उदुःतो कताकून 21:7 - Korwa Bible

⁷ जितावबाः जुवाःता हँकुःआ होड़कू नाःआ जमाकूनराः इताडदारकू होयाःता। ईंग हँकूरीग भगवानिंग दोहोनता अरू हँकू ईंगरिकुःआ लइंकू दोहोनता।

उदुःतो कताकून 21:7 Iomraidhean Croise

मती ओजाःतेरा भगवानराः नपाय सरवन 19:29

अरू अँनकूराः ओड़ाः सहे वपक-बोपोहकूतेन सहे अपात, लइंकूतेन सहे दोहोड़कून ईंग लगाकू अड़ाःगोतेडा, हँकू मी सव गुनाकू पवाःता अरू ओरो टुटीगनेना हना जीवकू पनावाःता।

मती ओजाःतेरा भगवानराः नपाय सरवन 25:21

दो मालिक कता कुदातेरा, नपायमे एचेकेरा, ईंगरीग बिसवासगेयीग अरू नपाय सेवकिया। आम गुनमिन कतारे बिसवासगेयीगमे दोहोना। दो ईंग मुरुक कताकूनराः जिमेवारीयिंग ओवामता। आमरीग मालिक सुदा आम होंम बहाल जुवाः।

मती ओजाःतेरा भगवानराः नपाय सरवन 25:34

हनते हाँयग मरंग राजा हाँयराः खउना तिःई गतररेकू चड़ाँनता हँकुःआ होड़कू एचेरेय कतायता, दबूपे, ईंगरीग अपांग भगवान अपेराः जीवे नपायगोतेडा। चउंदीसराः बुँहड़ीन अते भगवान अपे लगाय सपड़ाव दोहोकेरा हना इताडपे पवाः।

मरकूस 10:17

दो ईसू हना अते उडुंगनेनखन दूररेय सेन मेला मी होड़ ईसू एचेरे वेजेडखन उकुड़ोमनेनखने होंबरेःआ, “ने नपाय गुरुजी, ओरो टुटीगनेना हना जीव पवाः लगा चिलायिंग एचे?”

रूमी 8:14

सुद बिरुवा अगुवाइकूता हँननकुःआ होड़कू भगवानरिकुःआ लइंकू हवे।

रूमी 8:19

भगवान अनँयगरिकुःआ होड़कूय मान मरजइतता हनानाः दिन लगा अबू मनुवाकू एकला कोवान, मनदो भगवान जेहो सकालाःए तुलाकेरा हना जनामा उंभराव घड़ीन दोहोनतना।

2 कुरिंती 6:16

भगवानराः ओड़ाः अरू मुरतीकून तोनोंग इया मेसानता जा? भगवान कताकेरा, “ईंग हँकूराः इंदरीरेयिंग बसाःता, अरू हँकू एचेरेयिंग सेन दूरता, ईंग हँकूरीग भगवानिंग होयाःता, अरू हँकू ईंगरिकुःआ होड़कूकू दोहोनता।” हनन इया अबू जीयत भगवानराः ओड़ाः हवे।

2 कुरिंती 6:18

अरू, “ईंग अपेरीग अपांगिंग होयाःता, अरू अपे ईंगरिकुःआ बेटा बिटीकूपे होयाःता।” नाःआ अगम जंगरदार परबू भगवानराः सरवन हवे।

इबरानी 8:10

परबू कतायतना, हना दिनराः तयोमते इसराएलरिकुःआ होड़कू सुदा नाःआ इयायिंग कता-जमकावगेता। ईंग ईंगराः नियम हँकूराः जीवरेयिंग दोहोगोडता, अरू हँकू इंदरीरेयिंग ओजाःगोडता। ईंग हँकूरीग भगवानिंग दोहोनता अरू हँकू ईंगरिकुःआ होड़कूकू दोहोनता।

1 पतरस 3:9

अपे बेलूर बदलारे बेलूर अपे अहापे कुदागे, अरू तूडपेताकू हना बदलारे अलोपे तुडकू, मनदो हँकुःआ होड़कूराः जीव-जहन भगवान नपायगे लगापे अरजीगोड ञवन। ननन इयाःआ बुताकून एचेय लगा भगवान अपेय राःकेडपेःआ, जेमहा अपेराः जीव-जहन हों भगवान नपायगे।

उदुःतो कताकून 2:11

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़ लगा, बार तुरहा गुजुःते हाँयराः तोनोंगाः हनी ओरो होयानेना।”

उदुःतो कताकून 2:17

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़ लगा, ओकोत इदा हना मनाह ञावाः रुटी अते अदोमिंग एमेवायता। अरू हाँय लगा मीटोंग उजड़ दिरि होयिंग एमेवायता अरू हना दिरिरे मीटोंग ञाव ओजाःतो दोहोनता। अरू हना दिरि पवाः होड़ एकला हना ञावे सुदी अवेता।”

उदुःतो कताकून 2:25

ईंग अरीनिंग कुदा वेग वरी, अपे एचेरे इदा, हना अपे मनावगोड ञवनपे।

उदुःतो कताकून 2:7

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़, भगवानराः बगइचारे इदा हना जीवराः सींग अते जोःओ जोम लगा हातपातिंग एमेवायता।”

उदुःतो कताकून 21:3

अरू ईंग गदी अते तोनोंगीगराः मुरुक सटी खिररीयिंग अयूमतेरा, “भगवान नुँहू मनुवा सुदाय डेरानता, अरू हाँय हँकू सुदाय दोहोनता। हँकू हाँयरिकुःआ होड़कू होयाःता। भनगवान हमा हँकू सुदाय दोहोनता अरू हाँय हँकूरीग भगवाने दोहोनता।