उदुःतो कताकून 13:6 - Korwa Bible

⁶ हाँय भगवान बदीरे ओपता बड़रा कता लगाय बुँहड़ीतेरा। हाँय भगवान बदीरे अरू हाँयराः ओड़ाः बदीरे अरू सेरमो देसरिकुःआ जमाकू बदीरेय ओपता घड़ीने कताया।

उदुःतो कताकून 13:6 Iomraidhean Croise

मती ओजाःतेरा भगवानराः नपाय सरवन 12:34

ने महुरा बींग उड़ी होड़कू, अपे बेलूर इदानपेःआ दो, करा उड़ी अपे नपाय नपाय बड़रापे कता अवेयता? अबूराः आहते उडुंगगुःता हना बड़राराः सोर अबूराः जीव हवे।

मती ओजाःतेरा भगवानराः नपाय सरवन 15:19

मी होड़ होड़राः इनिंदरीते बेलूर ओंगोल, ञेड गोजेय, सनहा-सनही, जपाल होड़ेंग, इनिग, लबरा हिदइत अरू ओपता बड़रा इयाःआ बेलूर कताकून उडुंगगुःता।

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

रूमी 3:13

“गलेग अमिंगतो मड़गटराः सोःओ सिड़ीग इया हँकूराः बड़रा इदा, अरू हँकूराः आह लबराते पेरेगतो इदा। महुरा बींग बीके हतायता हनन इया हँकूराः बड़रा दोहोनता,

कुलूसी 1:19

भगवान जमालेःआते हाँय एचेरे डेरान लगा बहालतेय ओंगोल दोहोतेरा।

कुलूसी 2:9

ईसू मसी चउंदीसरेय दोहोन मेला, भगवानराः लूर जमालेःआ हाँय एचेरे दोहोना।

इबरानी 9:2

दो मीटोंग टपइर ओड़ाः दोहोना। हना ओड़ाःराः मड़ंग छिना सुद ततेर दोहोना। अरू हंडा मीटोंग ढिबरी अरू मीटोंग टिबूल अरू सुदतो रुटी दोहोना।

इबरानी 9:24

मसी, होड़कू तुलातेरा हना सुद टपइर ओड़ाःरे मेरेय बोलोगान। नाःआ सुद टपइर ओड़ाः दो सेरमो देसराः सताय सुद टपइर ओड़ाःराः उंबूल हवे। मनदो मसी सेनेरमो राइजरेय बोलोकिया, जेमहा नुँहू हाँय अबू लगा भगवान मड़ंगरे बिच-बिचवाईए बड़ाँव जुवाः।

उदुःतो कताकून 11:12

हनते हँकिन सेरमो अते मीटोंग मुरुक सटी अरोकिन अयूमतेरा, “दबूबा, सेरमो अगीबा रकब वेग।” अरू हँकिनरिकुःआ मुदइ होड़कू ञेने ञेल मेला बदरीरे सेरमो होरकिन देग जुवाःता।

उदुःतो कताकून 12:12

हनालगा सेरमो देसरे इदानपेःआ, अपे जमाकू बनाहाल जुवाःपे। मनदो ने चउंदीसरिकुःआ अरू समुंदररिकुःआ जिया-जउतकून, दरहा अपे एचेरेय उतरावकिया। हाँय एचेरे गुनिनमिन बेला इदा माःआन सुदीकेडखन, हाँय रीस रंजावतो इदानिया। हनालगा अपे दोपे ठीकयना।”

उदुःतो कताकून 15:5

हनते ईंग भगवानराः ओड़ाः, मतलोब भगवान सुदा जुमाःराः टपइर ओड़ाःराः दुवार, सेरमो देसरे गीगतोयिंग ञेलतेरा।

उदुःतो कताकून 18:20

ने सेरमो देसरिकुःआ, अरू भगवानरिकुःआ सुद होड़कू, ईसूरिकुःआ मूक चेलाकू अरू भगवानराः बड़रा कता होड़कू, हाँय अपे सुदाय एचेतेरा, हनन इया भगवान हँकूय एमे बदलावारा। हनालगा अपे बनाहालतेपे दोहोन।”

उदुःतो कताकून 21:3

अरू ईंग गदी अते तोनोंगीगराः मुरुक सटी खिररीयिंग अयूमतेरा, “भगवान नुँहू मनुवा सुदाय डेरानता, अरू हाँय हँकू सुदाय दोहोनता। हँकू हाँयरिकुःआ होड़कू होयाःता। भनगवान हमा हँकू सुदाय दोहोनता अरू हाँय हँकूरीग भगवाने दोहोनता।

उदुःतो कताकून 4:1

हना तयोमरे ईंग ञेलतेरा दो सेरमो देसराः मीटोंग दुवार गीगतो दोहोना। अरू मरंग सोहनाईराः अरो इया अरो मड़ंगरेयिंग अयूमतेरा, हनाराः अरो अरूयिंग अयूमकेरा। हाँय कतातेरा, “दबूमे सेरमो, अरू नाःआते तयोमते होनोयाः लगा इदा, हना कताकून जमायिंग उदुःवामता।”

उदुःतो कताकून 4:4

हाँयराः गदीराः चइरो गतर चूबीसगोटोंग गदीकून दोहोना। अरू हना गदीकूनरे मी कुड़ी चइरगोटोंग मूक होड़कू उजड़ सोनहे अरू सोनाराः पगरी तुसिंगकेडखन दुड़ुःतोकू दोहोना।

उदुःतो कताकून 5:13

हनते ईंग सेरमो देसरिकुःआ, अरू ओतरिकुःआ, अरू पतालपूररिकुःआ, अरू समुंदररिकुःआ जमाकू नाःआ इया कतातिंग अयूमतेडकुःआ, “ने भगवान आम गदीरेम दुड़ुःकिया दो आम लगा अरू भेड़ा होन लगा, होड़कू सगर सइट वरी मान मरजइत, जाग, अरू धनियाबादकू एमे अरू अबाराः राइज सगर सइट दोहोन।”

उदुःतो कताकून 7:15

हनालगा, “नँकू भगवानराः गदी मड़ंगरे इदानकुःआ, अरू हाँयराः ओड़ाःरे दिन रइत हाँयकू सेवाता, अरू गदीरे दुड़ुःतो इदानिया हाँय, हँकूय संभाड़ता

उदुःतो कताकून 7:9

हनते ईंग मुरुक बगरा होड़कूयिंग ञेलतेरा। हँकू तोनोंगीग ओरोय गँड़ाव अवेकेकुःआ। हँकू जमा जइतरिकुःआ, अरू जमा गोतोररिकुःआ, अरू जमा राइजरिकुःआ, अरू जमा भासीरिकुःआ होड़कू दोहोना। हँकू उजड़ सोनहेकू तुसिंगतेरा अरू किताराः डइड़ साबतेडखन गदी अरू भेड़ा होन मड़ंगरेकू चड़ाँकुःआ।