एहुना 1:9 - Korwa Bible

⁹ होड़कू लगा सताय जीवराः मरसले एमेता हाँयग होड़ चउंदीसरे वेग लगाय दोहोना।

एहुना 1:9 Iomraidhean Croise

मती ओजाःतेरा भगवानराः नपाय सरवन 6:23

मनदो अपेराः मेड बेलूर दोहोन दो, अपेराः जमा देह दगलीकून हों अंदरा जुवाःता। अपेराः इंदरीरे इदा हना मरसल अंदरा जुवाः दो, अपे अनंदरा अंदरारेपे दोहोनता।

लूका 11:36

आमराः जमा देह मरसल दोहोन अरू तोनोंग अंदरा मेर दोहोन दो, ढिबरी मरसल एमेयता हनन इया आमराः जीव हों मरसलते पेरेग जुवाःता।”

एहुना 1:4

हनाँय जमाकू लगा जीवे एमेकेरा अरू हना जीव होड़कू सताय एचे सुदीकूता हना मरसल दोहोना।

एहुना 1:7

अरू हाँय मरसलराः बदीरे होड़कू उदुःवा लगाय वेगनेना, जेमहा हाँयराः हिदइत होड़कू अयूमकेडखन मरसल हवे हाँयग होड़ एचेरेकू बिसवास अवेय।

एहुना 12:46

ईंग चउंदीसरे मरसल इयायिंग वेगकिया अरू ईंग एचेरेय बिसवासगे हाँय, अंदरारे ओरोय दोहोनेना।

एहुना 14:6

दो ईसू कतातेड, “दूर, सताय अरू जीव इनिंग हवे। ईंग अड़ाःकेडखन ईंग अपांग भगवान एचेरे तोनोंगीग ओरोय सेने अवेनेना।

एहुना 15:1

हनते ईसू आँयग चेलाकू एचेरेय कतातेरा, “सताय अंगूर दूब ईंग हवे अरू ईंग अपांग किसाड़ हवे।

एहुना 6:32

दो ईसू हँकू एचेरेय कताया, “अपे ईंगपे अयूम! अपे लगा मोसेस सेरमो अते रुटी मेरेय एमेगाड। मनदो ईंगरीग अपांग भगवान अपे लगा सताय रुटी सेरमो देस अतेय एमेयता।

एहुना 7:12

होड़कू ईसू बदीरे जहड़ घड़ीन मुरुककू कताया। अदोमकू कताया, “हाँय नपाय होड़ हवे।” अरू अदोमकू कताया, “हाँय होड़कूय बहकावगोडता।”

1 एहुना 1:8

अबू अँननबूराः बदीरेबू कतायता, ईंग मेरिंग कसूरगरा, माःआन दो अबू अँननबू अडिग जोमता अरू अबूराः जीवरे सताय कता कोवानेःआ।

1 एहुना 2:8

हनते हों ईंग मीटोंग नँवा नियमयिंग ओओजाःतना। कसूरराः अंदरा हुडिंगगुःतना अरू भगवानराः सताय कता मरसल इया विड़चेड़ लगा बुँहड़ीयना। हनालगा हना नियम ईसू मसी एचेरे सताय दोहोनता हनन इया अपे एचेरे हों सताय दोहोनता।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।