पिलिपी 4:6 - Korwa Bible

⁶ तोनोंग इयाःआ ओंगोल कुहकाःरे अपे अलोपे दोहोन। मनदो जमा बरानाः लगापे अरजीगोड ञवन। अरू धनियाबाद घड़ीन अपे लगा हुडिंग बगरा इदा हना भगवान एचेरेपे असेय।

पिलिपी 4:6 Iomraidhean Croise

मती ओजाःतेरा भगवानराः नपाय सरवन 10:19

हँकुःआ होड़कू कोट कछेरीरे अपेकू इदीता हनमेला अपे चिला कता इदा हना बदीरे अपे अहापे ओंगोल दोहोगे। हनमेला अपेके हँकू सुदा बड़रा लगा कनहून भगवान एमेवापेता।

मती ओजाःतेरा भगवानराः नपाय सरवन 13:22

अरू जनुम बुदारे लोजोरनेना हना बिहान, भगवानराः सरवनकू अयुमेता हँकुःआ होड़कू हवे, मनदो हना सरवन चउंदीसराः ओंगोल अरू आन-धानराः ओंगोलते तेन जुवाःता। हनालगा हान मेर जो अवेनता।

मती ओजाःतेरा भगवानराः नपाय सरवन 6:34

हनालगा अपे गपाःआ कता लगा अलोपे ओंगोलगोड ञवन। गपा लगा गनापापे ओंगले। तिसिंग ओंगले लगा तिनिसिंगाःआ कटसिया बगरा इदा।

मती ओजाःतेरा भगवानराः नपाय सरवन 6:8

सेरमो देसरे इदानिया अपेरीग अपांग भगवान अपे असेय अते मनाड़ंग अपे लगा चिन चिला कोवानेःआ हनाँय सुदीयता। हनालगा अपे नँकुःआ होड़कू इया अलोपे अरजी।

लूका 10:41

परबू ईसू मारता एचेरेय कताया, “ने मारता, आम मुरुकमे ओंगोलेता अरूम हदराःता।

लूका 12:22

हनते ईसू चेलाकू एचेरेय कताया, “हनालगा अपे एचेरे ईंग कतायतना, अपेराः जीव लगा अलोपे ओंगोल कुहकाः, अले चिलाले जोम, माःआन। अरू अपे देह लगा अलोपे ओंगले, अले चिलाले तुसिंग, माःआन।

लूका 12:29

चिलाले जोम अरू चिलाले ञू, माःआन अलोपे ञाम, अरू ओंगोल कुहकाःरे अलोपे दोहोन।

लूका 18:1

हना तयोमरे ईसू आँयग चेलाकू एचेरे मीटोंग अउल-तउल कहड़ीय कता उदुःतेरा, जेमहा हँकू सगर बेलाकू अरजीगे अरू भगवान एचेरेकू भरसा हड़ाःगे।

लूका 18:7

भगवान सुनावकेडकुःआ हँकुःआ होड़कू दिन रइत भगवान संघरावाकू लगाकू अरजी दो, भगवान हँकू ओरोय संघरावतेडकुःआ जा? हँकू संघरावकू लगा भगवान कुबेरगेताय जा?

1 कुरिंती 7:21

भगवान आमे राःतेरा हनमेला बेगारी होड़मे दोहोना दो हना बदीरे अलोम ओंगोल कुहकाः। मनदो आम अजइतमे पवाव अवेन दो हना दाव नपायतेम उपयोतगे।

1 कुरिंती 7:32

अपे चउंदीसराः कताकून बदीरे अलोपे ओंगोल कुहकाः लगायिंग चहाःतना। डिंडा होड़कू परबू ननायगेय लगाकू ओंगोल कुहकावगोड ञवनता।

2 कुरिंती 1:11

हना अते भगवान अलिंगे बनसावगोड ञवनता माःआनलिंग अनसराबाःगोड ञवनतना। दो मुरुक बगरा होड़कूराः अरजीतेलिंग पवावकिया हना दहिनते, अलिंग बदीरे मुरुक होड़कू भगवानकू धनियाबादगेयता।

इपीसी 5:20

अरू परबू ईसू मसी अबू लगाय एचेकेरा हना जनामालेःआ लगा अपांग भगवान जमा बेलापे धनियाबादगोड ञवन।

इपीसी 6:18

सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।

कुलूसी 3:15

हेल-मेलरे मिनी जुमूटकियानखन, मिनी देह इया दोहोन लगा, भगवान अपेय राःकेरा। दो मसी एमेकेरा हना सलसतते, अपेराः जीव सलसत जुवाः। अरू अपे भगवानपे धनियाबादगोड ञवन।

कुलूसी 3:17

अपे तोनोंगाः बुतापे बुता सहे तोनोंगाः कतापे बड़रा हना जमाकून ईसू मसी लगापे एचेय, अरू हाँयते अपांग भगवानपे जागगोड ञवन।

कुलूसी 4:2

अपे अरजीगोड ञवनपे अरू भगवान धनियाबाद घड़ीन सवासितीपे दोहोन।

1 तिमुतियूस 2:1

ने तिमुतियूस, मीटोंग मइद कता ईंग आम एचेरेयिंग असेयतना, जमा होड़कू लगा भगवान एचेरे अरजीकेडखन हँकू लगाम असेय अरू हँकू बदीरे भगवानमे धनियाबाद।

1 तिमुतियूस 5:5

सतायरे रंडियाहीन इदानिया अरू तोनोंगीग हाँय संघरावाय लगा मेरकू दोहोनता हाँय, दिन रइत अरजी घड़ीन भगवान संघरागेय लगा हाँय एचेरेय असरागोड ञवनता।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

1 पतरस 5:7

भगवान अपे लगाय ओंगोलगोड ञवनतना। हनालगा अपेराः जमा बरानाः ओंगोल कुहकाःकून हाँय एचेरेपे जिमागोड।