पिलिपी 1:10 - Korwa Bible

¹⁰ जेमहा अपे ननपायते नपाय कता जमालेःआपे सुदी अवेय, अरू ईसू मसी कुदा वेग वरी सुद अरू बेगर गारबारतेःआ नपाय लूर-नेवन अपे जीवरे होया जुवाः।

पिलिपी 1:10 Iomraidhean Croise

मती ओजाःतेरा भगवानराः नपाय सरवन 16:23

दो ईसू ञेल उलटावतेडखन पतरसे कतावाड, “ने कलउ, ईंग मड़ंग अते तोरेनमे। आम ईंगराः दूरमे रेड लगा ओंगलेता। आम भगवानराः कता इया कोवान, मनदो होड़कूराः कता इयाम ओंगोलतना।”

मती ओजाःतेरा भगवानराः नपाय सरवन 26:33

हनते पतरस कतातेड, “गुरुजी, जमा होड़कू अड़ाःगोडमेकू दो ईंग ओरोयिंग अड़ाःतेडमेःआ।”

एहुना 1:47

हना तयोमते ईसू नतनएल आँयग अगी वेगतो ञेलतिडिगखने हाँय बदीरेय कताया, “ञेलेयपे, नाँय सनातायते इसराएल होड़ हवे अरू नाँय मुरुक सुधिया होड़ इदानिया।”

एहुना 3:20

बेलूर बुताकूनकू एचेयता हँकुःआ होड़कू मरसल मेरकू मंजूरवाता। हँकूराः बेलूर बुताकून जमाकू सुदी अवेयता। हनालगा हँकू मरसल अगी मेरकू सेनता।

मूक चेलाकू 24:16

हनालगा भगवान अरू होड़कू मड़ंगरे सगर बेला ईंगराः इंदरी सुद दोहोन लगायिंग कुरनिसगोड ञवनता।

रूमी 12:2

अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।

रूमी 12:9

तोनोंगीग मेड अंजउड़ी अलोपे दुलारगेय; बेलूर कताकूनपे हिनइस-बिनइसवा अरू नपायपे एचेगोड ञवन।

रूमी 16:17

दो ईंगरिकुःआ अजी बोपोहकूतिंग, अपे एचेरे गोड़न-पइयनकियानखन अरू मीटोंग कतायिंग असेयतना, होड़कू अपे चेडकिया हना चेडतो अते एटाः इया चेडकेडखन होड़कूकू हिगार हटिंगगोडकूता अरू होड़कू बिसवासतेकू एचे चलाःगोडकूता। दो हँकुःआ होड़कू सुदा सवासितीपे दोहोन अरू हँकू अते तोरेपे दोहोन।

रूमी 2:18

अरू भगवानराः ओंगोल सुदीवाडखन नियमकून चेडकियानखन ननपाय कताकूनरे मंजूरिंग दोहोनता, माःआन।

रूमी 7:16

ईंग एएचेय लगा मेरिंग चहाःतना, हनानाः बेलूरिंग एएचेतना दो, ईंग मनेवातना, नियम ननपाय हवे, माःआन।

रूमी 7:22

ईंगराः इनिंदरी इंदरीते भगवानराः नियमिंग एनेचेय लगा बनाहालतेयिंग दोहोनता।

रूमी 8:7

कसूर लूर-नेवन इयाकुःआ होड़कू नियमकून मेरकू मनाःता अरू ओरोकू मनाव अवेनेना,

1 कुरिंती 1:8

भगवान टुटीग दिन वरी अपेराः जीवे बड़ियाड़गोड ञवनता, जेमहा अपे ईसू मसी कुदा वेगता हना दिन वरी बेगर गारबारतेपे दोहोन।

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

1 कुरिंती 8:13

हनालगा ईंग जोजोम अते वपक बोपोहकूतिंग अते तोनोंगीगिंग एचे कसूरगेय दो ईंग मास कहियो ओरोयिंग जोपेडा।

2 कुरिंती 1:12

अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

2 कुरिंती 6:3

अलेराः सेवा बेगर गारबारते दोहोन लगा अले तोनोंगीग होड़राः बिसवास दूर मेरले रेडता।

2 कुरिंती 8:8

ईंग अपे मेरिंग हुकुमवापेतना, मनदो एटाः कलसियारिकुःआ होड़कू बिहिरीकू एमे लगा ओसताज इदानकुःआ अरू हनानाः बिहिरी एमे बदीरे अपेराः दुलार सताय इदा जा कोवान हना अउल-तउलगे लगा नाःआ इयायिंग कतायतना।

गलातिया 5:11

ईंगरिकुःआ अजी बोपोहकूतिंग, नुँहू वरी होड़कू खतनान लगायिंग परसारगेता दो एहूदाकूराः संताव बे अहियावते ईंग चिला लगायिंग सहावकेःआ? ईंग ईसूराः कुरूस बदीरे परसारगे अते, होड़कू खतनान लगायिंग परसारगे दो एहूदाकू ईंग एचेरे तोनोंग इयाःआ गारबार ओरोकू ञाम अवेकेःआ।

इपीसी 4:15

मनदो सताय कता इया जियाः घड़ीन अँननबू अबू अलार-दुलारकेडखन जमा बरानाःरे, कलसियाराः बोः, ईसू मसी इया, अबू हनारागोड ञवन लगा इदा।

इपीसी 5:10

अरू भगवान ननायगुःता हना कता अपे चिडुः लगापे कुरनिसगे।

इपीसी 5:27

जेमहा कलसिया बेगर जोरोडते अरू बेगर कोकोड़ावते, सुघर बड़ाँवकेडखन सुद अरू बेगर गारबारते अनँयग लगाय सपड़ाव अवेय।

इपीसी 6:24

सतायरे अबूरीग परबू ईसू मसीकू दुलारगोड ञवनतना हँकुःआ होड़कूराः जीव सगर सइट भगवान मयावागोड ञवन।

पिलिपी 1:16

हँकुःआ होड़कू दुलारते नपाय सरवनकू कता उदुःगेतना, अरू ईंग बदीरेकू सुसुदीतना, हाँय नपाय सरवन सताय हवे माःआने कताय अते, जेहेलरे इदानिया, माःआन।

पिलिपी 1:6

अरू अपे बदीरे मीटोंग कतायिंग सुनुदीबाःगोतेरा, ईसू मसी कुदा वेगता हना दिन वरी, भगवान अपे एचेरेय बुँहड़ीकेरा हनानाः नपाय बुताय एचे पुरावगोडता, माःआन।

पिलिपी 2:16

अपे, जीव एमेता हना सरवन इयापे जियाः दो, ईसू कुदा वेगता हना दिन ईंग अपे बदीरे बहालते नपायतेयिंग कता अवेयता अरू ईंगराः मिहनइत सदाःआ ओरो होयानेना।

1 तिसलूनिका 3:13

परबू ईसू आँयगरिकुःआ जमा सुद होड़कू सुदाय कुदा वेगता, हनमेला हाँय अबूरीग अपांग भगवानराः मड़ंगरे अपेराः जीव बेगर गारबारते अरू सुदे तुलावाडखन बड़ियाड़गे लगाले अरजीतना।

1 तिसलूनिका 5:21

मनदो होड़कू कतायतना हना जमा बड़रापे जास अरू ननपाय इदा हनापे मनाः।

1 तिसलूनिका 5:23

जमा होड़कू लगा सलसते एमेयता हाँयग भगवान जमा बरानाःते अपेराः जीव सुदे दोहोगे अरू परबू ईसू मसी कुदा वेगता हना दिन वरी अपेराः देह, जीव अरू हनसा बेगर कसूरते दोहोगे लगा होयिंग अरजीतना।

1 एहुना 4:1

ने अजी बोपोहकूतिंग, नाःआ चउंदीसरे भगवानराः बड़रा लबराकेडखन कताय होड़कू मुरुक इदनकुःआ। हँकुःआ होड़कूराः कता अपे ओहेन अहापे बिसवासगे। मनदो अपे हँकुःआ होड़कू सतायते भगवानराः बड़राकू कतायता जा कोवान हना नपायते जासवाडखनपे बिसवासगे।

उदुःतो कताकून 2:2

“अपेराः बुतायिंग सुसुदीता। अपे मिहनइत घड़ीनपे बुताता अरू सहाव घड़ीनपे दोहोनता। अपे बेनेलूर होड़कू मेरपे सहाव अवेकूता। अपे हँकुःआ होड़कू जासतेडकूखन सुदीगोतेडकुःआ, नँकू अडिग होड़कू इदानकुःआ, माःआन। हँकू सतायरे मूक चेलाकू ना लवे, मनदो हँकू अँननकू अँकू कतनता, अले ईसूरिकुःआ मूक चेलाकू हवे, माःआन।