पिलिपी 4:8 - Korwa Bible

⁸ दो ईंगरिकुःआ अजी बोपोहकूतिंग, ईंग नाःआ चिठी टुटीगगे अते मड़ंग अपे एचेरेयिंग कतायतना, सताय अरू मान मरजइतगे इदा हना कताकून, अरू नपाय अरू सुद इदा हना कताकून, अरू होड़कू ननायगोडकूता अरू भल-भलायवाकूता हना कताकून, हना जमाकूनपे ओंगोलगोड ञवन। अरू नाय नपाय अरू जागगे इयाःआ इदा हनानाः कताकूनपे ओंगोलगोड ञवन।

पिलिपी 4:8 Iomraidhean Croise

मती ओजाःतेरा भगवानराः नपाय सरवन 22:16

हँकू अँनकूरिकुःआ चेलाकू हरदोस राजारिकुःआ होड़कू सुदा ईसू एचेरे नाःआ इया ककता लगाकू वारगोतेडकू, “ने गुरुजी, अले सुसुदीतना आम सताय इदानमेःआ अरू सताय इया भगवानराः दूर बदीरेम चेडकूता। आम होड़कू जहंडाव होड़ ना लवे। हनालगा आम तोनोंगीग होड़ आम ननायगे लगा मेरेम एचेयतना।

मरकूस 6:20

हरदोस सुसुदीआय, एहुना बेगर गारबार अरू सुद होड़ हवे, माःआन। हनालगा हरदोस एहुनाय बोरोवाःआ अरू हाँय एहुना मेरेय ञेड ओवागडीग। तोनोंग बेला एहुनाराः कता अयूमवाडखन हरदोस ओंगोल बयाव जुवाःआ। मनदो हाँय एहुनाराः परसार बहालतेय अयुमेःआ।

लूका 16:15

दो ईसू हँकू एचेरेय कताया, “अपे एटाः होड़कू मड़ंगरे नपाय होड़कू इयापे एचे अडिगतना। मनदो भगवान अपेराः जीव जमाय सुदीतना। होड़कू मरंगकू ओंगलेता हना जिनिस भगवान मरंग मेरेय ओंगलेता।

लूका 2:25

दो हंडा एरुसलेम सहररे सिमोन ञावीग होड़ दोहोना। हाँय बेगर गारबार होड़े दोहोना अरू भगवानराः नियम इयाय जियाःआ। भगवानराः सुद बिरुवा हाँय जीवरे दोहोना। इसराएल होड़कूय सडावता हाँयग होड़ लगा सिमोन ततंगीःआ।

लूका 23:50

उसूप ञावीग मी होड़ होड़ दोहोना। हाँय मरंग पंचाइतरीग होड़ अरू नपाय धरमिया होड़े दोहोना।

एहुना 7:18

अनँयग ओंगोलतेय कतायता हाँयग होड़ अनँयग मान मरजइतगुः लगाय चहाःता। मनदो तोनोंगीग हाँये वारकेरा हनाँय मान मरजइतगे लगाय चहाःता दो, हाँय सताय होड़ हवे अरू हाँय एचेरे तोनोंगाः गारबार मेर दोहोनता।

मूक चेलाकू 10:22

दो हँकू कताया, “कुरनेलियूस ञावीग रूमी देसराः सइना होड़कूरीग हातपात होड़ अले आम एचेरेय वारकेडलेःआ। हाँय भगवाने बोरोवाता अरू हाँयराः कताय मनाःता। एहूदाकू हाँय नपायतेकू मान मरजइतगेयता। आँयग ओड़ाःरे आम राःमे लगा अरू आम कतायता हना जमा कताकून मनावगे लगा हाँय एचेरे भगवानरीग सुद बराहील कतातेरा।”

मूक चेलाकू 22:12

हनानियाह ञावीग मी होड़ हंडाय दोहोना। हाँय भगवानराः नियमकून नपायतेय मनाःआ अरू हना सहररिकुःआ जमा एहूदाकू हाँयकू मान मरजइतगेया।

मूक चेलाकू 6:3

हनालगा अजी बोपोहकूताले, अपे अते नपाय लूर-नेवनकुःआ कनहूनदारकू अरू सुद बिरुवाते पेरेगतो सातगोटोंग होड़कूपे ञाम। हँकुःआ होड़कू जोजोम जिनिस हटिंग बुता बुता लगाले एटाःकूता।

रूमी 13:13

अपे कसूर लूर-नेवन इया कोसोड़ा-दारू झड़ीकेडखन हउड़ी होड़कू अलोपे होयाः, सनहा-सनही अरू बेलूर बुताकून अहापे एचेय, कड़ीग अरू इरा होड़कू इया अहापे जियाः। मनदो अपेराः जीव भगवान मरसलगोतेडकुःआ हँकुःआ होड़कू इया नपाय लूर-नेवनतेपे जियाव ञवन।

रूमी 13:3

नपाय बुताय बुताता हाँयग होड़, हातपात होड़कू सुदा बोर मेर दोहोनता। मनदो बेलूरे एचेयता हाँयके हँकू सुदा बोर दोहोनता। अपे हातपात होड़कू सुदा बेगर बोरते दोहोन लगापे चहाःतना दो, अपे नपाय बुताकूनपे एचेगोड ञवन अरू हनाते हँकू अपेकू मान मरजइतता।

रूमी 14:18

नाःआ इया ईसू मसीय सेवाता हाँयग होड़ भगवानराः ओंगोलरे अरू होड़कूराः ओंगोलरे हों नपाये दोहोनता।

रूमी 2:29

मनदो भगवानराः ओंगोल इया नपाय जीव इदा, हनाँयग होड़ सतायते एहूदा होड़े दोहोनता। ओजाःतो सरवन इया जीव-धार गेड अते सताय खतना मेर होयाःता, मनदो जीव अते बेलूर कताकून भगवानराः सुद बिरुवा चलाः एंडागोडता दो, हनानाः हवे सताय खतना। नाःआ इयायीग होड़ होड़कू अगीते कोवान, मनदो भगवान अगीते मान मरजइते पवाःता।

1 कुरिंती 4:5

दो परबू अरीने कुदा वेग वरी, अपे तोनोंगीग अलोपे फड़ियावगेय। हनाँय अंदरारे ओकोत इदा हना कताकून मरसलरेय एचे उदुःगोडता अरू होड़कूराः ओंगोलकूने एचे उदुःगोडता। हना तयोमते भगवान मेमेड होड़ अँननकूराः बुता इयाय भल-भलायकूता।

2 कुरिंती 13:7

अपे अलोपे गारबारगे लगा भगवान एचेरेले अरजीता। अले बेगर गारबारते इदानलेःआ माःआन उदुःगे लगा कोवान, मनदो अले सदाःआले होयाकुःआ हों, अपे नपायपे एचेगोड ञवन लगाले अरजीता।

2 कुरिंती 6:8

तोनोंग बेला होड़कू अलेकू मान मरजइतलेःआ अरू तोनोंग बेलाकू बेग-हतावालेःआ, तोनोंग बेला अलेकू बदीलेःआ अरू तोनोंग बेला अलेकू भल भलवालेःआ। अले जमा बेला सतायले कताया हों अडिग होड़कू माःआनकू ओंगोललेःआ।

2 कुरिंती 8:18

अरू हाँय सुदा अले मी होड़ बिसवासी होड़ले वारकेरा। जमा कलसियारिकुःआ होड़कू नपाय सरवन परसार बदीरे हाँयकू भल-भलायवाता।

2 कुरिंती 8:21

अरू अले परबू ननायगुः लगा एकला कोवानेःआ, मनदो होड़कूराः ओंगोलरे हों नपाय एचे लगा दोंगले जोह ञवनता।

गलातिया 5:22

मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,

इपीसी 4:25

अबू मिनी देहराः एटाः एटाः दगलीकून इदानबुःआ। हनालगा अबू लबरा बड़रा अड़ाःकेडखन अँननबू अबू सताय बड़राकून कता होड़ेंग लगा इदा।

इपीसी 5:9

दो मरसल पवावतो होड़कूराः जीवरे जमालेःआते नपाय अरू सताय जोःओकून जोःता।

इपीसी 6:14

दो अपे सवासितीपे दोहोन। भगवानराः सताय कताकून पेटार इया मयांगरेपे तोलगे अरू कुड़ोम बनसावगे लगा झिलमकू तुसिंगगेता हनन इया, बेगर गारबार जीवराः झिलमपे तुसिंगगे।

पिलिपी 3:1

ने अजी बोपोहकूतिंग, ईंग अपे एचेरे अरूयिंग कतायतना। अपे ईसू मसी सुदा मिनीयान अते बहालतेपे दोहोन। ईंग मड़ंगिंग ओजाःतेरा हनानाः कता अपे लगा घड़ी घड़ी ओजाःगे लगा ईंग मेरिंग लंगानता। अरू ननानाः अते अपे लबरा चेडदार होड़कू अते बनसावतोपे दोहोनता।

कुलूसी 4:5

बेगर बिसवासी होड़कू सुदा नपाय ओंगोल बुझाः घड़ीन अपेराः लूर-नेवन होयाः लगा इदा। अरू जमा बेला हँकू लगा नपाय बुता एचेय लगा सपड़ावतोपे दोहोन।

1 तिसलूनिका 4:12

जेमहा एटाः होड़कू अपेराः बुता जोम बदीरे अपेकू मान मरजइत। अरू तोनोंग इयाःआ हुडिंग बगरा अपे लगा ओरो होयानेना।

1 तिमुतियूस 2:2

आम, राजाकू अरू सरकाररिकुःआ हातपात होड़कू लगा अरजीगे लगा इदा, जेमहा अबू सलसतरे अरू बेगर बोरते भगवान जाग घड़ीन सुद जीवबू जियाव अवेन।

1 तिमुतियूस 3:11

कलसियारिकुःआ सेवकियायीनकू हों ननन इया मान मरजइतगेयीगकू, जमालेःआ भरसागेयीगकू अरू ओंगोल समझाः अइमीकू दोहोन इदा। हँकू बझउड़ी अइमीकू अलोकू दोहोन।

1 तिमुतियूस 3:4

हाँय अनँयग ओड़ाःरिकुःआ होड़कू नपायते पला दरीकू लगा इदा। आँयग लइंकूतेन हों हाँयकू मान मरजइतकेडखन हाँयराः कता मनाः लगा इदा।

1 तिमुतियूस 4:12

ने तिमुतियूस, डिंघा इदानमेःआते तोनोंगीग आम हुडिंग अलोकू ओंगोल अवेमे। मनदो आम सुद लूर-नेवनते अरू बड़राते, बिसवासरे अरू अलार-दुलारतेम दोहोन अते, बिसवासी होड़कूके मीटोंग चिनहा इयाम दोहोन।

1 तिमुतियूस 5:10

हाँयग रंडियाहीन बदीरे एटाः होड़कू नाःआ हिदइत, उउदुः लगा इदा, हाँय एटाः होड़कू लगा नपाय संघराय एमेःआ, अनँयग लइंकूय पला दरीतेरा, गुतिया होड़कू होंय नेत-नेवारतेरा, भगवानरिकुःआ सुद होड़कूराः काटे बुहालतेरा अरू सिकिसतारेकू दोहोना हँकुःआ होड़कूय संघरावातेरा अरू हाँय एटाः एटाः इयाःआ नपाय बुता एचेगे लगा लगले इदानिया, माःआन।

1 तिमुतियूस 5:2

आम मरंग अइमीकू एंगाम इयाम ओंगोलकू अरू सुद ओंगोलते हुडिंग धंगड़ीकू अनम मेमेसकूताम इयाम ओंगोलकू।

तितूस 1:8

मनदो हाँयग मूक होड़ नेत-नेवारकू लगा इदा अरू नपाय बुता एचेगे लगा मंजूरे दोहोन। हाँय सताय, सुद अरू ओंगोल समझावीग होड़ दोहोन लगा इदा अरू तुड़ेंग-तपेग होड़ अलोय होयाः।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

तितूस 2:2

सपायाड़कू अँननकूराः जीव संभाड़गे लगा अरू नपाय सुरताते बिसवासरे बड़ियाड़ अरू अलार-दुलारते अरू सहाव घड़ीनरे मान मरजइतगे इयाकू जियाः लगाम चेडकू।

तितूस 2:7

तितूस आम हों जमालेःआ नपाय बुताम बुता बदीरे एटाःकू लगा चिनहा इयाम दोहोन। आम सुद अरू सताय ओंगोलते,

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।

इबरानी 11:2

अबूरिकुःआ खुटिपरिया होड़कू बिसवासतेरा, हनालगा भगवान हँकूय भल-भलायवातेरा।

इबरानी 13:18

अले लगापे अरजीगोड ञवन। अले सुनुदीबाःगोतेरा, अलेराः ओंगोल सुद इदा अरू अले जमालेःआरे नपाय लूर नेवनते सलाः लगाले चहाःतना, माःआन।

एकूब 1:27

टुरा होड़कू अरू रंडियाहीनकू अँनकूराः सिकिसता मेलारेय संघरावाकूता अरू अनँयग जीव चउंदीसराः कसूर अतेय बनसावता हाँयग होड़राः लूर-नेवन अबूरीग अपांग भगवान मड़ंगरे, सुद अरू बेगर गारबारतेःआ लूर-नेवन हवे अरू हनानाः भगवान जुकूर इदा।

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 4:8

भगवानराः कागदरे ओजाःतो इदा, “अपे एटाः होड़कूपे दुलार दो, हँकूराः मुरुक कसूरकूनतेपे कता बनसावकूता।” हनालगा अपे नाःआ मनइद कता इया अँननपे अपे इनिंदरी इंदरीते अलार-दुलार होड़ेंग ञवनपे।

2 पतरस 3:1

ने ईंगरिकुःआ अजी बोपोहकूतिंग, ईंग अपे लगा बार नमार चिठीयिंग ओजाःगेतना। नाःआ बनर चिठीते अपेराः सताय इंदरी एचे उहियार घड़ीनिंग कता बहालगेतना।

1 एहुना 3:18

ने ईंगरिकुःआ लइंकू इया होड़कू, अपे बनाड़रा बड़राते एकला अलोपे अलार-दुलारकू, मनदो एटाः होड़कू संघरावाकू घड़ीन सतायते अलार-दुलारकू लगा इदा।

1 एहुना 3:3

तोनोंगीग होड़ ईसू मसी इया होयाः लगाय असराता दो, ईसू मसी सुद इदानिया हनन इया, हाँयग होड़ अनँयग आँयग सुदगुः लगा इदा।

1 एहुना 4:1

ने अजी बोपोहकूतिंग, नाःआ चउंदीसरे भगवानराः बड़रा लबराकेडखन कताय होड़कू मुरुक इदनकुःआ। हँकुःआ होड़कूराः कता अपे ओहेन अहापे बिसवासगे। मनदो अपे हँकुःआ होड़कू सतायते भगवानराः बड़राकू कतायता जा कोवान हना नपायते जासवाडखनपे बिसवासगे।