पिलिपी 3:6 - Korwa Bible

⁶ अरू मोसेसराः नियम नपायते मनाः बदीरे ईंग बेगर गारबार होड़िंग दोहोना। भगवान मान मरजइत लगा सनपड़ावतोयिंग दोहोना अरू हनालगा कलसियारिकुःआ बिसवासी होड़कूयिंग संतावतेरा।

पिलिपी 3:6 Iomraidhean Croise

मती ओजाःतेरा भगवानराः नपाय सरवन 23:25

ने पचघुचिया नियम चेडदार होड़कू अरू फरीसी होड़कू, अपे दोपे ठीकयना। अपे डुभा अरू छिपी सेरमो सेरमो एकलापे मंजवेता मनदो अपेराः इंदरीरे मुरुक ललची अरू बेलूर ओंगोल इदा।

मती ओजाःतेरा भगवानराः नपाय सरवन 5:20

अपे ईंगपे अयूम, अपेराः लूर-नेवन फरीसी होड़कू अरू भगवानराः नियम चेडदार होड़कूराः लूर-नेवन अते नपाय मेर दोहोन दो अपे भगवानराः राइजरे कहियो ओरोपे बोलो अवेनेना।”

लूका 1:6

हँकिनाः होड़किन भगवानराः ओंगोलरे बेगर गारबार होड़किन दोहोना अरू हाँयराः जमा हुकुमकून अरू नियमकून बेगर गारबारतेकिन मनाःआ।

मूक चेलाकू 21:20

नाःआ कता हँकुःआ अगुवा होड़कू अयूमतेरा दो हँकू भगवानकू जागा। हनते हँकू पउलूस एचेरेकू कताया, “ने सउंगता पउलूस, एहूदाकू अते हजार हजार होड़कू बिसवासरे इदानकुःआ अरू हँकुःआ जमा होड़कू मोसेसराः नियमकून नपायतेकू मनाव वेगतना।

मूक चेलाकू 22:5

हनालगा नाःआ कता मूक पुजउरी अरू मरंग पंचाइतरिकुःआ होड़कू होंकू सुसुदीतना। ईंग हँकुःआ होड़कू अते दिमसकूसरिकुःआ एहूदाकू एचेरे चिठी गोःतेडखन हंडाकुःआ बिसवासी होड़कू एचे तोल अगूतेडकूखन एरुसलेमरे डंडियावकू लगायिंग सेनेडा।

मूक चेलाकू 26:5

हँकू ईंग मुरुक बरिसतेकू सुदीगींगतना अरू हँकू ओंगोलकेःआ दो ईंग बदीरे कता उदुः अवेकेःआकू, अलेराः नियम इया जिनियाः लगाकू कुरनिसगेतना हँकुःआ कटकट फरीसी होड़कू अते मी होड़ ईंग दोहोना।

मूक चेलाकू 8:3

अरू साहूल दो कलसियारिकुःआ होड़कू लाय एंडाकू लगाय बुँहड़ीतेरा अरू ओड़ाः ओड़ाः बोल घड़ीन हाँय बिसवासी होड़कू, मरदकू अरू अइमीकू, एचे उडुंगकेडकूखन जेहेलरेय एचे सींगकुःआ।

रूमी 7:9

मड़ंगरे ईंग मोसेसराः नियम बदीरे अनसिनहार दोहोन घड़ीनिंग जियाःआ। मनदो नियम ईंग सुदीकेड दो, ईंग कसूर बदीरे होयिंग सुदीबाःगोतेडा अरू ईंग भगवानराः ओंगोलरे गोएगतो होड़िंग बड़ाँवयना।

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

1 कुरिंती 15:9

भगवानराः कलसियारिकुःआ होड़कूयिंग संतावतेरा। हनालगा ईंग ईसूरीग मूक चेला कतान जुकूर कोवायिंगा अरू हाँयरिकुःआ जमा मूक चेलाकू अते हुनुडिंग इदानिंगा।

पिलिपी 2:15

नाःआ अते अपे बेलूर ओंगोलरिकुःआ होड़कू तलारे भगवानरिकुःआ लइंकू इया बेगर गारबार अरू सुद जीवपे जियाव अवेनता। दो हँकुःआ होड़कू तलारे अपे टेडेगतो इपीलकू इयापे दोहोनता।

पिलिपी 3:9

नुँहू ईंग ईंगराः तोनोंगाः नपाय बुता एचे अते सहे नियम मनाः अते भगवानराः ओंगोलरे बेगर गारबार होड़ मेरिंग बड़ाँवगना, मनदो ईंग ईसू मसी एचेरेयिंग बिसवासकेरा, हना अते ईंग भगवानराः ओंगोलरे बेगर गारबार होड़िंग बड़ाँवकिया। हाव, बिनिसवास एकलाते भगवानराः ओंगोलरे बेगर गारबार होड़िंग बड़ाँवकिया।

1 तिमुतियूस 1:13

मड़ंग ईंग ईसू मसी बदीरे ओपता बड़रायिंग कताया अरू बिसवासी होड़कूयिंग संतावकुःआ अरू मरखा होड़िंग दोहोना। हनमेला ईसू एचेरे मेरिंग बिसवासगेःआ अरू अनसिनहारिंग दोहोना। हनालगा ईसू ईंग मुरुके सोगावाडिंगा।