पिलिपी 4:10 - Korwa Bible

¹⁰ ने अजी बोपोहकूतिंग, अपे मुरुक दिन तयोमरे ईंग अरू संघरावायिंग लगा सपड़ावतो इदानपेःआ। हनालगा अपे बदीरे ईंग मुरुक बहालरे इदानिंगा। अपे ईंग संघरावा लगापे ओंगलेःआ, मनदो अपे दाव मेरपे पवावगान। हनालगा अपे ईंग मेरपे संघरा अवेवागडिंग।

पिलिपी 4:10 Iomraidhean Croise

2 कुरिंती 11:9

अरू ईंग अपे एचेरेयिंग दोहोन मेला ईंग लगा हुडिंग बगरा होयानेना दो, ईंग अपे लगा तोनोंगाः बोझा मेरिंग एमेगाड। मनदो मकिदुनिया राइज अतेकू वेजेडा हँकुःआ बिसवासी होड़कू ईंगराः जरुरइतकू एमे पुरावगोतेरा। अरू इनिंग अपे लगा तोनोंग इयाःआ बोझा होयाः अतेयिंग रोंकावनेना अरूयिंग रोनोंकावगोड ञवनता।

2 कुरिंती 6:7

अले भगवानराः जंगरते सताय कताले कता उदुःगेःआ अरू बेगर गारबारतेःआ जीव जियाः लगा बनर तिःईरे अवजारकून साबतोयीग होड़ इया इदानलेःआ।

गलातिया 6:10

हनालगा अबू जमाकू सुदा होया अवेन हनामिन, बिसेक बिसवासी होड़कू संघरागोड ञवन लगा इदा।

गलातिया 6:6

सरवने चिडुःता हाँयग होड़ अनँयगराः आन-धान आँयगरीग चेडदार होड़े हटिंगवा।

पिलिपी 1:1

ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।

पिलिपी 1:3

अपेयिंग उहियारपेता, हना जमा बेला ईंग ईंगरीग भगवानिंग धनियाबादगेयता।

पिलिपी 2:30

हाँय ईसू मसीराः बुता बदीरे गोनेगगुःरेय दोहोना अरू अनँयग जीव गुजुः जियाः ओंगोल अड़ाः एंडाकेडखन अपे ईंग मेरपे एमे अवेवागडिंग हना संघरा हाँय एमेवातिरिंगा।