उदुःतो कताकून 20:2 - Korwa Bible

² हनते हाँय लाल मरंग बींग साबतेडखन हजार बरिस लगाय तोल दोहोतिडिया। हाँयग लाल मरंग बींग, मड़ंगीग बींग हवे। अरू हनाँय हमा कलउ अरू दरहा।

उदुःतो कताकून 20:2 Iomraidhean Croise

मती ओजाःतेरा भगवानराः नपाय सरवन 19:29

अरू अँनकूराः ओड़ाः सहे वपक-बोपोहकूतेन सहे अपात, लइंकूतेन सहे दोहोड़कून ईंग लगाकू अड़ाःगोतेडा, हँकू मी सव गुनाकू पवाःता अरू ओरो टुटीगनेना हना जीवकू पनावाःता।

मती ओजाःतेरा भगवानराः नपाय सरवन 8:29

अरू हँकिन खिररीकियानखन ईसू एचेरेकिन कताया, “ने भाबी भगवानरीग बेटात, आम अले करेगले लगाम चहाःतना? भगवान अले लगाय तोल दोहोकेरा हना बेला अते मड़ंग आम अले हलकइनले लगाम वेगकिया जा?”

मरकूस 4:15

दूररे लोजोरनेना हना बिहान नाःआ इया होड़कू हवे, हँकू सरवनकू अयूमता, मनदो कलउ वेगवाडखन हँकूराः जीव अते हना सरवने गोःयाता।

मरकूस 5:7

दो ईसू हाँयग भूत एचेरेय कताया, ने भूत, आम नाँयग होड़ अतेम उडुंग जुवाः, माःआन।

एहुना 12:31

भगवान नाःआ चउंदीसरिकुःआ होड़कू फड़ियावकू लगा बेला सोदोरयना अरू भगवान नाःआ चउंदीसरीग राजा कलउए उडुंग एंडागोडेयता।

एहुना 16:11

चउंदीसरीग राजा कलउ डंडियावगेय लगायिंग फड़ियाव दोहोकेरा। हनालगा सुद बिरुवा फड़ियाव बदीरे होड़कूय उदुःवाकूता।

रूमी 16:20

अबू सलसते एमेवाबूता हाँयग भगवान, अपेराः काटते ओहेन कलउ एचे रमदावकेडखन हाँयराः जंगरे चबागोडता। अबूरीग परबू ईसू मसी अपेराः जीवे मयावागोड ञवन।

इबरानी 2:14

भगवानरिकुःआ लइंकू, मास अरू बलंगीते बड़ाँवतो मनुवाकू इदानकुःआ। दो ईसू हों मनुवाय बड़ाँवनेना। हाँय मनुवाकू इयाय गोएगनेना, जेमहा होड़कू गोएगकू लगा जंगर इदा हाँयग कलउए लाय एंडा अवे,

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

2 पतरस 2:4

उहियारगेपे, मनाड़ंग जूगरे सेरमो देसरिकुःआ अदोम बराहीलकू कसूरतेरा दो, हँकुःआ बराहीलकू हों डंडियाव अते भगवान मेरेय अड़ाःगाडकू। मनदो हाँय हँकू पतालपूररेय सोलोंगगोतेडकुःआ, अरू फड़ियावराः दिन वरी मुरुक अंदरात डोडहारे सिकिड़ीते तोलकेडकूखने सोलोंगगोतेडकुःआ।

जूदा 1:6

अपे सेरमो देसरिकुःआ बराहीलकू बदीरेपे ओंगले। अदोम बराहीलकू भगवान हँकू लगाय एमेवातेडकुःआ हना हातपातरे मेरकू मंजूरवागाड, अरू सेरमो देसराः अँकूराः डेराकू अड़ाःगोतेड। हँकुःआ बराहीलकू डंडियावकू लगा भगवान फड़ियावराः मरंग दिन वरी अंदरा पेंदारे तोनोंगीग ओरोकू सीड अवेतेरा हना सिकिड़ीतेय तोल दोहोकेडकुःआ।

उदुःतो कताकून 12:13

हाँयग लाल मरंग बींग सुदीगोतेडे, हँकू चउंदेसरेकू तेके लोजोरगोतेडिंगा, माःआन। दो हाँय, हेरेल होने जनमावतिरिया हाँयग अइमीय झुटियावतेरा।

उदुःतो कताकून 12:15

हनते लाल मरंग बींग हाँयग अइमी झुटियावतेडखन अनँयग आहते दाः नई इयाय पुरकावगोतेड, जेमहा हाँयग अइमी हना दाःतेय तूः जुवाः।

उदुःतो कताकून 12:17

हना अते लाल मरंग बींग हाँयग अइमी सुदा मुरुके रीस भीकयान, अरू हाँयग बींग भगवानराः हुकुमकू मनाःता हाँयग अइमीरिकुःआ एटाः लइंकू एचेरे, अरू ईसूराः सताय कताकू मनावगोड ञवनतना, हँकू एचेरे लड़ाइ लगा तोराया।

उदुःतो कताकून 12:3

हना तयोमरे सेरमो देसरे अरू मीटोंग चिनहायिंग ञेलतेरा। मीटोंग लाल मरंग बींग दोहोना। हाँयराः सातगोटोंग बोः अरू दसगोटोंग देरेंग दोहोना। हाँयराः सातगोटोंग बोःरे मेमेडटोंग मेमेडटोंग राजाराः पगरी दोहोना।

उदुःतो कताकून 12:4

सेरमोरिकुःआ इपीलकू पेय बंटारे मी बंटा हाँयग लाल मरंग बींग अनँयगराः चड़रोमते ओतरेय झंटाव लोजोरगोतेडकू। हनते हाँयग लाल मरंग बींग हाँयग अइमीरीग लँइग जनमावगुः मेला ऊडगेय लगा अइमी मड़ंगरेय चड़ाँयान।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

उदुःतो कताकून 13:2

ईंग ञेलतिरिया हाँयग जानरराः धउर हुंडर इया दोहोना, अरू हाँयराः काट हदरा काट इया दोहोना, अरू हाँयराः आह कूल आह इया दोहोना। हनते हाँयग लाल मरंग बींग आँयगराः जंगर अरू गदी अरू मरंग हातपात हाँयग जानरे जिमावातेरा।

उदुःतो कताकून 13:4

हाँयग लाल मरंग बींग हाँयग जानर लगा आँयगराः हातपाते जिमागोतेड अते, जमा होड़कू हाँयकू जागतेरा। हँकू हाँयग जानर हों जाग घड़ीनकू कताया, “नाँयग जानर इया तोनोंगीग इदानिया जा? नाँय सुदा इये लड़ाइ अवेनता?”

उदुःतो कताकून 20:10

हनते हँकुःआ होड़कू अडिगता हाँयग कलउ, सेंगेल अरू हितकाःतो लेटे दिरिराः हुडिंग समुंदररेय तेके बोलोगोडेयता। हंडा हाँयग जानर अरू भगवानराः बड़रा लबराते कतायीग होड़ हों दोहोनता। हँकू सगर सइट दिन रइत पीरारेकू पिड़ियाः पिड़ियाः ञवनता।

उदुःतो कताकून 20:7

दो मी हजार बरिस पुराव जुवाः दो, सींगतो अते कलउ गीगगोडेयता,

उदुःतो कताकून 9:11

पतालपूरीग बराहील हँकूरीग राजाय दोहोना। हाँयराः ञाव इबरानी भासीरे अबादोन अरू उनानी भासीरे अपुलियोन इदा। (बनर लबदराः मतलोब लाय एंडायीग हवे।)