उदुःतो कताकून 15:1 - Korwa Bible

¹ हनते सेरमो देसरे मीटोंग मरंग अरू बयाव जुवाः इया चिनहायिंग ञेलतेरा। हंडा सातगोटोंग बराहीलकू दोहोना अरू हँकू एचेरे सातगोटोंग हइजा दोहोना। नाःआ टुटीग हइजाते भगवानराः रीस चबायान।

उदुःतो कताकून 15:1 Iomraidhean Croise

उदुःतो कताकून 10:3

हनते हाँय कूल नरराःता इया मुरुक सटी खिररीनेना। हाँय खिररीनेना, हनमेला बदरी सात तुरहा होड़कूराः बड़रा इया हदूड़नेना।

उदुःतो कताकून 11:14

बार नमारराः बिपइत पारयना। रहा, अरू मीटोंग बिपइत दरवाःआ।

उदुःतो कताकून 14:10

भगवान हँकू सुदा मुरुके रीस रंजाव जुवाःता। अरू हाँय सेरमो देसरिकुःआ सुद बराहीलकू अरू भेड़ा होन मड़ंगरे हितकाःतो लेटे दिरि गुंडा अरू सेंगेलते हँकुःआ होड़कू मुरुक पीरारेय एचे परावकूता।

उदुःतो कताकून 14:19

हनते हाँयग बराहील चउंदीसरे हना लसेर दतरोमे लेबदागोतेड अरू जमा अंगूरे बटुड़ावतेरा। हनते हना अंगूर, लेनगेताकू हना मीटोंग डोडहारेय सोलोंगगोतेड। हना डोडहा भगवानराः रीस उदुःता।

उदुःतो कताकून 16:1

हनते ईंग भगवानराः ओड़ाः अते सातगोटोंग सेरमो देसरिकुःआ बराहीलकू एचेरे तोनोंगीग कतातिंग अयूमतेरा, “दूपे, अरू भगवानराः रीसराः सातगोटोंग डुभाकून ओतरेपे दूलगोड।”

उदुःतो कताकून 17:1

डुभाकू साबतेरा हँकुःआ सातगोटोंग सेरमो देसरिकुःआ बराहीलकू अते मी होड़ बराहील ईंग एचेरे वेजेडखने कताया, “दूमे, मुरुक ततेरराः दाःरेय दुड़ुःकिया हाँयग मरंग सनही अइमी, करा इया भगवान फड़ियावगेयता, हना आमिंग उदुःवाता।

उदुःतो कताकून 19:15

राइज राइजरिकुःआ होड़कू ञेड लगा हाँयराः आहते मीटोंग लसेर तलवइर उडुंगगुःतना। हाँय लोहाराः बोंग साबकेडखन हँकू एचेरेय राइजगेता। हाँय अंगूरराः रस उडुंग लगा डोडहारे अनँयग आँयग धड़ियावगेता। हना डोडहा अगम जंगरदार भगवानराः रंजावतो रीस उदुःता।

उदुःतो कताकून 21:9

हनते सातगोटोंग हइजा पेरेगतो सातगोटोंग डुबहाकून साबतो सेरमो देसरिकुःआ बराहीलकू अते मीटोंग बराहीलिंग ञेलतेरा। हाँय ईंग एचेरे वेजेडखने कतातेरा, “दोमे, ईंग भेड़ा होनरीग कनियायिंग उदुःवामता। हाँय हनाँयगरीग एराते होयाःता।”

उदुःतो कताकून 8:13

हनते मीटोंग कुड़ीड सेरमोरे उडाःतोयिंग ञेलतिरिया अरू हाँयराः मुरुक सटी अरोयिंग अयूमतेरा, “पेयगोटोंग सेरमो देसरिकुःआ बराहीलकू मरंग सोहनाई ओंग लगा सपड़ावतो इदानकुःआ। हनालगा चउंदीसरिकुःआ होड़कू लगा सिकिसता, सिकिसता, मुरुक सिकिसता होयाःता।”

उदुःतो कताकून 8:2

हनते ईंग सातगोटोंग बराहीलकू भगवानराः मड़ंगरे चड़ाँतिंग ञेलतेडकुःआ। हँकू मेमेडटोंग मेमेडटोंग मरंग सोहनाईकू पवावनेना।

उदुःतो कताकून 8:6

हनते सातगोटोंग सेरमो देसरिकुःआ बराहीलकू सातगोटोंग मरंग सोहनाई ओओंग लगाकू सपड़ावयान।

उदुःतो कताकून 9:20

हनते हों नाःआ हइजाते बनसावतो होड़कू अँननकू अँकूराः बेलूर बुताकून अड़ाःकेडखन जीव मेरकू कुदागाड, अरू भूतकूकू सेवाःआ। हँकू सोना अरू चाँदी अरू पितड़ अरू दिरि अरू कठवाराः मुरतीकूनराः सेवा मेरकू अड़ाःगाड। नाःआ मुरतीकून कहिसाः मेर ञेल अवेयता, मेर अयूम अवेयता अरू मेर सेने अवेनता।