एहुना 21:3 - Korwa Bible

³ दो सिमोन पतरस हँकू एचेरेय कतातेड, “ईंग हकूकू दाः लगायिंग सलाःतना।” दो हँकू कतातेड, “अले हों आम सुदाले सेनता।” हनते हँकू सेनेडखन हकूकू दाः लगा डोंगारेकू दुड़ुःयान। मनदो हना रइत हँकू मीटोंगीग हों मेनेरकू दाः अवेगाडकू।

एहुना 21:3 Iomraidhean Croise

लूका 5:5

दो सिमोन ईसू एचेरेय कताया, “ने साहेब, अले अंगुः वरी जालले रेडतेरा। मनदो अले मीटोंगीग मेरले दाःगरा। नुँहू आम कताकेरा, हनालगा जालिंग तेकेगोडता।”

एहुना 21:4

अनंगुः मेला ईसू समुंदर धरीरेय सेने चड़ाँनेना। मनदो हँकुःआ चेलाकू नाँय ईसू हवे माःआन मेरकू सिनहा अवेगडीग।

मूक चेलाकू 18:3

हँकिनराः पेनेसा कुंबा तुला लगा दोहोना, अरू हना बुता पउलूस होंय एचेया। हनालगा पउलूस हँकिन सुदाय दोहोना अरू हना बुताकू बुताःआ।

मूक चेलाकू 20:34

अपे अँननपे अपे सुदीयतना ईंग इनिंग तिःईते बुतातेडखन ईंग लगा अरू ईंगरिकुःआ सेवा देंगवा होड़कू लगा हों जियाः जिनिसकूनिंग पुरावतेडकुःआ।

1 कुरिंती 3:7

हनालगा रोपाकेराय हाँय, सहे दहावकेराय हाँय, हँकिन बना होड़ कही कोवाकिना, मनदो भनगवान हमा जमाकूय हराबूतना।

1 कुरिंती 9:6

ईंग अरू बरनाबास एकला जोम-ञूय लगा तितिहा इदा जा?

1 तिसलूनिका 2:9

ने अजी बोपोहकूतिंग, अपे उहियारगेतनापे जा, अले भगवानराः नपाय सरवन अपे एचेरे परसारगे मेला दिन रइत उगार उडुंगवामिन घड़ीनले बुता जोमा, जेमहा तोनोंगीग लगा बोझा अलो होयाः।