उदुःतो कताकून 13:3 - Korwa Bible

³ हाँयग जानरराः मीटोंग बोःरे गोएग जुवाः इयाःआ मीटोंग घाव दोहोना। मनदो हना गोएग जुवाः इयाःआ घाव ओरेगयान। अरू चउंदीसरिकुःआ जमा होड़कू हाँयग जानर तयोम तयोम बयावगुः घड़ीनकू सेना।

उदुःतो कताकून 13:3 Iomraidhean Croise

लूका 2:1

हनानाः दिनरे अगसतस ञावीग रूमी देसरीग कइसर राजा नाःआ हुकुमे एमेतेरा, जमा रूमी देसरिकुःआ होड़कू मलगुजारी एमे लगा अँनकूराः ञाव एचे जोड़ाव इदा, माःआन।

एहुना 12:19

दो फरीसी होड़कू अँननकू अँकू कता होड़ेंगा, “ञेलकूपे, मुरुक होड़कू हाँय देह दूरकू ओतोंगतना अरू अबू कहिसाः मेरबू एचे अवेता।”

मूक चेलाकू 8:13

सिनिमोन हों बिसवासतेडखन बतिसमाय गोःतेरा। हनते हाँय पिलिपे ओतोंग सेनेडा अरू ञेनेल ञेलरे होड़कू नपाय जुवाःआ अरू बयाव जुवाः इयाःआ बुताकून ञेलतेडखने बयावयान।

उदुःतो कताकून 13:12

गुजुः इया घाव दोहोना अरू हना घाव ओरेगयान, हनाँय मड़ंगीग जानरराः हातपातते जमा बरानाः बुताय बुताःआ। नाँयग नँवा जानर, चउंदीसरिकुःआ जमा होड़कू, रेनहाकेडखन हाँयग मड़ंगीग जानरे एचे जागकुःआ।

उदुःतो कताकून 13:14

हाँयग जानरके मड़ंगीग जानर अते जंगरे पवावनेना। हनालगा हाँय बयाव जुवाः इयाःआ बुता एचे घड़ीन चउंदीसरिकुःआ होड़कूय बहकावा। हाँय हँकुःआ होड़कू एचेरेय कताया, “हाँयग जानर तलवइरतेकू ञेडतिरिया, मनदो मेरेय गोएगगान। दो हाँयराः मुरतीपे तुला।”

उदुःतो कताकून 17:10

हना सातगोटोंग बोः सातगोटोंग राजाकू हवे। पाँचगोटोंग राजाकू गोएगयना, अरू मी होड़ नुँहू इदानिया, अरू मी होड़ अरीने वेगा। मनदो हाँय वेग दो, हाँय हुडिंग बेला वरीय राइजगेता।

उदुःतो कताकून 17:11

मड़ंगे दोहोना हाँयग जानर, अरू नुँहू गोएगतो इदानिया, हाँय जियाव रेमकियानखन आठ नमारीग राजाय बड़ाँःता। हनते हों हाँय सातगोटोंग राजाकू अते मी होड़े दोहोना अरू हाँय लाय एंडन लगा इदानिया।

उदुःतो कताकून 17:13

हँकू जमाकू मी ओंगोलतेकू दोहोनता अरू हँकू अँननकूराः जंगर अरू हातपात हाँयग जानर लगाकू जिमायता।

उदुःतो कताकून 17:17

हँकुःआ राजाकू मिनी ओंगोलते दोहोन लगा अरू अँनकूराः हातपात जानर एचेरेकू जिमाय लगा भनगवान हमा हँकू जीवरे हना ओंगोले सोलोंगगोतेड। अरू भगवानराः जमा कतत बड़रा अरीन होयाः वरी नाःआ इयाकू एचेगोड ञवनता।

उदुःतो कताकून 17:6

हाँयग अइमी, ईसूराः सताय कताकू कताया, हँकुःआ भगवानरिकुःआ सुद होड़कूय ञेड एंडातेरा अरू हँकूराः बलंगी ञूतेडखन बुनूलतोयिंग ञेलतिरिया। ईंग हाँयिंग ञेलतेड दो मुरुकिंग बयावयान।

उदुःतो कताकून 17:8

आम ञेलतिरिया हाँयग जानर, मड़ंगे दोहोना, अरू नुँहू गोएगतो इदानिया, अरू अनँयग एचे लाय एंडन लगा, पतालपूर अतेय उडुंग वेगता। चउंदीसराः बुँहड़ी अते, जीवराः कागदरे ञाव ओजाःतो कोवानेःआ, हँकुःआ होड़कू हाँयग जानर ञेलकेडखनकू बयाव जुवाःता। हाँयग जानर मड़ंगे दोहोना, अरू नुँहू गोएगतो इदानिया, अरू कुदा तयोमगुःताय। हनालगा हँकू हाँय ञेलकेडखनकू बयाव जुवाःता।