उदुःतो कताकून 1:1 - Korwa Bible

¹ ईसू मसी बदीराः उदुःतो कताकून, भगवान ईसू मसी एचेरेय जिमातेरा, जेमहा हाँय अनँयगरिकुःआ सेवकियाकू हलीते होनोयाः लगा इदा हना कताकूने उदुः अवे। ईंग एहुना, ईसू मसीरीग सेवकिया होड़ हवे। अरू हाँय सेरमो देसरीग बराहील वारतेडखन नाःआ कताकून ईंग एचेरेय एचे उदुःवातेरिंगा।

उदुःतो कताकून 1:1 Iomraidhean Croise

एहुना 12:49

ईंग इनिंग ओंगोलते मेरिंग कतागरा, मनदो ईंग चिला कता इदा अरू करा इयायिंग कताय, हना ईंगे वारकेरा हाँयग ईंग अपांग, ईंगे हुकुमवारा।

एहुना 15:15

तोनोंगीग बेगारी होड़ आँयगरीग मालिकराः ओंगोल मेरेय सुदीयता। हनालगा ईंग अपे नुँहू वरीते बेगारी होड़कू माःआन ओरोयिंग कतावातेडपेःआ। ईंग अपांग एचेरेयिंग अयूमकेरा, हना जमा कताकून अपेयिंग कता उदुःवाडपेःआ। हनालगा ईंग अपे ईंगरिकुःआ सउंगताकू माःआनिंग कतावापेता।

एहुना 17:8

आम ईंगमे कता उदुःवातेरा हना सरवन ईंग हँकूयिंग कता उदुःवातेडकुःआ। हना हँकू मनेवाडखन आम ईंगमे वारतेरा हनाकू बिसवासकेरा। ईंग आम अगीतेयिंग वेगकिया, हना कताकू सुनुदीबाःगोतेडा।

एहुना 3:32

हाँय अयूमकेरा अरूय ञेलतेरा हना कता बदीरेय कता उदुःगेतना। मनदो तोनोंगीग हाँयराः कता मनाः लगा मेरकू चहाःता।

एहुना 8:26

अपे बदीरे मुरुक कताय लगा अरू फड़ियावगे लगा इदा। मनदो ईंगे वारकेरा हाँय सताय इदानिया अरू ईंग हाँय अतेयिंग अयूमकेरा हनानाः कताकून चउंदीसरिकुःआ होड़कू एचेरेयिंग कतायतना।”

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

गलातिया 1:12

ईंग जूग पुटूसरीग ततयिंग अते, सहे तोनोंगीग एटाः होड़ अते, नाःआ सरवन मेरिंग चेडगना। मनदो इनीसू मसी हमा, नाःआ नपाय सरवन ईंगे एचे उदुःवारा।

इपीसी 3:3

मड़ंगरे नाःआ कता ओकोत दोहोना अरू नुँहू भगवान ईंग एचेरेय एचे उदुःकेरा, अरू हना बदीरे ईंग मड़ंगरे गुनहोनिंग ओजाःतेरा।

तितूस 1:1

ने तितूस, भगवानरीग सेवकिया अरू ईसू मसीरीग मूक चेला ईंग पउलूस अगीते मसी सलाम। दो भगवानरिकुःआ सुनावतो होड़कूराः बिसवास बड़ियाड़गे लगा ईंगके जिमात इदा, जेमहा भगवानराः ओंगोल इयाःआ सताय बदीरे हँकूराः कनहून बडे जुवाः,

उदुःतो कताकून 1:19

“दो हनालगा, आम ञेलकेरा हना, अरू नाःआ बेलारे होयाःतना हना, अरू होयाः लगा इदा, हनाम ओजाः दोहो।

उदुःतो कताकून 1:9

ईंग एहुना, ईसू मसी एचेरे बिसवासगे अते अपेरीग वगापे हवे। भगवान अबूरीग राजा हवे अरू अपे इया ईंग हों ईसू मसीराः राइज बदीरे संतावतो इदानिंगा अरू कटसियायिंग सहावतना। मड़ंगरे भगवानराः सरवनिंग परसारतेड अते अरू ईसू बदीरे ईंग चेडतेडकू अते हँकू ईंग पतमोस डुगुरेकू उडुंग एंडागोतेडिंग।

उदुःतो कताकून 17:1

डुभाकू साबतेरा हँकुःआ सातगोटोंग सेरमो देसरिकुःआ बराहीलकू अते मी होड़ बराहील ईंग एचेरे वेजेडखने कताया, “दूमे, मुरुक ततेरराः दाःरेय दुड़ुःकिया हाँयग मरंग सनही अइमी, करा इया भगवान फड़ियावगेयता, हना आमिंग उदुःवाता।

उदुःतो कताकून 19:10

हनते ईंग हाँय जाग लगा हाँयराः काट कुटीरेयिंग तबेरनेना। मनदो हाँय ईंग एचेरेय कतातेड, “नाःआ इया अलोम एचेय। आम अरू एटाः बिसवासी होड़कू इया, ईंग हों ईसूरीग सेवकिया हवे। आम इया ईंग हों ईसूराः हिदइतिंग उदुःता। अरू भगवानराः बड़रा कता होड़कू हों ईसूराः हिदइतकू उदुःता। हनालगा भनगवानमे जाग।”

उदुःतो कताकून 19:9

हनते सेरमो देसरीग बराहील ईंग एचेरेय कतातेरा, “ओजाःगेमे। भेड़ा होनराः बियाह भोज जोम लगा टिवाकू पवावनेना हँकुःआ होड़कूराः जीव भगवान नपायगेता।” हनते हाँय अरूय कतातेरा, “नाःआ कताकून भगवानराः सताय कताकून हवे।”

उदुःतो कताकून 21:2

हनते ईंग सुद सहर, नँवा एरुसलेम भगवान अगीते सेरमो देस अते उतराःतो ईंग ञेलतेरा। हना सहर, अनँयग हेरेल लगा सिंगारकियानखन सुघरे दोहोनता हाँयग कनिया इया दोहोना।

उदुःतो कताकून 21:9

हनते सातगोटोंग हइजा पेरेगतो सातगोटोंग डुबहाकून साबतो सेरमो देसरिकुःआ बराहीलकू अते मीटोंग बराहीलिंग ञेलतेरा। हाँय ईंग एचेरे वेजेडखने कतातेरा, “दोमे, ईंग भेड़ा होनरीग कनियायिंग उदुःवामता। हाँय हनाँयगरीग एराते होयाःता।”

उदुःतो कताकून 22:1

हनते सेरमो देसरीग बराहील मीटोंग नईए उदुःवातेरिंगा। हना नईरे जीव एमेता हना दाः दोहोना। हना दाः मुरुक सफा अरू सिसा इया दोहोना। हना नई भगवानराः अरू भेड़ा होनराः गदी अते तुःआ,

उदुःतो कताकून 22:16

ईंग ईसू, आम नाःआ कताकून जमा कलसियारिकुःआ होड़कू एचेरेम कता उदुः लगा, ईंगरीग बराहील आम एचेरेयिंग वारकिरिया। ईंग दाऊद राजारीग डइड़-पखुड़ा अरू नइड़-बाँस होड़ हवे, अरू ईंग टेडेगता हाँयग अंगुः इपील हवे।”

उदुःतो कताकून 22:6

हनते हाँयग बराहील ईंगे कतावातेरा, “नाःआ कता बिसवासगेयीग अरू सनाताय इदा। परबू दरवाःआ हना कताकून अनँयगरिकुःआ सेवकियाकू एचेरेय एचे उदुःवाकू लगा अनँयगरीग बराहीले वारतेरा। ननाँय भगवान अनँयगराः बड़रा कता होड़कू एचेरे मड़ंगरेय कता उदुःतेरा।”

उदुःतो कताकून 22:8

ईंग एहुना, नाःआ जमा कताकूनिंग अयूमकेरा अरूयिंग ञेलकेरा। ईंग नाःआयिंग अयूमतेड अरूयिंग ञेलतेड दो, ईंगे उदुःवातेरा हाँयग सेरमो देसरीग बराहीलराः काट कुटीरे हाँय जागगे लगायिंग तबेरयान।

उदुःतो कताकून 22:9

मनदो हाँय ईंग एचेरेय कतातेरा, “अलो अलो, नाःआ इया अलोम एचेय। ईंग हों आम इया भगवानरीग सेवकिया होड़ इदानिंगा। आमरिकुःआ बिसवासी वपक बोपोहकूताम इया, भगवानराः बड़रा कता होड़कू इया, अरू नाःआ कागदराः कताकूनकू मनाःता हँकुःआ होड़कू इया ईंग हों भगवानरीग सेवकिया होड़ इदानिंगा। हनालगा आम भनगवानमे जाग।”

उदुःतो कताकून 4:1

हना तयोमरे ईंग ञेलतेरा दो सेरमो देसराः मीटोंग दुवार गीगतो दोहोना। अरू मरंग सोहनाईराः अरो इया अरो मड़ंगरेयिंग अयूमतेरा, हनाराः अरो अरूयिंग अयूमकेरा। हाँय कतातेरा, “दबूमे सेरमो, अरू नाःआते तयोमते होनोयाः लगा इदा, हना कताकून जमायिंग उदुःवामता।”

उदुःतो कताकून 5:7

हनते हाँयग भेड़ा होन सेनेडखन गदीरेय दुड़ुःकुःआ हाँयराः खउना तिःई अते हना कागदे गोःयाड।