

एकूब 2:5

ईंग अजी बोपोहकूतिंग, अपे ईंगपे अयूम, नाःआ चउंदीसरिकुःआ गरीब होड़कू भगवान आयँगराः बिसवासरे गिरहत होड़कू बड़ाँः लगाय सुनावकेडकुःआ। अरू भगवानकू दुलारता हँकुःआ होड़कू लगा आँयग जबानकेरा हना इया सेरमो देसरिकुःआ इताडदारकू तुला लगा होंय सुनावकेडकुःआ।

1 पतरस 1:7

तोनोंग दिनरे लाय जुवाःता हना सोना हों नपाय होयाः लगा सेंगेलरेकू गरावगेता। अपेराः बिसवास सोना अते मुरुक नपाय इदा, अरू हना बिसवास सताय हवे माःआन जासबाःका लगा, नाःआ कटसिया अपेराः जीवरे होयाःता। अरू ईसू मसी अनँयग आँयग होड़कू एचेरेय एचे ञिलुः मेला, अपेराः सताय बिसवास बदीरे भगवान अपे मरंगे ओंगोलपेता अरू अपे बदीरे भल-भलायकियानखने मान मरजइतपेता।

उदुःतो कताकून 16:15

“अयुमेपे, ईंग इनिग होड़ इया अपे एचेरे असाकायिंग सेनता। जगियातकू दोहोनता अरू अँनकूराः सोनहेकू सपड़ाव दोहोकाता, हँकुःआ होड़कूराः जीव भगवान नपायगेता। हँकुःआ होड़कू एकेते मेरकू दोहोनता अरू हँकू ओरोकू गियूनेना।”

उदुःतो कताकून 19:8

सफा अरू फिटीक सान सोनहे तुसिंग लगा कनिया पवावनेना।” अरू हना सफा अरू फिटीक सान सोनहे भगवानरिकुःआ सुद होड़कूराः नपाय बुता हवे।

उदुःतो कताकून 2:9

“अपे कटसियारे इदानपेःआ अरू जोम ञूय लगा अपे एचेरे कहिसाः कोवानेःआ, माःआनिंग सुदीतना। मनदो अपे गिरहत इदानपेःआ। ईंग सुसुदीतना, अले भगवानरिकुःआ होड़कू हवे, माःआनकू कतनता हँकुःआ होड़कू, अपे मुरुककू ओपतावापेता। मनदो सतायरे हँकू भगवानरिकुःआ होड़कू ना लवे अरू हँकू कलउराः गउदारिकुःआ होड़कू हवे।

उदुःतो कताकून 3:17

अपे कतनता, अले मुरुकले अदेरवाना अरू गिरहत इदानलेःआ। अले एचेरे तोनोंगाः जिनिस हुडिंग बगरा कोवानेःआ। मनदो अपे मेरपे सुसुदीता, अपे हदरावतो, अरू होड़कू ञेल सोगनता हना इया, अरू गरीबकू, अरू अंधाकू अरू एकेते इदानपेःआ।

उदुःतो कताकून 4:4

हाँयराः गदीराः चइरो गतर चूबीसगोटोंग गदीकून दोहोना। अरू हना गदीकूनरे मी कुड़ी चइरगोटोंग मूक होड़कू उजड़ सोनहे अरू सोनाराः पगरी तुसिंगकेडखन दुड़ुःतोकू दोहोना।

उदुःतो कताकून 7:13

हनते मूक होड़कू अते मी होड़ ईंग एचेरेय कतातेरा, “उजड़ सोनहे तुसिंगतो नँकुःआ होड़कू इयेकू हवे? नँकू करा अगीतेकू वेगकिया?”