एहुना 18:3 - Korwa Bible

³ दो जूदा रूमी देसरिकुःआ अदोम सइना होड़कू अरू मरंग पुजउरी होड़कू अरू फरीसी होड़कू वारतेडकुःआ हँकुःआ भगवानराः ओड़ाःरिकुःआ अगुरादार होड़कूय अविर अगूतेरा। अरू हँकुःआ होड़कू मुरीकून, ढिबरीकून अरू अवजारकून साबतेडखन हंडाकू सोदोरयान।

एहुना 18:3 Iomraidhean Croise

मती ओजाःतेरा भगवानराः नपाय सरवन 25:1

“भगवानराः राइज अँनकूराः ढिबरीकून गोःकेडखन बरवा सुदा जुमाः लगाकू उडुंगनेना हँकुःआ दसगोटोंग धंगड़ीकू इया इदा।

एहुना 13:2

सिमोनरीग बेटात जूदा इसकरियोतीराः जीवरे ईसू एचे साब लगा मड़ंगते कलउ ओंगोले सोलोंग दोहोतेरा। दो ईसू अरू चेलाकूतेन बियाड़ीकू जोम मेला,

एहुना 18:12

हनते हँकुःआ सइना होड़कू अरू अँकूरीग हातपात होड़ अरू भगवानराः ओड़ाःरिकुःआ अगुरा होड़कू ईसू तोलतिरिगखनकू साब गोःयाडीग।

एहुना 18:18

ररंगराः दिन दोहोना अरू सेवकियाकूतेन अरू भगवानराः ओड़ाःरिकुःआ अगुरा होड़कू कोयला बाल हसातेडखन चइरो गतर चड़ाँकियानखनकू एलांगगुःआ। दो पतरस हों हँकू सुदा चड़ाँकियानखन सेंगेलरेय एलांगगुःआ।

एहुना 18:22

ईसू नाःआ इयाय कतातेड दो ईसू कुटीरे चड़ाँतेय दोहोना भगवानराः ओड़ाःरीग मी होड़ अगुरा होड़ चपड़तिरिगखने कताया, “मूक पुजउरी एचेरे आम नाःआ इयाम कतायता जा?”

एहुना 19:6

मरंग पुजउरीकू अरू हातपात होड़कू ईसूकू ञेला दो हँकू मुरुक सटीतेकू कताया, “नाँय कुरूसरेम एचे ठोंकावगेय, कुनुरूसरेम एचे ठोंकावगोडेय।” मनदो पिलातूस कतातेरा, “ईंग नाँय एचेरे कहिसाः कसूर मेरिंग ञामगडा। हनालगा अँननपे गोःकिडिगखन कुरूसरेपे ठोंकावगेय।”

एहुना 7:32

ईसूराः बदीरे होड़कू जहड़ बेडेग घड़ीनकू कता होड़ेंगा हना कताकून फरीसी होड़कू अयूमतेरा दो, मरंग पुजउरीकू अरू फरीसी होड़कू मी रायनेनखन ईसू साब लगा भगवानराः ओड़ाःरिकुःआ अगुरादारकूकू वारतेरा।

मूक चेलाकू 1:16

अरूय कतातेड, “ईंग अजी बोपोहकूतिंग, मड़ंगरे भगवानराः सुद बिरुवाते दाऊद राजा जूदा बदीरेय कतातेरा हना कता पुराः दोहोना। हाँयग जूदा, ईसू साब लगाकू वेजेडा हँकुःआ होड़कूय अगुवाइतेडकुःआ।

मूक चेलाकू 10:1

कइसरिया सहररे मी होड़ बेगर एहूदा होड़ दोहोना। हाँयराः ञाव दोहोना कुरनेलियूस। हाँय रूमी देसराः मी सव सइना होड़कूराः इतालिका ञावराः गउदारीग हातपात होड़े दोहोना।