उदुःतो कताकून 12:12 - Korwa Bible

¹² हनालगा सेरमो देसरे इदानपेःआ, अपे जमाकू बनाहाल जुवाःपे। मनदो ने चउंदीसरिकुःआ अरू समुंदररिकुःआ जिया-जउतकून, दरहा अपे एचेरेय उतरावकिया। हाँय एचेरे गुनिनमिन बेला इदा माःआन सुदीकेडखन, हाँय रीस रंजावतो इदानिया। हनालगा अपे दोपे ठीकयना।”

उदुःतो कताकून 12:12 Iomraidhean Croise

लूका 15:10

दो ईसू कताया, “अपे ईंगपे अयूम, नान इया भगवान अगी कसूर अते जीवे कुदाता हाँयग होड़ बदीरे सेरमो देसरिकुःआ बराहीलकू बहालगुःता।

लूका 2:14

“सेरमो देसरे इदानिया हाँयग भाबी भगवानले जागतना। भगवान ननायकूता हँकुःआ होड़कू लगा हाँय सलसते एमेता।”

इबरानी 10:37

भगवानराः कागदरे ओजाःतो इदा, “गुनहोन तयोमरे वेग लगा इदानिया हाँय वेगता, अरू हाँय ओरोय कुबेरतेरा।

2 पतरस 3:8

दो ईंगरिकुःआ अजी बोपोहकूतिंग, नाःआ सनाताय कता बदीरे अपे अनसिनहार अलोपे दोहोन। परबू लगा हजार बरिस मी दिन इया इदा अरू मी दिन हजार बरिस इया इदा।

उदुःतो कताकून 10:6

सगर सइट लगा जीयत इदानिया हाँयग भगवान, सेरमो, अरू ओत अरू समुंदर अरू जमा जिया-जउतकूने तुलाकेरा। हाँयग भगवानराः ञावते किरिया कसट जोमकेडखने कतातेरा, “नुँहू अरू ओरो कुबेरनेना।

उदुःतो कताकून 11:10

चउंदीसरिकुःआ जमा होड़कू हँकिन गुजुः अते मुरुककू बहाल जुवाःता अरूकू सून सेरेंगता। नँकिना भगवानराः बड़रा कता होड़किन चउंदीसरिकुःआ होड़कू मुरुककिन सिकिसतातेडकुःआ। हनालगा हँकू नपाय नपाय जिनिसकून बहालतेकू एमे होड़ेंगता।

उदुःतो कताकून 11:14

बार नमारराः बिपइत पारयना। रहा, अरू मीटोंग बिपइत दरवाःआ।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

उदुःतो कताकून 13:6

हाँय भगवान बदीरे ओपता बड़रा कता लगाय बुँहड़ीतेरा। हाँय भगवान बदीरे अरू हाँयराः ओड़ाः बदीरे अरू सेरमो देसरिकुःआ जमाकू बदीरेय ओपता घड़ीने कताया।

उदुःतो कताकून 18:20

ने सेरमो देसरिकुःआ, अरू भगवानरिकुःआ सुद होड़कू, ईसूरिकुःआ मूक चेलाकू अरू भगवानराः बड़रा कता होड़कू, हाँय अपे सुदाय एचेतेरा, हनन इया भगवान हँकूय एमे बदलावारा। हनालगा अपे बनाहालतेपे दोहोन।”

उदुःतो कताकून 8:13

हनते मीटोंग कुड़ीड सेरमोरे उडाःतोयिंग ञेलतिरिया अरू हाँयराः मुरुक सटी अरोयिंग अयूमतेरा, “पेयगोटोंग सेरमो देसरिकुःआ बराहीलकू मरंग सोहनाई ओंग लगा सपड़ावतो इदानकुःआ। हनालगा चउंदीसरिकुःआ होड़कू लगा सिकिसता, सिकिसता, मुरुक सिकिसता होयाःता।”

उदुःतो कताकून 9:12

मड़ंगाः बिपइत पारयना। रहा, अरू बारटोंग बिपइत दरवाःआ।