उदुःतो कताकून 11:2 - Korwa Bible

² मनदो भगवानराः ओड़ाःराः राचमे अड़ाः। हना राच बेगर एहूदाकू लगा जिमात इदा। हँकू भगवानराः सुद सहर, साड़हे पेय बरिस वरीकू चोड पारता।

उदुःतो कताकून 11:2 Iomraidhean Croise

मती ओजाःतेरा भगवानराः नपाय सरवन 27:53

हँकू मड़गटतेकू उडुंगनेना अरू ईसू गोएगतो होड़कू अतेय जियाव रेमनेना हना तयोमरे सुद सहर, एरुसलेमरे मुरुक बगरा होड़कू एचेरेकू एचे ञेलयान।

मती ओजाःतेरा भगवानराः नपाय सरवन 4:5

हना तयोमरे कलउ भगवानराः सुद सहररे ईसूय गोःयाडीग अरू भगवानराः ओड़ाःरे उसूल दोहोना हना सड़ुम मुंधनीरे एचे चड़ाँगोतेडीगखन,

मती ओजाःतेरा भगवानराः नपाय सरवन 5:13

“अपे चउंदीसराः बुलुंग हवे। मनदो बुलुंगराः सेबेल मेर दोहोन दो, चिला जिनिसते हना बुलुंग सेबेलगुःता? दो हना बुलुंग तोनोंगाः बुतारे मेर वेगता। हना होड़कू बहरीकू तेके एंडागोडता अरू चोडकेडखनकू सेने पारता।

लूका 21:24

मुदइकू तलवइरतेकू ञेड एंडनता अरू होड़कू तोलकेडकूखन एटाः एटाः देसरेकू गोःयाकूता। बेगर एहूदाकूराः बेला अरीन पुराः वरी एरुसलेम सहररिकुःआ होड़कू हरुवावकेडखन मुरुककू रमदावकूता।”

इबरानी 10:29

दो अँननपे ओंगले, भगवानरीग बेटाय आड-बेकारवाता अरू मयावाबूता हाँयग सुद बिरुवाय बेग-हतावाता अरू होड़कू सुदगेता हना कता-जमकावतोराः बलंगी सदाःआ इदा माःआने ओंगलेता, हाँयग होड़ भगवान तुमिन बगराय डंडियावगेयता।

उदुःतो कताकून 11:11

मनदो साड़हे पेय दिन तयोमरे भगवान अगीते जीवराः साँस हँकिन एचेरे कुदानता। हनते हँकिन अँननकिन रेम चड़ाँ जुवाःता। अरू हँकिनकू ञेलता हँकुःआ होड़कू मुरुककू बोरो जुवाःता।

उदुःतो कताकून 11:3

अरू ईंगरिकिनाः बार होड़ हिदइतदारकिन हातपातिंग ओवाकिनता। हँकिन बोराराः सोनहे तुसिंगकेडखन 1,260 दिन वरी भगवानराः बड़राकिन कतागोड ञवनता।”

उदुःतो कताकून 12:6

अरू हाँयग अइमी, भगवान हाँय लगाय सपड़ाव दोहोतेरा हना टयंगाब ततेर अगीय ञीरयान। हंडा हाँय 1,260 दिन वरीकू पला दरीगेया।

उदुःतो कताकून 21:10

हनते सुद बिरुवाराः संघराते हाँयग बराहील ईंग मीटोंग मरंग अरू उसूल पहाड़रेय गोःयाडिंग। हंडालिंग चड़ाँनेन मेला सुद सहर एरुसलेम भगवान अगीते सेरमो देस अते उतराःतोयिंग ञेलतेरा।

उदुःतो कताकून 21:2

हनते ईंग सुद सहर, नँवा एरुसलेम भगवान अगीते सेरमो देस अते उतराःतो ईंग ञेलतेरा। हना सहर, अनँयग हेरेल लगा सिंगारकियानखन सुघरे दोहोनता हाँयग कनिया इया दोहोना।

उदुःतो कताकून 22:19

अरू तोनोंगीग नाःआ कागद अते भगवानराः कतत सरवने चलाःगोड दो, नाःआ कागदरे ओजाःतो इदा हना सुद सहर अरू जीवराः सींगराः इताड भगवान ओरोय ओवातिरिया।