उदुःतो कताकून 21:11 - Korwa Bible

¹¹ हना सहर भगवानराः मरसलते विड़चेड़नेना। हन ञेल पुरुःता हना मुरुक किमइतराः एसब दिरि इया विड़चेड़नेना।

उदुःतो कताकून 21:11 Iomraidhean Croise

उदुःतो कताकून 15:8

भगवानराः मान मरजइत अरू जंगर अते भगवानराः ओड़ाः सोकोलते कुहा कटड़ायान। हँकुःआ सातो बराहीलकू हना हइजाकून अरीनकू दूल चबाय वरी, तोनोंगीग भगवानराः ओड़ाःरे मेरकू बोलो अवेगान।

उदुःतो कताकून 22:1

हनते सेरमो देसरीग बराहील मीटोंग नईए उदुःवातेरिंगा। हना नईरे जीव एमेता हना दाः दोहोना। हना दाः मुरुक सफा अरू सिसा इया दोहोना। हना नई भगवानराः अरू भेड़ा होनराः गदी अते तुःआ,

उदुःतो कताकून 22:5

हंडा कहियो ओरो अयूबनेना। परबू भगवान हँकू मरसले एमेवाकूता। हनालगा हँकूके ढिबरी अरू बेर, मरसल एमे लगा ओरो दोहोनेना। अरू हँकुःआ सेवकियाकू सगर सइट लगा राजाकू इयाकू राइजगेता।

उदुःतो कताकून 4:3

हना गदीरे दुड़ुःकिया हाँय, एसब दिरि अरू माड़िकिया दिरि इयाय विड़चेड़नेना। पना दिरि लवकाःता हना इयाःआ मीटोंग टुंडी-बींग हाँयराः गदीराः चइरो गतर ञिलुःआ।

उदुःतो कताकून 4:6

अरू हना गदीराः मड़ंगरे काँचराः समुंदर इया तोनोंगाः दोहोना। हना समुंदर इसपटिक दिरि इया, ञेल पुरुःता हना इया दोहोना। अरू तलारे दोहोना हना गदीराः चइरो गतर चइरगोटोंग जीव-जंतूकू दोहोना। हँकूराः मड़ंग अगी अरू तयोम अगी मेनेड मेड दोहोना।