उदुःतो कताकून 17:13 - Korwa Bible

¹³ हँकू जमाकू मी ओंगोलतेकू दोहोनता अरू हँकू अँननकूराः जंगर अरू हातपात हाँयग जानर लगाकू जिमायता।

उदुःतो कताकून 17:13 Iomraidhean Croise

मूक चेलाकू 4:28

आमराः जंगर अरू कनहून इया होनोयाः लगा मड़ंग अतेम ओंगोल दोहोतेरा हिनिनमिन हँकू एचे अवेतेरा।

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

पिलिपी 2:2

दो अपे मिनी जीवते अलार-दुलार होड़ेंग घड़ीन, मिनी ओंगोल अरू चाहाःतेपे दोहोन, जेमहा ईंगराः जीव बनाहालते पेरेग जुवाः।

उदुःतो कताकून 17:14

हँकू भेड़ा होन सुदाकू लड़ाइता। मनदो हाँयग भेड़ा होन राजाकूरीग राजा अरू परबूकूरीग परबू हवे। हनालगा हाँय हँकूय हरुवावगोडकूता। हाँय सुदा इदानकुःआ हँकुःआ होड़कू हों हाँय सुदाकू जीताव जुवाःता। हँकू राःतो, अरू सुनावतो, अरू बिसवासगे इयाकुःआ हवे।”

उदुःतो कताकून 17:17

हँकुःआ राजाकू मिनी ओंगोलते दोहोन लगा अरू अँनकूराः हातपात जानर एचेरेकू जिमाय लगा भनगवान हमा हँकू जीवरे हना ओंगोले सोलोंगगोतेड। अरू भगवानराः जमा कतत बड़रा अरीन होयाः वरी नाःआ इयाकू एचेगोड ञवनता।