Biblia Todo Logo
Bìoball air-loidhne

- Sanasan -




पिलिपी 1:1 - Korwa Bible

1 ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।

Faic an caibideil Dèan lethbhreac




पिलिपी 1:1
48 Iomraidhean Croise  

ईंगराः कुदा वेग नाःआ इया होयाःता। तोनोंगीग होड़ आँयग ओड़ाः अटूवाडखने सेनता दो, हाँय सेन मेला आँयगरिकुःआ सेवकिया होड़कू हना ओड़ाः ञेल हड़ाःगे लगाय जिमा अटूता अरू मेमेडटोंग बुता मेनेमेड होड़कू लगाय एमेतेरा। ओड़ाःरीग अगुरादार होड़ एचेरे ओड़ाः अगुरा लगाय कता जिमाकेरा।


तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।


दो पतरस अरूय कतातेड, “सेरेंगकून कागदरे नाःआ इया ओजाःतो इदा, हाँयरिकुःआ जमाकू नरी नठी एंडा जुवाःकू, अरू हँकू तोनोंगीग हना ओड़ाःरे अहाकू दोहोन। अरू तोनोंगीग हाँय बदला हाँयराः मूक बुताय गोःगे


हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।


दो हनानियाह कता कुदातेरा, “परबू अलोम वारगींग। हाँयग होड़ बदीरे मुरुकिंग अयूमतेरा अरू हाँय एरुसलेमरे आमरिकुःआ सुद होड़कू जमा बरानाः कटसियातेडकुःआ।


ने अजी बोपोहकूतिंग, ईसू मसीरीग सेवादार अरू मूक चेलाराः सेवारे, अरू भगवानराः नपाय सरवन परसारगे लगा भगवान एटाःकिडिंगा, ईंग पउलूस नाःआ चिठीयिंग ओजाःगेतना।


रूमी सहररे भगवान दुलारकूता अरू अनँयगरिकुःआ सुद होड़कू होयाः लगाय एटाःकेडकुःआ हँकुःआ जमा बिसवासी होड़कू लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।


अपे सुसुदीतना, तिमुतियूस ईंग इया परबूय सेवातना। हाँय अपे एचेरेय सेन दो बेगर बोरतेय दोहोन लगापे संघरावाय।


ने अजी बोपोहकूतिंग, भगवानराः हिछा इया ईसू मसीरीग मूक चेला इदानिंगा ईंग पउलूस, अबूरीग बिसवासी बोहोबू तिमुतियूस सुदा, अपे कुरिंती सहररे इदानकुःआ, भगवानराः कलसियारिकुःआ होड़कू लगा, अरू अकाया देसरे इदानकुःआ भगवानरिकुःआ एटाः सुद होड़कू लगा हों नाःआ चिठी ईंग ओओजाःतना।


दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।


ईसू मसी एचेरे बिसवासकेडखन अपे जमाकू भगवानरिकुःआ लइंकूपे बड़ाँवयना।


अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।


ने अजी बोपोहकूतिंग, ईंग पउलूस, भगवानराः हिछाते ईसू मसीरीग मूक चेला हवे। इपीसी सहररे ईसू मसी एचेरे बिसवासगे इयाकू दोहोनता भगवानरिकुःआ सुद होड़कू, अपे लगा नाःआ चिठीयिंग ओओजाःतना।


ननानाः लगा ईसू मसीरे अपेराः बिसवास अरू जमा बिसवासी होड़कू लगा अपेराः अलार-दुलार ईंग अयूमकेरा हना वरीते,


सतायरे अबूरीग परबू ईसू मसीकू दुलारगोड ञवनतना हँकुःआ होड़कूराः जीव सगर सइट भगवान मयावागोड ञवन।


परबू ईसूराः ओंगोल इदान दो, ईंग तिमुतियूस अपे एचेरे हलीयिंग वारेयता, जेमहा हाँय अपे अतेय कुदा वेगकियानखन अपे बदीरे नपाय सरवने कता उदुःवायिंग अरू हनाते ईंगराः जीव अहाल-बहाल जुवाः।


ईसू मसीराः लूर-नेवन दोहोना हनन इया, अपेराः लूर-नेवन हों होयाः लगा इदा।


ईंग नाःआ जमाकूनिंग पवावयान सहे जमालेःआते नपाय इदानिंगा माःआन मेरिंग कतायतना। मनदो ईसू मसी ईंगे साबकेरा हनानाः ओंगोल पुरावगे लगायिंग मिहिनइतगेतना।


मनदो अबू भगवानराः बिरुवाते हाँय जाग घड़ीन ईसू मसीबू मान मरजइतता। अरू होड़कूराः खतना इयाःआ रिती-बिधीरे मेरबू भरसाता। हनालगा सताय खतनात होड़कू अँननबू हवे।


हाव, परबू ईसू मसी नपायते सुदीगेय लगायिंग चहाःतना अरू हाँयिंग सुदी, ईंग लगा जमालेःआते मनइद कता हवे। ननानाः लगा मड़ंगरे ईंग लगा नफा दोहोना, हनानाः कताकून सदाःआ इदा माःआन ओंगोलतेडखनिंग अड़ाःगोतेडा। अरू ईसू ईंग पवाः लगा अरू हाँय सुदा मिनी जुवाः लगा हना जमाकून खरसी हवे माःआनिंग ओंगलेतना।


ने अजी बोपोहकूतिंग, ईंग पउलूस, सिलवानूस अरू तिमुतियूस सुदा, अबूरीग अपांग भगवान अरू परबू ईसू मसी एचेरे बिसवास इदा, अपे तिसलूनिका सहरराः कलसियारिकुःआ होड़कू लगा नाःआ चिठीयिंग ओओजाःतना। भगवान अपेय मयावा लगा, अरू सलसतरेय दोहोगोड ञवनपे।


अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।


ने अजी बोपोहकूतिंग, ईंग पउलूस, सिलवानूस अरू तिमुतियूस सुदा, अबूरीग अपांग भगवान अरू परबू ईसू मसी एचेरे बिसवास इदा, अपे तिसलूनिका सहरराः कलसियारिकुःआ होड़कू लगा नाःआ चिठीयिंग ओओजाःतना।


ईसू मसी अनँयग एचेरेकू बिसवासकेरा अरू सुद इदानकुःआ हँकुःआ होड़कू एचेरे मान मरजइत जुवाः लगा, अरूकू बयाव जुवाः लगाय कुदा वेगता हना दिन, नाःआ जमाकून होयाःता। अरू अपे अलेराः हिदइतरेपे बिसवासकेरा। हनलगा अपे हों हना गउदारेपे दोहोनता।


बिसवास बदीरे ईंग बेटा इया इदानमेःआ आम लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा अरूकिन सोगावा, अरू सलसतरेकिन दोहो ओवापे।


ननन इया कलसियारिकुःआ सेवकिया होड़कू, मान मरजइतगेयीगकू दोहोन अरू बार जीव ओंगोल होड़कू अहाकू दोहोन। हँकू बुनूलतो होड़कू अलोकू होयाः अरू तोनोंग इयाराः ढिबुवा ललचीरे अहाकू दोहोन।


ने तितूस, भगवानरीग सेवकिया अरू ईसू मसीरीग मूक चेला ईंग पउलूस अगीते मसी सलाम। दो भगवानरिकुःआ सुनावतो होड़कूराः बिसवास बड़ियाड़गे लगा ईंगके जिमात इदा, जेमहा भगवानराः ओंगोल इयाःआ सताय बदीरे हँकूराः कनहून बडे जुवाः,


कलसियारीग मूक होड़ भगवानराः बुता बदीरे जिमेवारी होड़ होयाः अते बेगर गारबारते दोहोन लगा इदा। हाँय बड़वार होड़ सहे रिता रिसुः होड़ सहे बूलतो होड़ सहे कड़ीग होड़ सहे लुभिया होड़ अलोय होयाः।


ईसू मसीराः परसार बदीरे जेहेलरे इदानिंगा ईंग पउलूस नाःआ चिठीयिंग ओजाःगेतना। ने अलिंगरीग दुलार सउंगता अरू सेवा देंगवा होड़ पिलेमोन, अलंगरीग बिसवासी बोहोयिंग इदानिया हाँयग तिमुतियूस अरू ईंग अगीते आमके मसी सलाम।


अपे नाःआपे सुदीबाःका, अबूरीग बोहोबू तिमुतियूस जेहेल अतेय उडुंगयना। हाँय हलीय वेग जुवाः दो अपेका जुमाः लगालिंग सेनता।


ईंग एकूब, भगवानरीग अरू परबू ईसू मसीरीग सेवकिया होड़, नाःआ चिठीयिंग ओजाःगेतना। जमा चउंदीसरे सितिर-बितिरयनाकू हँकुःआ बारहगोटोंग गोतोररिकुःआ होड़कू लगा ईंग अगीते मसी सलाम।


मड़ंग अपे भेड़ाकू इया बेगर सरवाहातेपे दँड़ा हड़ाःआ, मनदो नुँहू अपे अपेरीग सरवाहा अरू तिहादार एचेरेपे कुदा वेगकिया।


ने ईंगरिकुःआ अजी बोपोहकूतिंग, ईसू मसीरीग सेवादार अरू मूक चेला सिमोन पतरस, ईंग नाःआ चिठीयिंग ओजाःगेतना। अबूरीग भगवान अरू सडावदार ईसू मसी, अबू बेगर गारबार होड़कूय बड़ाँवकेड अते, अले पवावकिया हनानाः मुरुक किमइताः बिसवासकू पवावकिया अपे लगा नाःआ चिठीयिंग ओओजाःतना।


ने ईंगरिकुःआ अजी बोपोहकूतिंग, ईसू मसीरीग सेवादार अरू एकूबरीग बोहोत इदानीग ईंग जूदा, अपांग भगवान दुलारकेडकूखने राःकेडकुःआ अरू ईसू मसी अनँयग लगाय बनसावकेडकुःआ, हँकुःआ होड़कू लगा नाःआ चिठीयिंग ओजाःगेतना।


ईसू मसी बदीराः उदुःतो कताकून, भगवान ईसू मसी एचेरेय जिमातेरा, जेमहा हाँय अनँयगरिकुःआ सेवकियाकू हलीते होनोयाः लगा इदा हना कताकूने उदुः अवे। ईंग एहुना, ईसू मसीरीग सेवकिया होड़ हवे। अरू हाँय सेरमो देसरीग बराहील वारतेडखन नाःआ कताकून ईंग एचेरेय एचे उदुःवातेरिंगा।


आम ईंगराः खउना तिःईरे सातगोटोंग इपीलकू अरू सोनाराः सातगोटोंग ढिबरीकूनमे ञेलतेरा। हँकुःआ सातगोटोंग इपीलकू सातगोटोंग कलसियारिकुःआ बराहीलकू हवे अरू सातगोटोंग ढिबरीकून सातगोटोंग कलसियाकून हवे।”


हनते ईंग हाँय जाग लगा हाँयराः काट कुटीरेयिंग तबेरनेना। मनदो हाँय ईंग एचेरेय कतातेड, “नाःआ इया अलोम एचेय। आम अरू एटाः बिसवासी होड़कू इया, ईंग हों ईसूरीग सेवकिया हवे। आम इया ईंग हों ईसूराः हिदइतिंग उदुःता। अरू भगवानराः बड़रा कता होड़कू हों ईसूराः हिदइतकू उदुःता। हनालगा भनगवानमे जाग।”


पिरगामून सहरराः कलसियारीग बराहील लगा नाःआ चिठीम ओजाः बनर परोम लसेरतो तलवइर साबतोयीग नाःआ इयाय कतायता,


इसमुरना सहरराः कलसियारीग बराहील लगा नाःआ चिठीम ओजाः मनाड़ंगते इदानिया अरू टुटीग वरीय दोनोहोनता, अरू गोएगनेनखन जियाव रेमतो इदानीग नाःआ इयाय कतायता,


मनदो हाँय ईंग एचेरेय कतातेरा, “अलो अलो, नाःआ इया अलोम एचेय। ईंग हों आम इया भगवानरीग सेवकिया होड़ इदानिंगा। आमरिकुःआ बिसवासी वपक बोपोहकूताम इया, भगवानराः बड़रा कता होड़कू इया, अरू नाःआ कागदराः कताकूनकू मनाःता हँकुःआ होड़कू इया ईंग हों भगवानरीग सेवकिया होड़ इदानिंगा। हनालगा आम भनगवानमे जाग।”


Lean sinn:

Sanasan


Sanasan