उदुःतो कताकून 13:13 - Korwa Bible

¹³ हाँय मुरुक मरंग मरंग बयाव जुवाः इयाःआ चिनहाय उदुःवाकुःआ अरू होड़कू ञेने ञेल मेला हाँय सेरमो अते ओतरे सेंगेले एचे उयुःआ।

उदुःतो कताकून 13:13 Iomraidhean Croise

मती ओजाःतेरा भगवानराः नपाय सरवन 16:1

मी दिन फरीसी होड़कू अरू सदूकी होड़कू ईसू अंदजाव लगा हाँय एचेरे सेनेडखनकू कतातेड, “ने गुरुजी, आम सेरमो देसराः मीटोंग चिनहाम उदुःवाले।”

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मरकूस 13:22

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

2 तिमुतियूस 3:8

एनेस अरू अंबरेस, मोसेसकिन घंटावतेरा हनन इया ओंगोल बेलूरयना अरू भगवान मेडरे बिसवास सदायना हँकुःआ लबरा चेडदार होड़कू हों सताय चेडकू घंटावता।

उदुःतो कताकून 11:5

तोनोंगीग हँकिन हनीकिन लगाकू चहाःता, दो हँकिनराः आहते सेंगेल उडुंगगुःता अरू अँकिनरिकुःआ मुदइकू लाय एंडागोडकूता। ननन इया तोनोंगीग हँकिन हनी लगाकू चहाःता, हँकुःआ होड़कू लाय एंडा जुवाःता।

उदुःतो कताकून 16:14

नँकुःआ पेनेय भूतकू एचेरे बयाव जुवाः इयाःआ चिनहाकून उदुः लगा जंगर दोहोना। हँकू चउंदीसरिकुःआ जमा राजाकू एचेरे सेनेकियानखन अगम जंगरदार भगवानराः मरंग दिनरे हाँय सुदा लड़ाइ लगाकू एचे जुमावकुःआ।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 20:9

हँकू चउंदीसराः कोना कोना गुतू गुतूकू सेनता। अरू भगवानरिकुःआ सुद होड़कूराः डेरा अरू भगवान पसिंदवाता हना सहर हँकू बेड़ाव रेडता। मनदो भगवान सेरमो अते सेंगेले एचे लोजोरता अरू हँकू लाय एंडाता।