उदुःतो कताकून 21:4 - Korwa Bible

⁴ हाँय हँकूराः जमा मेड दाःए जोड अमिंगकूता। अरू हना तयोमरे गुजुः अरू फिकीर, अरू इयाम, अरू हसू कहियो ओरो दोहोनेना। नाःआ जमाकून सगर सइट लगा टनाड़ाव एंडा जुवाःता।”

उदुःतो कताकून 21:4 Iomraidhean Croise

मती ओजाःतेरा भगवानराः नपाय सरवन 24:35

ओत अरू सेरमो टगाव जुवाःता, मनदो ईंगराः सरवन कहियो ओरो टगावनेना।”

1 कुरिंती 15:26

गुजुः, होड़कूराः मुदइ होड़ इया इदा अरू टुटीगरे हाँय हनानाःए लाय एंडागोडता।

1 कुरिंती 7:31

अरू चउंदीसराः जिनिसकूनकू एमे होड़ेंगता हँकुःआ होड़कू चनउंदीसराः जिनिसकून लगा टक-टक अलोकू दोहोन। नाःआ चउंदीस नुँहुःआ बेला वरीते अनाड इदीनतना।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

2 कुरिंती 6:17

हनालगा भगवान कतातेरा, “अपे हँकुःआ होड़कूराः तलाते उडुंग जुवाःपे, अरू हँकू अते एटाः जुवाःपे। अरू सुद कोवानेःआ हना तोनोंगाः जिनिस अलोपे टोँवावगे। दो ईंग अपेयिंग समुटावपेता।”

इबरानी 12:27

अरू मी तुरहा माःआने कताकेरा हना ननानाः उदुःता, झिकोड़ जुवाःता हना तुलात जिनिसकून टगाव एंडा जुवाःता, जेमहा मेर झिकोड़ अवेनता हना जिनिसकून दोनोहो जुवाः।

2 पतरस 3:10

अबू मेरबू टकायता हनमेला, इनिग होड़ वेगता हनन इया परबूराः दिन निचकाःता, अरू हना दिन सेरमो मुरुक हड़र-हुड़ूरकियानखन टगाव जुवाःता, अरू बेर, बांगो, इपीलकू अरू सेरमोराः जमालेःआ मिनी जूदा पघलाव एंडा जुवाःता। ओत अरू ओतराः जमा तुलात जिनिसकून हों लो एंडा जुवाःता।

1 एहुना 2:17

चउंदीस अरू चउंदीसराः जमा बेलूर ओंगोलकून टुटीग जुवाःता, मनदो भगवानराः कता इयाय सलाःता हाँयग होड़राः जीव तोनोंग बेला ओनोरो टुटीगनेना।

उदुःतो कताकून 20:13

हनते समुंदररेकू गोएगनेना हँकुःआ होड़कू अरू पतालपूररिकुःआ गोएगतो होड़कू अँनकू एचे फड़ियावगुः लगा गदी मड़ंगरेकू सेनेडा। अरू हँकुःआ जमा होड़कू अँनकूराः बुता इया हँकूय फड़ियावतेरा।

उदुःतो कताकून 20:14

हनते हाँय गुजुः अरू पतालपूर सेंगेलराः हुडिंग समुंदररेय सोलोंगगोतेड। नाःआ सेंगेलराः हुडिंग समुंदर बार नमार गुजुः हवे।

उदुःतो कताकून 21:1

हनते ईंग नँवा सेरमो अरू नँवा ओतिंग ञेलतेरा। जुनाःआ सेरमो अरू ओत टगाव एंडायान अरू समुंदर हों मेर दोहोगान।

उदुःतो कताकून 22:3

हंडा सती-सरापतो तोनोंगाः ओरो दोहोनेना। मनदो भगवानराः अरू भेड़ा होनराः गदी हना सहररे दोहोनता, अरू हाँयरिकुःआ सेवकियाकू हाँयकू सेवाता।

उदुःतो कताकून 7:17

गदीराः तलारे इदानिया हाँयग भेड़ा होन, हँकूरीग सरवाहाय दोहोनता। अरू जीव एमेता हना दाःराः सूती अगीय गोःयाकूता, अरू भगवान हँकूराः जमा मेड दाःए जोड अमिंगगेता।”